September 1, 2017 | 易生活教育

Ocamp 獸父？！約會安全您要知

September 29, 2017March 19, 2019 admin 24856 Views

每年到九月，都是小編我懷念自己的學生歲月的時間（默），還會在比較年輕還在學的朋友口中聽到「#Ocamp 」啊，「組仔女」啊之類的，然後，當然還會聽到「#獸父」。好啦，大家也是成年人，就不要裝作不知道「獸父」是什麼了；獸父是指在Ocamp 中當組爸，但是會想著如何「食」（取得性方面的好處）組女的男生。這個情況在小編我讀大專之前就已經存在了（呵呵原來小編比自己想像的年輕），細心一想，即是香港這麼多年來，年輕的女大學生也面對這種困擾和威脅？我們到底是將「女生的人生就是這樣，無辦法」當成有多理所當然？先暫且放下這問題不理，其實「獸父」問題的普及程度，是連離地到上太空的某香港大電視台，在節目中也會提到（*1）。實際上小編聽過的傳言，和其他網媒流傳的故事，比這節目的嘉賓說的「獸父們會對異性摸手摸腳」更駭人聽聞。網媒 #輔仁媒體的副版 #風月亭曾有一篇投稿（*2），教授組爸如何「食」組女（和其他Ocamp 內的女生），當中已經近乎 #心理戰的程度。為了「食」組女，到底可以去到幾盡？這篇文章的作者就提倡「開一點不太緊要的玩笑」「細心留意到底她的喜好或習慣」「與她分享她的喜樂，分擔她的煩惱，陪陪她傻笑做個低能仔」，然後要考慮那些已有伴侶的組女，向她輸入自己是她的後備的觀念，「等他們關係一次大破裂，你就可以拍拍手，順手牽羊去」。雖然這篇文章最後有語焉不詳的詛咒「獸父」的內容，但我們也無法評論這內容。總之這些概念，差不多可以用於情報或間諜工作了…

性愛Q&A 新聞熱話煩惱青春

愈尼愈多人先同居後結婚？其實係根本唔敢結婚！

September 29, 2017March 19, 2019 admin 1944 Views

早排睇家計會份報吿先知，原來過去20年來有結婚計劃既後生仔愈尼愈少，已經少過半數，報告仲提出「先同居、後結婚」或者會成為社會常態。其實個現象，根本唔係計劃同居既人增多，而係年輕人唔敢結婚！！報告提到，經濟能力不足、擔心婚後生活比婚前差等等，都係後生仔唔想結婚既原因。當香港地樓價咁高，已經好難再過上一代儲錢結婚比首期買樓既典型生涯規劃，儲錢比首期唔駛諗，當情侶淨係可以租樓住既時候，咁缺乏穩定性，仲點講長遠結婚生仔？舊時結得婚就多數會生仔，依家根本連仔都唔敢生！一諗到生仔就要供書教學上Play Group搵名校，都咪話唔頭痕…… 於是大家就寧願同居都唔結婚，比大家有更多走位空間，結婚率、生育率下降自然無可厚非。報告話有近9成既中學生都表示將來會希望結婚，其實係因為身為中學生既佢地，根本唔了解香港生活壓力有幾大！當然，今時今日同居並不是大問題，而且，先同居後結婚，更加可以先習慣共同生活，從而避免衝突。不過，每個人都要因應自己既家庭計劃行事，如果無生小朋友既打算，做愛做的事既時候就記得要做好安全措施啦，避孕方法都有好多種，但係體外射精就絕對唔係其中之一，到時唔小心中左，咁就煩啦…… 撰文：社會主義好資料來源： http://www.famplan.org.hk/fpahk/zh/press/press/PRc_Report_on_Youth_Sexuality_Study_2016.pdf

AV Q&A 性愛Q&A 新聞熱話

平均每日上1.27次床？！日本人性生活好豐富？？

September 29, 2017March 19, 2019 admin 5063 Views

日本AV業發展蓬勃，每個男人成長既過程都有無數既AV倍伴。但AV只係幻想。幻想同現實好大分別……. 由2008到2014年，AV女優人數由5000升到8000人，6年升6成。同埋，時不時都有素人(非全職)拍AV，真係多到睇都睇唔哂。除左人多，片都多。有啲資歷深既AV女優，真係拍過一千部以上。就以「暗黑林志玲」波多野結衣為例。波多野結衣雖然近年無再頻繁出作品，但由2008年出道至今，佢已經拍過1508套作品。宜家係2017年既9月，我就當佢出左道9.75年，而每一部平均有3段床戲。經過計算呢9.75年間，佢平均每日有1.27套床戲。但佢只係作品第5多既女優，真係山外有山，人外有人。咁多女仔肯拍，又拍得多，係咪日本妹真係會大啲需要？咁日本人既性生活咪好好？ #少年你太年輕了。據資料顯示，日本人一年人均性生活次數只有48次，遠比好多國家低。無性夫妻比例由2007既35%升到2013既55%。其實AV真係純專業演出，目的係視覺上刺激觀眾，唔係為左俾演員享受性愛。有時想性生活美滿，除左對AV既幻想，安全既性行為都係一樣重要既要素。又要玩，又要驚，點會好玩呢？既然要玩得開心，緊係要玩得放心。撰文：小甜 IT狗 #AV #若要生活好記得要帶套 #爸爸唔好唔要我

你要識性性。詞典性愛Q&A 新聞熱話避孕百科

授孕方法有好多種

September 19, 2017March 19, 2019 admin 4350 Views

近日，一網媒貼出讀者去信，提問如何可在不「中出」(體內射精)之下使其同居女友授孕。授精方法多樣化　但絕非人人適用筆者在多年前曾閱報獲悉有外國少女在公眾泳池游泳，因另有男泳客在池中遺精而使精子進入其體內，繼而令其懷孕。當然，這種意外可遇不可求，且精子能在含氯水中生存下來，實在極為精壯。除非閣下質素極佳，筆者不建議採用這方法；加上衛生問題，此舉並不可取。另一種，則視乎大家的經濟能力——試管授孕。據筆者所知，現時有不少私營醫療基構提供相關服務，但動輒花費上萬元。因此，建議諸位在決定之先考慮清楚。事實上，即使體外射精，若不戴安全套，在行魚水之歡時，雙方也會有體液交換，此時或會有少數精子流入女方體內而授孕。授精方式有很多種，按自身能力和需要而選擇最佳方案，自然水到渠成。希望樓主能解決這個問題！撰文：君不見黃河原帖連結： https://www.facebook.com/groups/1472136323095774/permalink/1752011228441614/

AV Q&A 你要識性性愛Q&A 新聞熱話

【AV Q&A】點解睇片從來冇戴套鏡頭，但做果時男優又會有套？

September 18, 2017March 19, 2019 admin 5317 Views

顧名思義，AV個V即係VIDEO，咁影片就當然會有剪接成份啦！大家見到嘅只係導演心目中最想表達嘅「戰鬥畫面」，戴套呢個片段太瑣碎，咪剪走佢囉，你估睇常識堂性教育短片咩！（咁當然，製作人員背後都做好多功夫幫演員預防性病，不過就算係螢幕上顯示比你睇，你都會㩒制飛（fast forward）走去睇戲肉嫁啦！）不過根據我地上個月既非正式意見調查，有超過四分一的讀者平時使用「體外射精」或「計算安全期」等危險方法避孕。嗯… 奉勸各位巴打絲打，要學識用套！根據衛生署紅絲帶中心建議，使用安全套咁先正確：（１）安全套要新的、未過期、品質優良而無破損；（２）陰莖勃起後未有性接觸前就要戴上；（３）將套前端空氣擠出，保留前端空間盛載精液；（４）把安全套捲開套住整個陰莖；（５）射精後，趁陰莖仍然勃起時，緊握安全套邊緣，把陰莖抽出。長知識－原來女仔都可以戴避孕套？： https://elife-edu.org/category/contraceptive/%E9%98%BB%E9%9A%94%E9%81%BF%E5%AD%95/ 撰文：斷水水更流

性愛Q&A 新聞熱話

奶奶，生個仔出來係我要養，唔好下巴輕輕

September 15, 2017March 19, 2019 admin 1826 Views

小編同同事成日都有一個感覺，就係香港雖然表面上係一個「21世紀國際金融中心」，但係實際上只係一個未開發的地方。雖然同事們是以「發展論」來看待這點，而其實小編真正在意的是－－這個城市的人的開放程度。最近我們（又）留意到一單超瘋狂的新聞，和婆媳關係有關……讀者們可以先自己看一看。 // 夫妻面對長輩「催生」時，常含糊回應：「我們會努力喇、明白喇」，心急的長者聽罷常會亂估。「多數會估新抱不好，導致無孫抱，甚至有個案是長輩反建議兒子北上找其他人生。」// https://hk.mobi.yahoo.com/news/%E5%A5%B6%E5%A5%B6%E5%82%AC%E7%94%9F%E4%BB%94-%E6%96%B0%E6%8A%B1%E5%91%BB%E5%A3%93%E5%8A%9B%E7%88%86%E9%8C%B6-224535807.html 怎樣，很瘋狂罷？正如我們之前的章回小說《三難》提及般，婆媳關係是香港人共同瞭解的一個生活難題，但這個真的是極品；「娶咗個唔識生仔嘅女人」，「女人唔識生仔娶嚟做乜」，完全將女人的價值，建立在生或不生上。而第二點讓人吐血的是將生不生得出完全歸咎於女生上，而且事主也好像也將責任放在自己身上，這並不是一個健康的做法。跟據家計會的資料，不孕的原因男女雙方各佔三成，而且其實是一個常見現象，每六對夫婦，就有一對有這困難（ http://www.famplan.org.hk/fpahk/zh/template1.asp?style=template1.asp&content=sexual/srh.asp&nsrhref=2 ），所以其實事主無需自責。更重要的是，如果真的出現不孕困難，男女雙方也得進行檢查，而不是只有女生需要。但是，回到問題的重心，如果因為奶奶的壓力就進行生育，其實並不是一個對生命負責任的做法；奶奶對夫婦施壓，但真的生出來了，其實她是不用負責的（就算她會義務幫一些忙），對小生命真正要負責的，是夫婦兩人。生育前先考慮自己的能力罷，如果真的不想生，就誠懇地和奶奶說。