平安夜, 保平安

平安夜保平安。易生活教育恭祝各位 #生命滿希望,#歡樂今晚  #啪啪啪!!! #平安夜保平安 #cwb #mk #central #女神 #hongkong #family #sister 《六影記 Sick Production x Elife 易生活教育》聖誕呈獻「其實帶定 又有乜好怕喎」 「怕怕醜醜 D套就唔到手」 「無法可修飾的一個袋」 「驚喜你男友 一個袋就夠」 「唔戴?遲早要還」 「一袋宗師」 🎬更多爆片 上我地專頁睇👀 ———————————

Read more

【AV Q&A】AV女優冇乜毛,點解我有咁多毛!?

每次大家睇AV,有冇發覺點解女優們都青靚白淨,全身冇毛,就連陰毛都唔多條?但點解你自己個度,唔夠一星期又生到好似森林咁?今次筆者就同大家講下比較少人講嘅部位:陰毛。 筆者係兩年前睇過一集特輯:一個來自比利時嘅性教育專家,去左英國一間中學教學生性教育。英國大部年輕人同香港一樣,都係睇AV 學性知識,學到一知半解,搞到英國意外懷孕率一直有增冇減。比利時性教育專家同一班中學生上嘅第一堂,一來就講陰毛,用一塊版擺曬所有多毛、少毛、冇毛嘅陰道出來,俾男同學揀。結果,所有男同學都揀完全冇毛嘅陰道,因為佢地覺得有陰毛好核突,睇AV個個都係冇毛嘅。性專家個心當堂離一離。 完全冇陰毛嘅陰道,一係未發育嘅小朋友(少於十二歲)先有,一係就得AV 先有,可見幾多人係受到AV 的影響,認為冇陰毛先係乾淨、可愛、美麗嘅陰道。如果成年女士要好似女優咁,至少一日剃一次,有啲人甚至要一日剃兩次,先可以完美無暇。最後性專家叫男同學們,感受一下女同學的陰毛之苦,叫佢地返屋企一日至少剃一次陰毛,感受一下AV女優有幾專業、幾痛! 其實陰毛嘅存在係減少性交時所產生嘅摩擦而造成嘅損傷,因為生殖器官外嘅皮膚非常嬌嫩,如果冇陰毛保護,生殖器官好容易受到傷害。所以陰毛係有佢嘅存在價值嫁! 記得好好欣賞對方嘅陰毛,唔好再要求你嘅另一半剃清佢啦! 文:男校女主筆 資料來源:Sex in Class by Channel 4 Television Corporation

Read more

【AV Q&A】點解日本AV男優咁多體位,但我一個都做唔到?

相信唔少巴打都幻想過,如果可以好似清水健咁持久,咁大隻就好啦!肯定啲女排到過海,等住俾我…!但點解十個男人,有十個都做唔到AV嘅所有體位呢?究竟係對方有問題,定係我有問題? 筆者睇過一個清水健嘅訪問,先發現原來佢日常生活係咁刻苦!佢每日八點就起身,第一件事就係飲一杯寶礦力、維他命B粉同埋其他補充劑,一路睇電視,一路進行20分鐘左右嘅肌肉訓練。以後早餐會好豐富?佢只係食啲納豆、番茄、香蕉補充一下體力,然後再飲好多藥物。唔講佢係AV男優,真係以為呢個係健身教練嘅早餐! 係拍攝片場預備期間,佢每次上場前都要肯定指甲唔會太長,只要生長左少少都要即刻剪左佢,以免傷到女優。雖然唔少女仔都覺得呢個行為非常暖男,但你又係唔係會日日留意你每一隻手指腳指甲嘅長度? 拍完片,佢都不忘鯨吞精胺酸藥粉同埋鋅粉,再去做返至少兩個鐘gym,確保自己舊舊肌肉都係結實。佢仲提醒,做AV男優一定要每日打飛機,令身體記得個種刺激感覺,如果唔經常射精,身體就會退化。筆者作為一個絲打,對於呢個咁專業嘅男優,真係心感敬配。 唔知各位巴打了解完清水健嘅節制生活之後,仲會唔會幻想自己成為清水健,日日夜夜巴黎鐵塔反轉再反轉?如果你真係想有男優咁嘅勁度,你又有冇恆心,滴酒不沾,日日狂食補充劑,做返兩三個鐘gym,就係為左可以做曬AV裡面嘅體位?筆者建議巴打絲打們都係FF 少陣,做返個普通人,唔好FF自己係清水健或者三上悠亞,滿足到自己之餘又滿足到對方,咪皆大歡喜囉。 文:男校女主筆 資料來源:AV男優清水健不藏私的6種日常性愛姿勢,AV男優清水健的一日生活

Read more

AV Q&A 睇AV與審美觀

其實有邊個廿幾歲未睇過AV,A片V可以話陪伴每個人成長。但究竟係A片影響我地既審美觀定我地既審美觀定義左A片既發展? 根據pornhub 2016 既統計,男性用戶主要傾向MILF,義母,義姐題材,而pornhub大多用戶來自美國。原來好多美國人係有step relatives。42% 美國成年人有step relatives。好多人有step relatives,又好多人睇以step relatives為材既A片。 https://www.stepmommag.com/stepfamily-statistics/ 咁即係點?你想像下,你有個仔睇完義母A片,之後同你講,「老豆,我想要一個好正嘅義母,之後再俾綠帽你帶。」 明顯呢個情況係無咩可能,擺明係因為對義母有幻想而選擇A片。 A片係滿足人幻想既產物,製片商就係了解人既幻想而製片。 燦神話:「百貨應百客」AV種類多,都亦因爲唔同人有唔同口味。 不過,一個人有幾可現實見過咁多異性既胴體,反而係A片既多樣性令一個人了解自己既口味。 互聯網發達,人接觸AV多左。以前,人通常都係聽電台睇電視,邊有咁多視覺沖擊?可能佢只會對歌手影星有幻想。要俾錢買既AV,邊會成日有得睇?宜家AV女星都有佢既名氣,多左好多人對AV女優有幻想。AV 裏面既情節比起一首歌或者一套戲少量既鏡頭更易令人幻想,所以歌星影星相對難成為幻想對象。 但係幻想還幻想,現實還現實。幻想現實要分清楚。

Read more

女權保障應否高於法治精神

#metoo 大眾普遍認爲法律對女性的保護不足,因爲法庭往往都會因疑點利益歸於被告這個原因,判被告無罪釋放。筆者卻認爲女權保障絕不能高於法治精神,否則會造成嚴重男女不平等。 以某運動員被教練非禮案件爲例,這件事疑點重重。運動員十年前在什麽情況下到了教練的住所?在教練的住所哪一位置進行按摩? 以上疑點只是刑事檢控專員構思上的冰山一角。案件時間越長,疑點的數目必定多不勝數。根據疑點利益歸於被告,最後被告亦會被判無罪。一旦這種情況發生,網民意見一面倒同情運動員的遭遇,一來批評教練利用運動員對教練的信任而胡作非爲,竟然逍遙法外,二來認爲女性在法治上的保護並足夠。但筆者認爲女權保障絕對不能凌駕於法治精神。試想想,有一位男性報案被一位女性非禮甚至是性侵犯。若然女權保障凌駕於法治精神,所有男受害者到法庭時都不會受到公平的裁決。反之,女受害人即使沒有任何有力的證據,都可以使男被告被判有罪。 就以最近發生的案例作參考,一名女受害人因爲其前未婚夫悔婚繼而揭發與未婚夫若干年前未成年時發生性行爲,最後當然因爲疑點重重而無罪釋放。但這個案例證明了即使有法治,對私人地方發生了私隱性活動的公開控訴,很容易會成爲玩弄他人的其中一種工具。 文: 慢大犯神

Read more

外射當避左孕 做愛心存僥倖?

今日香港報紙出左一篇專訪,訪問一名前社工覺得香港性教育失敗,做前線工作睇到好多深刻個案,而轉行開性商店,俾人知道性係可以快樂地講。 筆者好佩服前社工嘅開放態度,唔用責備口吻去同已經衰左嘅人,相反,單刀直入,直接問佢地係點樣避孕,咁先可以糾正返一直以來錯誤嘅避孕概念:其實咪又係外射扮冇事,內射靠僥倖。 筆者留意到一年前該報版都過一篇類似嘅訪問,係一位少女17歲就第一次意外懷孕做媽媽,因為家庭、學校性教育不足,一直以為拍拖同性係兩樣野,直到佢俾當時嘅男友中出左,都唔識即刻搵事後避孕丸,最後中獎,生左出來要俾寄養家庭。 體外射精根本唔係一個「避孕」方法,就算男性真係可以外射,仍有懷孕嘅可能性。因為男性係性興奮時,體內尿道球腺會先製造少量透明分泌由尿道排出,呢類分泌內含精子,係充分足以令女性懷孕。就算冇中出,如果陰莖曾接觸陰道或陰部,一樣有機會導致懷孕。 一年前同一年後,外射當避孕都仲係主流觀念,筆者真係好擔心,今個聖誕節唔知又會有幾多個新家庭準備成立。 專訪來源:【前社工讀白】轉行開性商店 因性教育失敗:有少女墮胎近10次;做愛≠懷孕?17歲媽媽親歷性教育:佢喺入面射咗,但冇諗過避孕 文:男校女主筆

Read more

只有40%大學生曾於校園內性交?

“下,得四成學生認喺學校做愛,咁死得啦“ 雖然又係標題黨,但的而且確係筆者睇完標題之後嘅感覺。自從返到香港之後,筆者發現身邊朋友都性保守。“咦,好心你唔好講埋d咸嘢啦” 心諗,咁大個人好心你就唔好咁虛假啦。你唔揾性,性都會揾你 (性冷感例外)。筆者以前同中東人住,談性,只不過普通到好似問候語。例如: 點呀,Abdul,琴晚開唔開心呀?大跌眼鏡嘅係連中東人都開放過香港人。英國大學Freshers‘ week 孖寳,左手拎住剛剛喺Domino拎嘅one pound pizza, 右手拎住SU門口派嘅condom,係常識。香港,你喺大學門口拎住個condom即刻比道德塔利班批鬥。或者,有人會將性保守呢個風氣歸咎於中國傳統文化。但筆者認爲香港人普遍都係性保守主要因爲香港性教育政策做得唔係太好,其次係香港社會規範(Social Norms)始終偏向保守。 與丹麥、瑞典呢d北歐地區性教育相比,香港性教育政策的確完全係零。你地大可以Google 一下,《我是從哪裏來的》。 丹麥已經將做愛嘅過程透過插圖放喺一本童話書入面,唔好聽d講句,人地5歲已經識得搞野。香港d小朋友呢? 我估至少要去到小三小四嘅常識堂先知道。言歸正傳,四成大學生話自己曾經校内性交,其實我覺得就有hidden figure。Hidden Figure即係實際數字同調查結果數字嘅差別。即係其實我認爲好多接受呢個訪問嘅大學生都講緊大話。大學生喺調查入面故意道出錯誤答案,係因爲從小無接受過正規嘅性教育。當問起關於性嘅問題,即使有做過都唔會認。一個正統嘅性教育,可以令人與人之間講性嘅時候唔會再有所忌諱。大膽談性,不但有助於了解自己身體機能,亦可以從討論性而得知如何取悅自己嘅性伴侶。大學求學時期,血氣方剛,同hallmate/ 同學做愛簡直人之常情。筆者並不是鼓吹性開放或不道德性行爲,不過一個完善嘅性教育制度配合自身嘅基本道德標準,的確可以令香港性保守同性開放中取其中庸之道。 其次,香港嘅社會規範的確令人唔敢談性。社會規範,有d似社會倫理道德嘅潛規則。例如,情侶之間做愛都會選擇屋企或者私人隱蔽嘅地方。因爲屋企從小就洗腦式教導我地性係一件好私隱嘅事,唔應該公開做,唔應該周圍同人講。即使情侶之間喺地鐵裏面好普通咁接吻,都會比三姑六婆、三五識七嘅人放上社交平台作一個公審。由此可見,香港社會對性嘅規範係非常嚴重。香港社會對性嘅規範,令到年輕人性知識貧乏,對性行爲無從入手。性知識貧乏嘅影響,輕則,孤獨一生,將處子之身帶入棺材,重則,造成生態大災難,到處播種,成爲爸爸。 總結,香港社會對性嘅規範及缺乏完善性教育制度的確令年輕人對性卻步,最後令社會賠上一定嘅代價。下一篇,筆者會談性保守會如何令性罪行數目增長。

Read more

[性誕] 家下去時鐘酒店同食放題一樣都要排隊,排到有位都唔肚餓啦…

「你係11號,記住,搵個位坐」時鐘酒店阿姐好大聲咁講。入到去前台坐左好幾對情侶係度,有老有嫩,你眼望我眼,十分尷尬。無辦法,呢度係香港,想搵個地方仆野都好困難。其實如果有得揀,我都唔想去時鐘酒店。可惜,我買唔到樓,同屋企人住,咁啱呢幾日黃金周,酒店又好貴,迫於無奈,去時鐘酒店啦。結果,我搵到一個面壁嘅座位,等去唔慣時鐘酒店嘅女朋友可以冇咁尷尬。有時,我覺得時鐘酒店嘅前台係一個好奇怪嘅空間,明明成個前台都坐滿人,但寂靜到令我覺得有點不安。大家都係度等可以擁有自己私人空間嘅一刻,係呢一刻嚟臨之前,都好努力咁抑壓住自己嘅慾望。「48號房走咗,快啲去執」聽到呢一句,我望一望我女朋友,示意好快到我哋。我女朋友繼續低下頭,用長髮遮住自己嘅樣。「3號」「有無3號?」「唔係呀嘛,咁我要等幾耐…」我心諗。就咁我同我女朋友等左九個字先到我地有房……「係咪兩個鐘?」「係。」「二百一。」我打開銀包,PK,無散紙。死死氣比左500蚊比阿姐。就係咁,我就係間房等阿姐找錢。究竟阿姐知唔知道阻人仆野死左會俾人燒春袋?時鐘酒店既時間分秒必爭,等阿姐找錢等左5分鐘,佢慢慢行過黎,打開個夾,有10蚊散銀係度…俾完錢,準備埋牙,我條女同我講,「下次都係去酒店啦。」……去到呢刻真係咩mood都無哂…但其實大家都知酒店都唔係平,唔係成日都可以去……宜家只好袋住先…香港地要仆野,真係好難…… 文:小甜 IT 狗

Read more

所有人都可能是 #metoo 受害者

近日各大傳媒爭相報導性侵犯故事,網民一再瘋傳某運動員的社交媒體發文,突然之間,人人都是法官,個個都成了陪審團。 一般性侵犯的形式包括強姦和強姦未遂,以及不歡迎的性接觸或威脅。通常當某人出於性的目的,未經允許接觸對方身體,甚至是衣服時,性侵犯就出現了。無論性邀請有否出現,如果罔顧被侵者是否同意,或者被侵者無法說出同意或不同意,或被侵者在過程中不再同意,在法律上,侵犯者都有機會被入罪(《刑事罪行條例》(香港法例第200章)第117至125條)。筆者不是法律專家,反而想藉其他故事引發讀者思考。 (一) 筆者一次跟友人晚聚,友人說出近來性侵事情令世界各地都關注和保護女性,可是有些故事不是大家都知道。他認識一位富家子弟,平時蒲開也是那幾個場,下場也是「叫外賣」,再回家做其他活動。可是有些女士經驗甚深,在歡愉過後「老屈」富家子弟,說自己是不情願地性交,看準對方不敢見報、不能留有案底、不可惹上官非,就要求賠償,高達數萬或數十萬不等。友人形容女士為「職業詐騙」,手法非常純熟,應該平均每兩個月就可以有一筆可觀的「收入」。筆者不禁問:受害人為什麼不出聲呢?不過誰才是「受害人」?如果此事見報,各大市民又會立刻化身金田一,不知道網上的輿論會否令事件與男/女方的維基百科分頁長存。 (二) 筆者的男朋友說,他小時候去過童軍軍訓營,有一晚在營內被一個較年長的男孩,用其手掌正面拍打他和另外幾位朋友的下體。雖然是穿著內褲,但他明顯的感到不舒服(是心靈上,不是身體感到不適),但他們沒有告發那個年長的,只是忍了下去。他現在回想,如果當時他知道什麼是性侵犯,他一定告發到那位年長的甩褲。他問,這個#metoo campaign沒有男士的參與,沒有男士站出來,這到底是為什麼。 筆者沒意blame the victim,亦樂見社會為性侵事件在不同平台上發聲,聲援受害人。但到底誰人可以是受害人呢?受害人只有一個嗎?受害人就只有一邊嗎?為什麼只有一種受害人受到大眾的關注,其餘的受害人就無法分到一丁點憐憫?看來不少人需要接受性教育的再教育。 文:男校女主筆          2017/12/03 #metoo

Read more

你除左記得多多同寶寶龍,性侵犯/非禮你又知幾多?

我仲會記得細個同D女仔玩,D女仔唔夠玩時總會叫非禮令到你縮手退後。好彩我個陣D家長未至於好怪獸,如果唔係,老父老娘真係有排玩。不過,同性罪行拉上關係,即使唔入罪,都好恐怖。 「記得喊唔好同話俾你信任既人聽」 其實係簡單直接。但多多同寶寶龍真係做完都無人理。如果係覺得被侵犯,就要喊唔好或者如果你覺得個個人無心,都要示意。我好記得有一次影大合照,要企埋D,唔為意下,我手跟原來掂到一名女性既胸部。個位女士輕輕用手將我手跟向前推,我先發覺自己掂到。 其實唔理有意定無意,都應該示意要求對方保持距離。 如果你覺得係有意同時要採取法律行動,就要搜証証明佢既意圖。往往意圖係判罪既爭論點。 但信仼既人呢?網絡上既人係咪你信任既人。我諗好明顯唔係。呢段廣告既意思係想小朋友搵成年人協助採取法律行動。無錯,對性罪行,你係要採取法律行動,唔係同大眾講,等人地採取行動。 「我好驚俾人屈非禮」 性罪行係好嚴重既指控 成日搭車刻意選擇坐係同性隔離。明知個大叔好臭都要坐。因為我好明白一點就係,即使你無意,只會佢有意覺得你有意,唔用法律都可以搞到你好唔掂,影你相,放上FB。 小學中學都其實無教過咩係非禮。1997年所出既性教育指引當中無令學生對性罪行有認識同了解如何從性罪行保護自己。(詳情: http://sexedu.org.tw/hongkong.pdf) 最近,發生咁多討論,我都認真睇下點為之非禮。係咪個女仔話我非禮佢,我就會俾人告?或者我俾人秋後算帳? 原來要達到以下兩個條件。 1. 事主不願意有私人部位既接觸。16歲以下不能夠願意接受接觸。 2. 被告係有意侵犯。 但好多人都會忽略第二點,可能對人有偏見,覺得佢刻意。呢一點先令人覺得可怕。更甚者,佢覺得你有意,之後又覺得唔夠証據法律上報復你,所以用社交平台或圈子散播謠言。 不過,如果你覺得散播謠言黎報復一個你覺得告唔到既人係屈機既,唔好唔記得有條罪叫誹謗罪。 我相信法律係完善既,但係整個中小學,我感受唔到當中有教過法治慨念。所以有D人對於性罪行未有充分了解,又怕事,無訴諸法律,但係性罪行既指控又係好嚴重。

Read more