豪放女揭起條裙 香水噴下體? 解決體味問題有辨法

有百貨公司閉路電視影到條女乸起條裙噴香水tester,似乎對下體氣味好關注咁喎。其實咁講啦,正常人有人味,唔會無端端香噴噴嘅要個西無端端香呢,應該唔係幾可能嘅,除非你係傳說中嘅香妃,或者金庸小說入面嘅香香公主啦。噴香水更加唔係可取嘅做法,因爲唔少香水都有酒精同其他化學成份,好容易刺激脆弱嘅敏感部位,就會更加難受嘞。 當然啦,我都唔排除呢位小姐係想急救下異味問題嘅,不過都係諗吓治標方法好啲。勤沖涼、換底褲同衛生用品呢啲就唔使講㗎喇,但係就要提下各位唔好用沐浴露或者梘液過份擦洗,以免水同鹼性物質影響陰部酸鹼度同微生態平衡,造成感染就得不償失喇。有需要可以選用女性潔膚液,但係仍然唔應該過份洗滌。平時注意唔好食太多濃味食物,例如洋蔥、大蒜,都可以減少下體氣味。如果情況持續,就唔好怕醜,要去睇下醫生呀! 撰文:一起拉丁舞 水源:http://hk.apple.nextmedia.com/realtime/international/20171021/57354605 相關文章:女仔覺得痕?可能係酵母菌感染 痕痕痕……其實佢可能只係……

Read more

「第一次」家長談性大法 “a special dance”

好多家長一講起性教育就頭都大埋,到底應該主動講,定係被動答?應該單人匹馬,定係雙親同場?呢條片就記錄咗一啲父母同仔女初次談性嘅場面嘞,啲細路嘅反應都幾純真可愛㗎! 我自己就覺得性教育同其他教育一樣,都應該循序漸進,逐步教識小朋友一啲基本概念,唔好一下子就將太複雜嘅野灌輸畀佢哋,否則佢哋好難接受同諗得通,就容易採取逃避或者訕笑嘅態度。可以學下片入面一位爸爸咁,適當嘅時候利用下修辭手法,第一次講嘅時候將性行爲嘅詳情比喻爲「a special dance」,等小朋友明白個大概,以後再慢慢講解,都不失爲一個好方法。 同一時間,大家都應該觀察到,有啲小朋友會覺得尷尬、噁心,甚至揞住耳仔大叫唔聽!如果仔女反應好大,其實可能代表佢哋仲未準備好接受爸爸媽媽想表達嘅特定訊息(例如性行爲),咁我覺得家長都應該尊重佢哋意願,暫時擱置話題;但咁並唔代表要完全唔講嘅,可以換個角度講啲無咁hardcore嘅野囉,畢竟性教育有好多層面,唔係下下都要急住講性交嘅。 最後都想提提大家,應該教識小朋友,即使性教育嘅內容係好正常嘅事,但性器官、性行爲等等始終係私人嘅,請佢哋唔好得意洋洋咁喺學校周圍講,咁既可以教識佢哋性嘅意義同埋提醒佢哋尊重別人,又可以避免佢哋講多錯多,或者同學校或者其他家長嘅性教育計劃衝突,引起不必要嘅不安同麻煩。 你覺得最好嘅性教育係幾時做、點樣做?各位家長又有咩搞笑時刻或者性教育心得可以同大家分享下呢?快啲留言話畀大家知! p.s. 嗰兩個亞洲/混血細路超醒超精靈呀!勁鍾意(心心眼) 水源:https://www.youtube.com/watch?v=a3MyLt6l5n0 文:一起拉丁舞

Read more

性交可以轉運?咁你都信?

近日,警方拘捕一名27歲男子,其涉嫌以「性交轉運」誘騙一名30歲女子與之兩度與其發生性關係,表示可為女事主進行續緣法事,從中收取港幣十萬元作酬金。女事主期後因未能與前男友復合,頓覺受騙,遂報警求助。 據悉,涉事男疑犯在社交媒體Instagram推銷「情降」,稱可強人緣運、旺桃花,又經常貼出與其「信眾」合照,當中不乏網台女主持和女模特兒,他亦宣稱其「信眾」遍及中港澳和東南亞。其Instagram賬戶顯示,至今已有25萬名追隨者,在《警訊》不時提醒之下,受騙人數之多,令人咋舌,若以「橋唔怕舊,最緊要受」、「人類總是重覆同樣的錯誤」形容實不為過。 筆者認為,凡事靠自己始終較好,而非總是想着以轉運法事的方式,這只是麻醉自己;而「性交轉運」更是神棍們騙財騙色的手段,只有「水魚」才會如此輕易「落疊」。女士們,若要挽留男伴的心,温柔體貼的照顧、問候基本上就可以了。如對方仍是不予理睬,那是他的損失,你已做了正確的事,毋須介懷,更不應大花金錢在那些騙財騙色的神棍身上,以免自己吃虧,得不償失。再者,正所謂「勉強無幸福」,若對方去意已決,那就放手吧,免得雙方心理上辛苦和難受。 撰文:君不見黃河

Read more

慎入:嚟M 點拍片?核突辛酸史大想像!

[食緊飯慎入] 話說最近我喺食緊野嗰時睇咗條片,問啲AV男女優拍片時遇過啲咩最尷尬嘅情況,咁唔使諗當然係屎尿血齊飛啦。有潮吹不成噴到下低嗰位同事一面茄嘅妹紙(連頭髮都有……),亦都有將spit講做vomit嘅男優,老點個靚女嘔咗同事一身 。 我一直都好好奇,女仔之家每個月硬係有幾日唔方便㗎喎,如果唔係拍啲血味濃嘅重口味片,係咪可以放幾日假呢?但係拍片嘅野,手停口停,而且無理由要成條crew就你一個,咁點搞呢?呢條片解答咗我,原來女優喺月經期間會塞啲棉花入陰道吸血,咁就可以照拍嘞!之不過如果唔記得拎返出嚟,腥臭噏味就會瀰漫成間房㗎喇(噁……真係想像大崩壞,我覺得以後有人提起AV,我腦海都係會浮現呢啲畫面)。 我都知大家有時好有冒險精神,好想同伴侶試下愛情動作片嘅招式、體位、情節咁樣樣,但係玩還玩,梗係要注意個人同場地嘅清潔同衛生啦,萬一玩到細菌感染呀尿道炎呀咁,就喊都無謂喇。 最後,奉勸大家多三次: 唔好喺食嘢時睇呢條片! 唔好喺食嘢時睇呢條片! 唔好喺食嘢時睇呢條片! 撰文:一起拉丁舞 講梗呢條片:https://www.youtube.com/watch?v=O2_ocYTItE0

Read more

爆房嗌無feel 中坑嘈交 驚動警察

原來去維記爆房唔係年輕人專利!兩位熱血中年活到老、扑到老,真係好勵志!一對年齡加埋107歲嘅男女,喺灣仔夜蒲撻着,去到維記登記開房時,有人話無feel縮沙喎,結果雙方大鬧維記,引來警誡。 講返轉頭,正所謂食色性也,無論係廢青、廢中定廢老,有性需要其實都好正常,又唔係真係咁出奇啫。不過男歡女愛嘅野,最緊要係consent,你情我願,喺發生性行爲前,甚至性行爲期間,如果覺得唔舒服、唔情願,一定要話畀對方知,睇吓有無解決嘅方法,喺唔傷和氣嘅情況下全身而退。 無論係邊一方,都唔應該大安旨意take for granted,覺得對方有義務由頭到尾配合,如果對方唔想玩,其實都唔使動氣㗎喎。 出嚟玩或者同伴侶享受魚水之歡,最緊要互相尊重,搞到要驚動傳媒同警察,就太尷尬喇。 文:一起拉丁舞 資料來源:http://orientaldaily.on.cc/cnt/news/20171008/mobile/odn-20171008-1008_00176_046.html

Read more

無性戀者的性幻想??!?

作為一個 #性小眾 ,Queen我常常會和身邊的「直」朋友說 #LGBT 圈子的事(暗地推動自己的agenda ,哈哈!),比方外國的女同性戀者,如果兩位也很女性化的話,有時會叫 #LipstickLesbians 、 #多元成家 是怎麼的一個概念什麼的。LGBT 大家庭裡的每一個族群到底是什麼,我有時也會分享,在圈外人眼中,他們是不懂原來有那麼多不同的人的。 但坦白說,Queen自己也對一些族群,是只聽過,沒有遇過真人,而不完全明白的。比方說,asexual ,無性戀者。 我一直也以為無性戀者就只是對任何人也沒有性衝動(連Queen 也會有知識貧乏的時候啊,嘖嘖),但是近來讀了一篇文章,才知道原來不是:原來就算是無性戀者也有性幻想的,小編一直錯了。 這個題目簡直好像是一個哲學論題:一個無性戀的人,又怎會性幻想?要解答這些問題(和避免「直」讀者們看得一頭霧水),首先,我們要知道什麼是「無性戀者」。 認識無性戀者和無性戀關係 根據澳洲SBS 媒體的報導(*1),無性戀者字面上可界定為「不會感受到性吸引」的人,但其實科學家對這個族群還有很多不清楚的地方,甚至會覺得這個定義可能過於廣泛,需要再細分。而無性戀者也有性生活的,比方SBS 的報導中,引述了加拿大英屬哥倫比亞大學的研究員的調查,351名無性戀者中,有一半的女性和四份之三的男性會性幻想和自慰。

Read more

泰國家庭大旅行 精液黐屁股:算唔算強姦?

日前睇到篇新聞,竟然係關於已婚嘅26歲堂舅父,涉嫌係家庭大旅行遊泰國嘅時候,非禮及強姦正值月事嘅15歲女事主。【案件編號:HCCC138/17】(新聞來源: https://m.mingpao.com/pns/dailynews/web_tc/article/20171011/s00002/1507659214619) 雖然女事主表示佢曾經反抗話「唔好再搞啦」,但係堂舅父仍然「霸王硬上弓」,仲郁左大約15秒,並發現屁股上有「黐黐立立」又溫暖嘅液體(諗起都驚)。由於感事態嚴重,女事主父母已決定即時報警,可疑其他親友阻止,只係舉行左家庭會議。 根據香港《刑事罪行條例》(香港法例第200章)第118(3)條列明,如任何男子「(a)與一名女子非法性交,而性交時該女子對此並不同意;及(b)當時他知道該女子並不同意性交,或罔顧該女子是否對此同意」,便干犯強姦罪,最高刑罰是終身監禁。不過強姦係*必須*包括陰莖插入陰道。只要陰莖插入陰道少少,即使冇射精完成性交,亦足以構成強姦罪;但如果陰莖並非插入受害人嘅陰道,而係進入身體其他部位,例如口腔或肛門,就唔能夠構成強姦罪。同時,如果插入受害人陰道嘅並唔係陰莖,而係其他物件或其他身體部位(例如手),亦唔夠落強姦罪,最多係非禮罪(猥褻侵犯罪)。 雖然事後堂舅父曾發WhatsApp俾女事主道歉,但筆者認為,如果你係個個女仔,遇到強姦、非禮,或其他性暴力事情發生係自己身上,可以參考以下建議: 1. 即刻話俾信任嘅人聽:雖然當時你情緒應該好波動,根本唔知發生左咩事,但首先要搵你信得過嘅人,包括家人,朋友及老師,千祈唔好覺得「第一次發生,好想快啲過咗去」就算。 2. 聆聽自己心聲,千祈唔好怪自己:有d所謂「專業人士」聽你講完,可能會覺得你多一事不如少一事,尤其涉及到熟人,更加唔好報警,以免人地講三講四。甚至會有人將個責任推係你度,問你個時「係唔係唔檢點」,「著得太性感」等等,但你明明就知道自己冇做錯,自己亦冇同意該次性行為,咁就應該報警,或者尋求協助。 3. 去診所檢查:如果你曾經掙扎過,或身體上仲有對方的皮屑或分泌物,應該要即刻去醫院,或者搵醫生做檢查,留返個record,確保你有證據證明有冇發生插入式性行為,或者係其他性暴力行為。 4. 報警唔怕遲,一定要堅持:正如呢篇新聞的日期,係尋日嘅新聞,但奸案件發生係上年農曆年!而且仲繼續審緊!你就想像到司法制度都係要時間的。其間,可能有唔少人,甚至係警方,會多次搵你問話,仲係唔係想上庭呀之類,仲可能會無心之失咁批評你「做乜咁耐先報警」,令你覺得好攰。不過千祈唔好放棄!一日你知道你係受害人,一日你都要為自己平反!。 5. 喊,盡情喊,但唔好自虐:情緒係需要發洩出來,千祈唔好收收埋埋。如果你怕自己做傻事,就搵朋友二十四小時同你一齊,睇實自己。 6. 如果你身邊冇人幫到你,或者你信唔過家人朋友會唔會周圍同人講,你可以同我地網頁或 Facebook 聯絡: 私信我地「隨心問性」:https://www.facebook.com/elife.edu/

Read more

避孕定墮胎 – 想俾四十蚊定兩萬?

之前筆者係台灣的一個宗教網站上面見到一篇叫「尊重生命大聯盟 反對修法讓墮胎更開放」(文章來源:https://www.ct.org.tw/1312154#ixzz4uDPcHM5F),見到個題材仲以為佢係讓墮胎更開放,點知原來又係個堆野:墮胎就係十惡不赦。 文中個神父仲話任何的墮胎都係唔啱,墮胎無疑係殺害「一個人」的生命,而墮胎的後果就係少子化,仲有性氾濫……嘩,講到萬一為墮胎修法,就係令整個社會價值觀崩壞,簡直係將所有想墮胎的家庭打入18層地獄,永不超生。 究竟個胎算唔算係人?唔係人又點解唔可以落左佢?算係人的話佢又可以點樣表達自己意見話唔想俾人落?筆者認為係呢d問題真係拗到2046都唔會有結論。不如轉個角度問你:點解當初唔做好安全操施或者家庭計劃,要俾個伏自己中? 根據家計會的「香港家庭計劃知識、態度及實行調查(2012年)」,係女性受訪者的回答中,如意外懷孕但選擇唔會將孩子生落來都有超過4成人,最主要的原因係「已有足夠的孩子數目」!筆者心裡面即刻講左句粗口:我X!咁你當初又俾佢發生!?曾經接受人工流產手術的女性受訪者裡面,有接近7成係已婚喎!睇返香港人工流產手術所需要費用,如果去公立醫院,有需要的女性往往需要排期輪候,甚至要等懷左三個月後先輪到你,到時胎兒太大想落都落唔到;去私家醫院呢?手術費要成2 萬至3萬元不等,睇你懷孕期幾長。兩萬蚊可以買到幾多個安全套,幾多次避孕藥?唔使我幫你計埋條數啦下話。 帶返個頭盔先:嗱,我唔係贊成墮胎,亦唔係反對墮胎。「胎兒算唔算係人」我真係唔識答,但有個問題你一定識答:當激情來臨,你今次慳返四十蚊買安全套,定慳返兩萬蚊去醫院人工流產?如果你諗好,真係好想生,OK;如果你唔係好識計數,唔知生唔生好,有篇文可以俾你做參考:「11K可以養到仔?其實係咪真係要生?」https://elife-edu.org/11k%E5%8F%AF%E4%BB%A5%E9%A4%8A%E5%88%B0%E4%BB%94%EF%BC%9F%E5%85%B6%E5%AF%A6%E4%BF%82%E5%92%AA%E7%9C%9F%E4%BF%82%E8%A6%81%E7%94%9F/ 如果我地講出你嘅心聲,快啲share俾你身邊嘅人啦! 資料來源:香港家庭計劃知識、態度及實行調查 2012 (記者會簡報) http://www.famplan.org.hk/fpahk/zh/press/press/20130521-press-chi.pptx 撰文: 男校女主筆

Read more

【AV Q&A】點解日本AV男優經常發射在女優身上?會舒服D?

相信大家睇AV睇到最後,男優發射前都會除套,然後拔出巨龍,再噴射在對方身上,點解十居其九都係咁呢? 其實,佢係射畀觀眾睇,因為如果唔係咁做,好難用影像、聲音表達「男優高潮左」個意思。當然,作為一套「愛情動作藝術片」,梗係要將男女交歡最終結果拍到好有藝術感啦,而男優嘅精液都可以被導演玩到出神入化,令視覺效果更澎湃! 咁做會唔會令男優女優更爽就唔知,只可以講會令觀眾喺精神上有抒發嘅感覺,因為AV目的係畀感官刺激你。當然,拍攝背後有好多嘢冇交代到,例如女優食避孕藥、演員定期驗血等等……所以最後都想提提大家,交歡後發射完當然爽,但體液往往會傳染性病,如果想乾淨少少,不妨都戴返個套吖! 另,睇睇我地既避孕百科:https://elife-edu.org/category/contraceptive/ 撰文:斷水水更流

Read more

棉條 vs. 漏M

https://www.facebook.com/poonchoiyingchi/photos/a.450554878451942.1073741828.443064909200939/486520794855350/?type=1&theater 有人以爲用咗棉條就唔會漏M,少咗樣煩惱咁話。但係原來用棉條都有可能漏M㗎(我就試過喇……睇到張凳嘅時候簡直嚇一大跳,尷尬到呢……)!所以爲咗警醒各位姊妹,我根據個人經驗mark低咗些少用棉條嘅貼士畀大家參考。 諗真啲,如果棉條已經索到淋曬,就梗係把持唔住,放咗啲M出嚟啦!如果唔清楚自己流量同棉條吸收量,除咗(鬼唔知阿媽係女人嘅)勤換之外,最好配合護墊使用,一來可以緩衝輕微漏M,二來亦係更換棉條嘅警報! 爲咗方便你掹返條野出嚟,用棉條嘅時候會留返一條繩仔係出面,小便一定會整濕,噏得耐仲可能有味!唔想避到血味迎來尿味,一係每次小便時都順便換新棉條,或者從後/側邊將繩仔拉埋一邊先好屙喇。係就係搞笑啲,總好過被人以爲你賴尿吖! 承上,我覺得棉條最好嘅使用時間就係夜晚瞓覺嘞!輾轉反側扭扭擰擰點瞓都得。當然啦,如果流量大嘅話,最好用護墊或者M巾墊底防漏。所以講到尾,我有時日頭都係會用返M巾嘅。 唔知你又有咩防漏貼士或者棉條心得呢?快啲留言開心share啦! 撰文:一起拉丁舞 #若要生活好 #血流成河吧

Read more