男友做完即訓唔理我,應該點做好?

你好,我同男朋友一齊幾個月,各方面都OK ,唯獨性生活上我真係好唔滿意。唔係話佢短同細而係佢真係好自私。

簡單舉個例,有時我訓著左會被佢忽然拍醒做愛,我真係好累好不想,佢都唔理!仲話咩星期六早上比人攪醒唔係好幸福咩?都唔係一兩次,每次都鬧交都仲係咁。

講真,每次攪完都係佢完事先然後就即訓根本唔理我想不想繼續。有時我覺得自己未夠,想佢用手幫我,佢都唔理。

總之我覺得,好似我必需係佢想果陣滿足佢,但係到我想果陣佢又唔會滿足我。但撇開性生活其他方面我都覺得幾好。佢係個好有主見既人,佢會比一啲生活同工作上既建議我,佢比我大幾年,各方面能力都好好,會令我好安心,我希望可以同佢長遠啲,我應該點做先可以令我地性生活可以再和諧啲。

謝謝。

@小丸子


小丸子:

其實兩個人相處時,好多問題都係互相影響。就好似你鍾意佢有主見,又唔能忍受佢床上太霸道。但是其實都係佢貫徹佢性格,或者咁講係你地相處模式同感情間可以體現出黎。

有時候我地覺得床事好難拎出黎傾,可能係感情或者其他方面都一樣。你會唔會覺得如果你提出同他相反意見佢會唔理你建議,一意孤行呢?如果你地一向都係用呢種溝通模式,咁點解係床上先有hard feeling呢?我諗係因為生活上無關痛癢既決定係覺得咩選擇都無所謂所以多數接受佢既意見,但到關係切身利益時佢既固執就變得有問題。

所以,我地應該點解決呢個問題呢?

首先,是溝通。不只是係SEX 方面提出你想法同意見,而係生活各方面都開始嘗試,唔再單純做一個資訊接受者同執行者而是參與意見,比佢知道你都有想法,都要被尊重。而且我相信,隨著你地拍拖愈黎愈耐你都會慢慢提出更多想法,因為冇左啱啱認識果種覺得佢咩都好,咩都啱既階段,對佢你會更多意見,更多的質疑,會開始出現平等溝通。

佢固執同任性係一件事,我地可以原諒佢,可以係相處過程中去磨合,但係唔識得尊重女性既性體驗又係另一件事。通常女性尤其香港女性係性生活方面比較少意見,但至少佢地其實知道自己想要咩,只係唔知點同另一半溝通。有更多絲打,可能一世都唔知要去爭取在床上屬於自己既愉悅同權利慢慢地變成了男性既洩慾工具,認為只要能滿足同照顧好男伴就足夠。

同樣都有好多男人,比起讓女人high,總係覺得自己爽更重要。佢地有好多藉口,比如「自己需求大;我容滿足;唔係個個女性都有高潮好難令你有」但歸根結底,係冇尊重女性都有性需要,係好唔成熟既觀念。(當然都有男性想跟伴侶一齊爽,唔係一竹竿打一船人!但都有男性想但唔知點樣可以令女性有高潮,用錯左方法所以弄巧成拙)

所以,請心平氣和地同佢傾你希望佢尊重你既需求,比你足夠前戲同後戲。否就拒絕同佢做!直到佢能學識如何係床上尊重你感受為止。

不管是性生活定愛情都要不停的磨合裡成長,好好享受美好過程
祝福你們。