如何月射21次而不失霸氣?

早前筆者出左一篇「港男精子甩頭甩骨 邊個話男人一定得? 」嘅文章,有唔少讀者都側晒頭,仲有一個留言話,唔通單身嘅巴打就要日日打飛機,有伴侶嘅就要日日做愛,先可以平衡返精子質素。雖然醫生真係建議唔好谷住谷住,儲埋一次先來山洪暴發,不過係香港又如何月射21次而不失霸氣? 首先,減左女生會來經嘅日子,每月平均有24-25日可以做愛。可以做,唔代表想做喎!減埋啲心情唔好呀,今日好攰呀嘅日子,OT唔夠時間,每月可能淨返廿日。我就當你有廿日可以做,咁你去邊度做呢? 香港政府成日都話土地問題,做愛做的事就真係最需要土地啦。去你屋企,你呀爸呀媽家姐細佬又係度,連上來坐下都唔方便,咪講話過夜。去佢屋企,佢又可能得個上隔床,隔音又差,點樣pre play都冇mode,陣間呀媽入來問你食唔食生果就真係老尷。 咁不如去時鐘呀?放左工,想幾點去都得啦掛?宜家時鐘平均兩個鐘350蚊,每個月chur盡廿日,成為7000大元。就當伴侶好有心,同你分一半,個條數都分分鐘多過你俾家用(都好過買機票請全家去旅行,留返間屋俾自己用嘅)。 唔通真係要野戰?車震?定係…巴士!?再講落去,筆者怕你火都未出就要俾身份證呀sir啦! 早年蘋果報導過,美國哈佛大學一項研究發現,每月射精21次或以上嘅男士,患前列腺癌的風險會減少兩成。性行為次數越多,可降低患前列腺癌風險。睇來香港嘅男士真係要好好為自己嘅健康付上(金錢)代價,盡早為自己嘅精子同前列腺做檢查,防患未然。 資料來源:https://hk.news.appledaily.com/local/daily/article/20150521/19155235 撰文:男校女主筆

Read more

性焦慮點評估?唔好FF咁多囉!

你有冇聽過咩係「性焦慮」?筆者係網上見到一個叫做「性焦慮」的網上評估,係由香港其中一個最大的青少年及社區服務中心搞,目的係透過多元化渠道,及早識別受「強迫性性行為」困擾的後生仔。由於筆者太好奇,自己做左一次個網上評估,做完之後我都有唔少性焦慮!究竟佢講緊乜野嘅性焦慮? 個評估一共有十題,每題的模式都係一樣,問你係最近一週,出現乜乜乜情況的日數。選項都係不外乎沒有,1-2 日,3-4 日,5-7 日。不過其真係好難問得個所以然既。抽幾題來睇: 第一條就來問「當你思考你性方面的生活時,你感到緊張」係唔係預設左目標對象對性唔知頭唔知路,因為唔識,所以緊張?緊張幾耐先有高潮,唔知滿唔滿足到自己?定係對方?定係因為從來未試過性行為,所以唔知應該係點樣開始? 然後又有問「你關注別人如何看待你性方面的生活」或者「你擔心你性方面的生活」,同埋「你關注別人如何評價你自己的性觀念和行為」。嘩,講到好似性行為就只係為左人地而做,唔係為左自己而做咁,下下都要諗人地點睇自己,點解唔問下自己點睇自己?係唔係為左己慾考慮先? 最後仲要問埋「你期望可能會在將來經歷到一些性問題」,大佬,點樣分日數答你呀?唔通我答七日,即係我日日都好期望經歷到一些性問題?如果真係,咁我相信個位青少年都真係諗太多了。 其實「性」根本唔可以容易量化。就算我係呢個網上調查發現,我真係有嚴重性焦慮,唔通我就要去睇醫生?又或者我中意開嘅AV 女優準備收工,唔再出AV,我好不安,好唔開心,我又係唔係有性焦慮? 性係需要溝通的。E-life一向鼓勵大家多發問,多思考,有咩唔識嘅,不如留個言,集思廣益好過啦! 資料來源:http://playsafe.caritas.org.hk/sz/quiz/ 文:男校女主筆

Read more

[又到聖誕] 你係邊個節日嘅產物?

踏入十一月,筆者已經見到維港兩岸已經亮起聖誕燈飾,商場已經擺左聖誕大紅花添!呢個時候又提醒筆者,又到左授孕高峰期——聖誕節!之前本版出過一篇「授孕方法有好多種」,不如今次就來講下避孕呢?   近代嘅生育控制法包括屏障法、賀爾蒙類避孕措施、子宮內避孕器、結紮、以及性行為控制法。不過,相傳早係3000年前,古印度同古埃及人係用鱷魚、大象嘅屎作為避孕藥嘅配方!嘩,啲藥臭到連「食慾」都冇埋,成功避孕,仲避埋性!可能係你執到鱷魚屎之前,你連條命都冇左啦。   可惜唔係個個時期,人人都會避孕,或者控制生育。二戰後,係大戰後人口勞力下降,加上重男輕女,要有仔送終嘅的傳統思維下,香港都出現過幾次嬰兒潮,逐漸令人口過剩。所以係七十年代就出左「兩個就夠晒數」計劃,減輕人口激增,但資源不足嘅問題。筆者心諗:乜原來香港要去七十年代先興生育計劃,咁以前又唔避孕,又死都要生慈姑椗,地球咪好很多人!好在,以前有唔少病都仲係醫唔到,令到唔少人其實生存唔到咁耐(真係死得好快),如果唔係,我諗我地住緊納米樓都唔掂。   其實歷史經驗話我地知,地球上有唔少人類都係冇「被計劃」嘅情況下誕生,搞到每個家庭都有唔少額外負擔,住又唔夠住,飯都唔夠分,令小朋友嘅童年都特別辛苦。可惜唔少傳統派人士無視呢種家庭狀況,仍然鼓勵「自然家庭計劃」,咁即係得一個字:中左就生。 唔知你係有被計劃地出世呀?定係冇被計劃,係聖誕節,情人節,復活節,定係某次呀爸呀媽去旅行嘅「意外收獲」?或者你夠唔夠膽問呀爸呀媽,點解你會係個個月份出世呢?不如留個言,一齊討論下! 撰文:男校女主筆

Read more

港女淋同屋男滾水?! 和睦共處最重要

近期,小弟留意到一單新聞,就係有個香港男子好心收留一個自稱澳洲留學生,然後個女仔因爲男方失業無收入、煮野唔好食、阻住佢睇武則天而受到無理嘅對待,例如鬧佢廢柴,用滾水淋佢等等,以致件事曝光。其實呢件事簡直係近年香港斯德哥爾摩候群症嘅代表作。因爲未曾試過「將Facebook嘅朋友變成現實嘅朋友」,所以膽粗粗俾個三五識七嘅女仔上黎你屋企暫住,造成一個嚴重安全危機。你老闆,水喉果d自來水你都煲過下先飲啦,更何況係自來女? 呢件事之所以會發生,極大程度上都係歸咎于土地短缺問題。個女仔貪個無辜男仔咩嘢?高大英俊?有錢? 好明顯係因爲個男仔有層公屋。香港地,公屋已經同私樓差唔多同級。因爲如果比你揀一個住劏房同一個住公屋嘅男仔,better option 永遠都係公屋。 Anyway, 我相信受害人可能知道個女仔嘅身世,更加同情個女仔。無論個女仔點樣對待佢,個男仔衹會對個女仔產生更強烈嘅同情。如果唔係比個女仔打到暈咗,今時今日個男仔應該仲比人舞緊。 本身呢件事係Micro角度黎睇,與我無關,我只不過係花生友一名。不過,其實香港男士比女人打都唔係新鮮嘅事,例如之前早前有男人比女護士桶咗幾刀。此風不可長,以破窗理論黎睇,如果男士們唔繼續保護自己不斷比女人打,長遠黎講,呢種風氣會蔓延落去。兩性相處之道,筆者認爲係互相忍讓。忍讓並不代表不合理咁忍。如果遇到事情超越自己底綫,應該同另一半反映一下。縱容只會令自己受苦。如果覺得行唔到落去,咪分開下。反之,如果你地生活上遇到咁樣嘅伴侶,肯比你地任勞任怨,比埋間屋你住,你地應該還神。因爲佢真係好愛你。 新聞來源:http://hk.on.cc/hk/bkn/cnt/news/20171108/bkn-20171108134644440-1108_00822_001.html 撰文:慢大犯神

Read more

給女生的3個性愛建議-在床上,拿回自己的主動權

就像許多妹子一樣,我是從女性雜誌上第一次接觸到性愛知識。我知道當我全裸時如何讓我更加美麗;我知道在啪啪啪時如何讓我看起來更性感;我學會了上百種挑逗丁丁的方式,不管我自己是不是喜歡、性,聽起來充滿誘惑力,但不知道為什麼,我也猖獗的恐懼。 後來,我現在明白了。性讓我變成了另一個自己,我好像是一件物品一樣,當我進入到一個男人的房間裡,我就把真實的自己關在了門外,變成了對方所喜歡的樣子。 不論男女,好像都會認為,女性就應該滿足男性的需求。男人總是應該在談論女性的,我從各個歌手中學到他們都把自己的性伴侶稱作“婊子”、“妓女”;我從電視節目中學到男人可以任意把自己淫欲的目光投射在裸體女人身上;我從男人身上學到他們把強X行為當做聊天講笑話的樂趣。 幸運的是,在大學期間和之後的時間裡,我學到了關於性和女性角色的其他概念。希望分享給所有人。 1、做你渴望做的事情,而不是你“可以接受”的事情 在成人戀愛關係的學習裡,慾望總是莫名地被忽略掉了,或者說,除了男人的慾望外,其他人的慾望都被忽略了。 我學到一切都在告訴我,男人是有慾望的,是被社會認定為慾望強烈地,我知道男人的慾望是無法控制的,因此他們會嘗試一切方式讓我去滿足他們,並且我有“強大的力量”去決定要不要滿足他們的慾望(如果他是“NICE GUY”不會企圖通過強X來滿足自己的話) 在這樣的體系當中,女性的需求和慾望被忽視了,她們總是在妥協,做一些自己並不渴望的事情。 所以,當我意識我自己的慾望也是非常重要的,性,變得更加自然,並且不再恐怖。 當我剛進入大學的時候,我參加了一個關於性的講座。跟其他我參加的性話題講座不同,這裡不再將女性歸類為一個“受害者”:“做你渴望做的事情,而不是你“可以接受”的事情”。演講者告訴我們。 在此之前,我對於性的期望並不高,我覺能夠接受的狀態就是最好的狀態了,常常將就別人的要求,我以前認為如果一個男生在性上對你有一些要求,而且你也是OK的,(雖然不是渴望,但是可以接受),那拒絕他是一個很不好的事情。 但是,就像這次演講說的,這樣的情況會讓女性陷入一個不平等的“交換”,並且讓真心的同意變得很模糊。因此,他建議,如果你並不為此感到興奮,那麼就大膽說no,並且你是可以隨心改變你的主意的。 之後,我也聽到過其他人提出這個想法:如果你並不能很開心的答應,那麼就是拒絕! 通過讓人們有權利去說真的同意,我們能讓更多人在不情願的情況下大膽說no;通過讓人們有能力說NO,我們可以讓性愛變得更有安全性。讓女性的慾望更有安全性。 2、表達你想要的東西,並且詢問你的伴侶需要什麼 女性雜誌常常說,在床上去談心是這世界最性感的事情,但是他們卻很少提到我們要如何表達自己的想法,並且也沒教我們如何知道伴侶的想法。在床上的交流往往都會變成一種表演,變成表現對方期許的樣子。 在床上的交流應該是表達你真實的想法,哪怕會讓你或者你伴侶不高興。 在此之前,我並不知道我是可以告訴你,我想要啪啪,更多的愛愛,更多不同的性愛方式;我不知道我可以告訴你,其實剛剛的行為,我並沒有任何感覺;我不知道我可以告訴你,我現在感覺有點疼…… 畢竟,這些都不是可以讓他變得很興奮的話。

Read more

為何我們無法容忍隔壁的叫床聲,卻對爭吵聲坐視不理?

一、 凌晨一點多,我家門被鄰居劇烈的拍響。 “嘭!嘭!嘭!嘭!”,我在心裡默默數了四下,深夜巨大的敲門聲彷彿平地驚雷,好像朝鮮又發射了新的導彈。我的叫聲戛然而止,轉頭和男友面面相覷,還保持著某個姿勢。 見我們沒反應,敲門的那個人急了,再次用砸門的架勢拍了無數下: “砰!砰!砰!砰!砰!砰!砰!砰!” 我當時有點嚇傻了,不敢吱聲,門口的人見砸門沒用,開始試圖拉我們的門把手,一下、兩下、三下……想要把門拉開。門框發出來回撕扯的聲響,好像表達著自己的無助。 像過了一個世紀那麼久,他/她終於放棄了。他/她打開自己家的房門,為了表達自己的憤怒,他/她還用力地摔了自己家的門。伴隨著一陣巨大的關門轟鳴聲,世界終於歸於平靜。 我跟男友平躺在床上,經歷著劇烈的情緒變動:從愉悅的巔峰,到巨大的恐懼,再到由衷的憤怒……他是誰? 他憑什麼這麼無禮地砸我們家的門? 二、 我承認,我在床上是宣洩型人格,有時候自己發出的聲音會讓自己都驚訝;以前不懂事兒的時候,把自己的叫聲跟島國動作片做比較,覺得自己叫聲太狂野了,後來才知道,真正嗨的時候,誰還能管自己的叫聲是不是某種腔調啊。 平時跟朋友們聊天的時候,經常聽到他們的抱怨。出去旅遊,隔壁的人太嗨,吵得他們一個晚上都睡不著覺啦;一個人住酒店,聽到一些聲音實在難以入睡啦;還有人故意貓著耳朵去聽,發朋友圈說抱怨單身多年啦…… 也有人直接去敲門的,讓對方小點聲。不用想,對方一定敗了一半興致。 我們對隔壁的叫床聲其實並不陌生。但是關於它的​​描述,基本都是負面的,或難堪、或抱怨、或焦慮、或戰戰兢兢。被砸了門之後,我趟在床上跟男友聊天,想起以前住的某處,有戶人家深夜經常吵架,孩子哭母親嚎爸爸摔,每個星期幾乎都有兩次,聲音非常轟鳴壯觀,但從來沒有人上前敲門,所有人都在默默忍受。 我問男友:如果今天是咱們吵架,他們還會來敲門嗎? 因為長期關注婦女權益,我又設想:如果今天是我被打了,在房間裡求救求饒,還會有人來敲門嗎? 當然不會,起碼機率會小得多。如果大家都會的話,一些公益機構也不會花費人力物力,拍攝“上前敲敲門,人人止家暴”的公益宣傳片了。我們對於這些更值得被制止的叫喊,容忍度似乎高得出奇。我們常常對待家暴以“這都是人家家務事”的冷漠,但是涉及到更為私人領域的叫床聲,似乎所有人都有權利上前喝止你,讓你停止這“不該發出的聲音”? 三、 後來我對於“不該發出的聲音”的觀察更廣闊了。某一天下午我路過隔壁臨街小區,五樓在排練樂曲,發出敲鼓和電吉他的聲音,很有節奏感。 樂曲的聲音不錯,絕不能稱作噪音,我甚至邊走路邊用腳敲起了節拍。迎面走來的大爺卻一臉苦不堪言和指指點點:“這小區的人可遭罪嘍”、“怎麼還不停下啊”。

Read more

個BB係妹夫定男友經手?叫呀姨定姨媽?

最近筆者聽到一個電台節目錄音,內容爆,主人公態度更爆!故事大綱為:女聽眾打上電台節目訴苦,佢發現有左兩個幾月BB 唔知點算好。但原來個肚未必係佢男友嘅!女聽眾五年幾以來一直同佢妹夫有金錢上的性交易,而且仲要唔帶套,但係同拍左兩年幾拖的男朋友就次次都帶套。筆者聽完都覺得,呢個世界真係咩人都有! 好在呢個節目只係兩位主持人同女聽眾對話,我相信如果開放俾全港市民打上去留言,位女聽眾第二日就上左蘋果動了。雖然兩位主持人有好多個人意見(緊係係咁鬧啦),但筆者就留意到女聽眾的心態真係好值得我地參考:唔見過鬼唔怕黑。 女聽眾講過,佢同妹夫之前一路都係不安全性行為,五年以來一直都冇事,所以覺得唔會咁易中,以後都會冇。嘩!咁講法,好多人都會一直都生唔到小朋友,安全套公司執得笠啦!仲洗安全性行為?呢個諗法真係大錯特錯。無論係第幾次發生不安全性行為,都係會有好高的懷孕風險。不過以佢同妹夫的五年(不安全)性關係,可能佢真有用其他避孕方法,例如事前事後丸,子宮內避孕器,避孕環等等。可惜唔用套就會連性病都有機會傳染/感染,筆者真係希望女聽眾冇事。 不過最爆嘅都係,女聽眾話自己「28歲都唔適合做媽咪?」正如主持人話,歲數只係一個表示身體適合懷孕的指標,並唔代表你夠料做一個好媽媽,或者唔代表你已經係經濟上,心理上,個人行為上準備好成為一個好媽媽。佢不斷係節目上面話「我好驚,我好驚」,既然你咁驚,又何必挑戰你個子宮呢? 筆者到呢一刻都仲係未諗到,如果個小朋友出左世,應該點叫屋企人?兩個媽媽?兩個爸爸?係呀姨定姨媽?其實個小朋友可能連出世嘅機會都冇。聖誕節又就快來到,唔知有幾多人會想來一次「應節裸扑」,難得聖誕就唔好掃興。如果你唔想好似呢位女聽眾咁,慶祝完聖誕節就即刻慶祝埋母親節,你應該識做掛。 祝佢母親節快樂。 #媽媽唔好唔要我 #爸爸唔好唔要我 #一家人 資料來源:https://www.youtube.com/watch?v=2R0hvW6eo1I 撰文:男校女主筆

Read more

港男精子甩頭甩骨 邊個話男人一定得?

嘩嘩嘩!原來精子健唔健康,真係好影響到受孕機會咖!最近筆者就睇到篇報導,發生講起小產,好多人都將責任歸咎於女方,但其實好多香港男士嘅精液都有問題,無論精液數量、活動能力或精子嘅形態都不合格。 醫生話,唔正常嘅精子有兩個頭、兩個尾,有啲就冇頭冇尾,比起一頭一尾嘅正常精子,成孕機會低好多。好多人以為射精正常就冇問題,但其實入面得一兩條正常精,根本對成孕冇幫助。所以醫生建議應該增加射精嘅密度,因為次數愈頻密,精液留在睪丸嘅時間愈短,先可以有效提升精子質素,成孕機會就會大好多啦。 如果你呢排計劃造人,又計好晒出世日子、懷孕期等等,我地鼓勵你做多幾次,唔怕一萬,只怕萬一呀嘛!如果巴打們都仲係唔確定自己嘅做人能力有幾高,不妨係我地FAQ度留言,一齊討論下;又或者去做個測試,咁咪知中出得獎嘅機會率囉! 撰文:男校女主筆 資料來源:港男精子甩頭甩骨 不育流產都關男人事http://health.next.hk/treatment/%E3%80%90%E5%A3%B9%E9%86%AB%E9%86%92%E4%BD%A0%E3%80%91%E6%B8%AF%E7%94%B7%E7%B2%BE%E5%AD%90%E7%94%A9%E9%A0%AD%E7%94%A9%E9%AA%A8-%E4%B8%8D%E8%82%B2%E6%B5%81%E7%94%A2%E9%83%BD%E9%97%9C%E7%94%B7%E4%BA%BA/

Read more

啪啪啪可以轉運?咁你都信?

近日,警方拘捕一名27歲男子,其涉嫌以「性交轉運」誘騙一名30歲女子與之兩度與其發生性關係,表示可為女事主進行續緣法事,從中收取港幣十萬元作酬金。女事主期後因未能與前男友復合,頓覺受騙,遂報警求助。 據悉,涉事男疑犯在社交媒體Instagram推銷「情降」,稱可強人緣運、旺桃花,又經常貼出與其「信眾」合照,當中不乏網台女主持和女模特兒,他亦宣稱其「信眾」遍及中港澳和東南亞。其Instagram賬戶顯示,至今已有25萬名追隨者,在《警訊》不時提醒之下,受騙人數之多,令人咋舌,若以「橋唔怕舊,最緊要受」、「人類總是重覆同樣的錯誤」形容實不為過。 筆者認為,凡事靠自己始終較好,而非總是想着以轉運法事的方式,這只是麻醉自己。女士們,若要挽留男伴的心,温柔體貼的照顧、問候基本上就可以了。如對方仍是不予理睬,那是他的損失,你已做了正確的事,毋須介懷,更不應大花金錢在一些奇怪的事情之上,以免自己吃虧,得不償失。再者,正所謂「勉強無幸福」,若對方去意已決,那就放手吧,免得雙方心理上辛苦和難受。 撰文:君不見黃河

Read more

大家求個開心姐…

筆者最近睇左一條關於「厹公」嘅片,個頭講完女仔應該點樣保護自己,呢頭就見到蘋果出左篇「開房後不忿遭避開遂虛報強姦」嘅新聞。文中三十歲美容師因不滿自己俾人「o趙完鬆」而去虛報被強姦,結果反而係裁判法院承認報假案,判罰社會服務令。 同樣作為女人嘅筆者認為,呢位姊妹實在報復得太衝動。明知人地係呃你蝦條,你都仲要認真到去報案,反而自食其果,咪仲蝕左俾佢!不過公道說話講句,個位巴打又呃得太低級啦。 其實蝦條有分好多種,既然你都係預左玩,又何必玩想認真嘅人呢?如果你事前已經同佢有溝通,知道佢咁高期望,你都仲要食住上,然後玩失蹤,你實在太年輕了。筆記認為食完就即係消失,係最令人發癲嘅事情,因為女仔會覺得冇機會搞清楚件事,你就已經消失左,係非常唔甘心架!所以,一係你就唔好見蝦條就衝,要有策略地衝;一係你就做啲野令佢先退出,唔再主動搵你,你先好消失。唔係個個慾場USB都可以下下「插完不留痕」。 至於各位絲打,如果你唔係只為滿足一時食慾,又何必對呢種係街上面搭訕嘅人咁認真?既然大家都係你情我願,又何必去到咁盡,搞到上蘋果?歌都有得你唱:「我尋你開心,你尋我開心,我們還有什麼可以恨」。不過開心還開心,就算「要破壞美好氣氛」都要安全性行為呀! 撰文:男校女主筆 2017-10-14 新聞來源:http://hk.apple.nextmedia.com/realtime/news/20171011/57318023

Read more