要是福山雅治就不算性騷擾: 你的樣子如何,你的下場也必如何?!

  近日係日本有個熱爆議題,就係話用對眼望住女性(掃視?凝視?)/用物件掂到個女性而令對方感到不安既就會構成性騷擾。然而,日本有個女律師就話如果有福山雅治咁既級數既男性做以上既野就無問題,咁…點為止性騷擾?係咪用樣黎定義?咁唔怕性別歧視?我地點保護自己先好?   香港點定義性騷擾? 跟據香港大學法律系既網頁就解釋左性騷擾(Sexual Harassment)係香港既定義: 「如任何人作出不受歡迎並涉及性的行為,而這些行為具冒犯性、侮辱性及威嚇性的,便會構成性騷擾,當中包括作出不受歡而從性方面獲取好處的要求。性騷擾者可能要承擔法律責任,並且可能要向受害者作出賠償。 根據《性別歧視條例》第2(5)條和第2(8)條,任何人向一名男士或女士作出性騷擾行為,均屬違法,而有關性騷擾的條文亦適用於同性關係。舉例,如一名男士性騷擾其他男性,或一名女士性騷擾其他女性,兩者皆可被控告。 性騷擾可以直接或間接地透過身體動作或語言去進行,以下是部分例子: 不受歡迎的身體接觸(例如擁抱、親吻或觸摸); 盯著看或擠眉弄眼; 摩擦別人的身體; 不斷追問別人的私生活; 做出使人反感並涉及性的手勢。 性騷擾亦包括作出不受歡迎並涉及性的行徑,以營造一個在性方面具敵意或具威嚇性的工作環境,例如: 說出與性有關的言論或笑話; 展示與性有關的不雅圖片或海報; 對別人的性別作出侮辱或嘲笑; 挑引性地吹口哨。」 來源:http://www.clic.org.hk/tc/topics/antiDiscrimination/sex_discrimination/q4.shtml

Read more

有白色液體在我裙子上,會唔會有BB?

擔心的sis:前2天與同男友親吻,他摸了乳房,我地2個有穿衣服,一直都有穿。壓在身上我發現他好像硬了。然後我地站起來,他說要解決,結果他打飛機。我不知道他有冇射了,可是有一點點白色的液體在我的裙子側面表面上。我衣服沒有脫,內褲也沒有脫,只是我有濕了,但沒有脫。我應該昨天來月經,可是到現在也沒有,我很怕懷孕了。可以告訴我這樣是懷孕了嗎? 原文:http://www.beautyexchange.com.hk/forum.php?mod=viewthread&tid=760127   涼子:首先,雙方既性器官無任何接觸之下(性行為),而且雙方既體液無接觸有BB既機會率係近乎無可能的。衣服(裙)有體液,女方內褲濕,中間大有距離(好多層衣物纖維),係衣服都吸收哂男方比精子游水既精液,游唔到去女性下體呢!只要唔經任何既意外令雙方體液互相係陰道口接觸到,係好難會有BB的。   其次,一直擔心有無BB係一種無形既壓力。月經有時好衰,你愈想佢黎佢就唔黎比你睇,原因身體係睇排卵期做人既。排卵本應就係為懷孕作好準備,當生活有壓力既時候,身體係會知咁既生理同心理質素對BB係有害,佢就會自動自覺唔比你有卵出,從而有唔到BB。呢一點,好多想有BB既夫婦都會理解,係香港搞極都無,個個變哂心急人上,但一去下旅行就兩人去三人返,都只因為壓力嘛,所以點解有咁多夫婦渡完個蜜月就中左獎。唔排卵,無卵子既死亡,啫係無由卵泡分泌既黃體,黃體唔死,M血前身既子宮內膜無甩,由頭到尾無任何野提示身體要黎M,咁姊妹妳黎唔出M亦係正常。然而再提提妳呢個case係精子同卵子係從來都無接觸過,即使好不幸果一刻處於排卵期,都會因為無體液上同性器官既接觸/插入,而唔能夠有BB。   涼子要提醒,月經唔一定100%準,生理同心理係最影響月經既間距長短,呢度有個台灣婦產科醫生寫既網頁,講左好多唔黎M原因,同基本既性知識,可作為參考:http://www.obsgyn.net/cgi-bin/newinfo/showquestion.asp?fldAuto=1601&fname=%B0%FC%AC%EC&furl=26   當然,如果真係依然好擔心,可以買驗孕棒去驗/去睇醫生,但如無意外,應該超過90%係無BB,既然如此,咁點解唔好好放鬆心情去排個真正既卵,迎接月經呢?學多D性知識,多D了解下自己既身體,留意下每次月經長短,好快就會知自己月經既習性到底係點,以及係可以及早發現一D婦科既疾病! 如果依然覺得安已不,又覺得好擔憂,歡迎比個message比我地,小編們會盡快解答大家既難題!https://elife-edu.org/易生活發問性愛qna/ 多點上Elife,學多D唔同既性知識,學下唔同既避孕方法,呢度有唔同既野係學校無教架! 撰:毒菇涼子

Read more

拍左兩年,咩極都唔射,唔開心都好正常姐係咪?

我係女,我同男友性愛生活唔少,已經咩過好多次,但有一個問題:佢從來都冇試過射。 我地平時都會用套,但唔係佢太攰,軟左繼續唔到,就係佢好耐都唔射。我地通常都係返出來,除左個套,再用手先會射到。 其實我真係好灰,我一開始以為自己唔夠吸引,又或者技巧唔夠,仲試過病埋一邊喊…… 係我太重視射唔射,定係好正常?佢仲反問我,做乜好似眼濕濕 :’( 我緊係話無,咩事都無啦。唔通我同佢講「究竟係我有問題家你有問題」咩。 我成日都覺得有射成件事先係完整,宜家成日都好似去到一半就停,我到左今日仍然好悶悶不樂。我想知有咩方法可以有咩解決方法?我唔想拍幾年拖,未結婚就已經有愛冇性……   From 心急JM   親愛的心急JM: 筆者雖然唔係男人,都有少少見解:性愛有好多種,唔一定要佢射左或者你有高潮先至係「完滿」。佢用手幫你,或者你用口幫佢而覺得好舒服,其實已經係性愛的一部份。特別你係男朋友第一位有性的伴侶,大家就更需要時間去協調,去學習點樣先令對方最享受,最開心。   好唔公平咁講句:男仔好早就已經打飛機,大部份嘅敏感點佢地自己都非常清楚,好多時陰道交未必刺激到佢地嘅敏感點,從而令到佢地好想射。特別係包皮比陰莖長嘅男士,佢地平時打飛機可能就係透過郁動包皮而帶來性興奮,所以點解有時佢抽返條丁出來,再用打飛機會射到。呢個並唔係你同你陰道嘅錯,只係習慣唔同姐。   性愛係要討論同檢討,一齊學習,坦白咁講返俾對方知道每一次嘅感受,咁樣嘅溝通先會令每次性愛都比上一次更開心。筆者希望你坦承同男友講下自己困惑,開心同唔開心嘅地方,又唔好一味投訴,讚美同改善大家都可以一齊做。祝你同你男友長長久久。   From 男校女主筆

Read more

同女朋友一齊去旅行,係咪代表可以hav sex?

各位新年快樂~涼子既「第一次」回覆將會送比呢兩位朋友仔! 讀者 #css5467 “同女朋友一齊去旅行,係咪代表可以hav sex?咁我係咪應該帶定condom去?點先知佢嘅意願?好驚佢reject我之後會好尷尬。 利申 青頭仔”   涼子:你識咁問涼子好欣賞,證明你係一個負責任既男人。女仔呢,想要既時候可以如狼似虎,但要睇男仔有幾多關心幾多愛比佢感受到。首先要問下自己,同女朋友拍左拖幾耐呢?大家清唔清楚呢場戀愛係想要咩結果呢?女仔其實都幾討厭無目標既愛情,唔係為錢,唔係為咩,而係驚交出身心比人趙完鬆。(當然男仔都會驚架)   若果要搞,套套一定要帶定去啦,咁想搞果日,不妨整多D驚喜,出少少創意令到個氣氛好浪漫,香薰呀lotion呀可以準備比女仔,香香滑滑會令佢地自信心滿滿。(拿鼻敏感既要了解左人地有咩唔用得先)(呢D只係例子,因為佢鍾意咩只有你自知)   重點黎喇,想就要講,直接講!女仔係心情好好又自覺浪漫又幸福呢,點都易少少傾,當然你要show到對佢負責任呀唔係玩呀果D,佢唔放心又點做呢?If ok, let’s get wet啦!接觸呀妹前係佢面前戴套套,幾man呀!   Touchwood,如果佢reject你唔好嬲嬲豬,始終sex唔係出完火就無責任既,對佢坦白感受,亦表示明白佢會有顧忌,OK既,成世人留留長呢D野慢慢黎啦~ 撰:毒菇涼子

Read more

你除左記得多多同寶寶龍,性侵犯/非禮你又知幾多?

我仲會記得細個同D女仔玩,D女仔唔夠玩時總會叫非禮令到你縮手退後。好彩我個陣D家長未至於好怪獸,如果唔係,老父老娘真係有排玩。不過,同性罪行拉上關係,即使唔入罪,都好恐怖。 「記得喊唔好同話俾你信任既人聽」 其實係簡單直接。但多多同寶寶龍真係做完都無人理。如果係覺得被侵犯,就要喊唔好或者如果你覺得個個人無心,都要示意。我好記得有一次影大合照,要企埋D,唔為意下,我手跟原來掂到一名女性既胸部。個位女士輕輕用手將我手跟向前推,我先發覺自己掂到。 其實唔理有意定無意,都應該示意要求對方保持距離。 如果你覺得係有意同時要採取法律行動,就要搜証証明佢既意圖。往往意圖係判罪既爭論點。 但信仼既人呢?網絡上既人係咪你信任既人。我諗好明顯唔係。呢段廣告既意思係想小朋友搵成年人協助採取法律行動。無錯,對性罪行,你係要採取法律行動,唔係同大眾講,等人地採取行動。 「我好驚俾人屈非禮」 性罪行係好嚴重既指控 成日搭車刻意選擇坐係同性隔離。明知個大叔好臭都要坐。因為我好明白一點就係,即使你無意,只會佢有意覺得你有意,唔用法律都可以搞到你好唔掂,影你相,放上FB。 小學中學都其實無教過咩係非禮。1997年所出既性教育指引當中無令學生對性罪行有認識同了解如何從性罪行保護自己。(詳情: http://sexedu.org.tw/hongkong.pdf) 最近,發生咁多討論,我都認真睇下點為之非禮。係咪個女仔話我非禮佢,我就會俾人告?或者我俾人秋後算帳? 原來要達到以下兩個條件。 1. 事主不願意有私人部位既接觸。16歲以下不能夠願意接受接觸。 2. 被告係有意侵犯。 但好多人都會忽略第二點,可能對人有偏見,覺得佢刻意。呢一點先令人覺得可怕。更甚者,佢覺得你有意,之後又覺得唔夠証據法律上報復你,所以用社交平台或圈子散播謠言。 不過,如果你覺得散播謠言黎報復一個你覺得告唔到既人係屈機既,唔好唔記得有條罪叫誹謗罪。 我相信法律係完善既,但係整個中小學,我感受唔到當中有教過法治慨念。所以有D人對於性罪行未有充分了解,又怕事,無訴諸法律,但係性罪行既指控又係好嚴重。

Read more

如何月射21次而不失霸氣?

早前筆者出左一篇「港男精子甩頭甩骨 邊個話男人一定得? 」嘅文章,有唔少讀者都側晒頭,仲有一個留言話,唔通單身嘅巴打就要日日打飛機,有伴侶嘅就要日日做愛,先可以平衡返精子質素。雖然醫生真係建議唔好谷住谷住,儲埋一次先來山洪暴發,不過係香港又如何月射21次而不失霸氣? 首先,減左女生會來經嘅日子,每月平均有24-25日可以做愛。可以做,唔代表想做喎!減埋啲心情唔好呀,今日好攰呀嘅日子,OT唔夠時間,每月可能淨返廿日。我就當你有廿日可以做,咁你去邊度做呢? 香港政府成日都話土地問題,做愛做的事就真係最需要土地啦。去你屋企,你呀爸呀媽家姐細佬又係度,連上來坐下都唔方便,咪講話過夜。去佢屋企,佢又可能得個上隔床,隔音又差,點樣pre play都冇mode,陣間呀媽入來問你食唔食生果就真係老尷。 咁不如去時鐘呀?放左工,想幾點去都得啦掛?宜家時鐘平均兩個鐘350蚊,每個月chur盡廿日,成為7000大元。就當伴侶好有心,同你分一半,個條數都分分鐘多過你俾家用(都好過買機票請全家去旅行,留返間屋俾自己用嘅)。 唔通真係要野戰?車震?定係…巴士!?再講落去,筆者怕你火都未出就要俾身份證呀sir啦! 早年蘋果報導過,美國哈佛大學一項研究發現,每月射精21次或以上嘅男士,患前列腺癌的風險會減少兩成。性行為次數越多,可降低患前列腺癌風險。睇來香港嘅男士真係要好好為自己嘅健康付上(金錢)代價,盡早為自己嘅精子同前列腺做檢查,防患未然。 資料來源:https://hk.news.appledaily.com/local/daily/article/20150521/19155235 撰文:男校女主筆

Read more

給女生的3個性愛建議-在床上,拿回自己的主動權

就像許多妹子一樣,我是從女性雜誌上第一次接觸到性愛知識。我知道當我全裸時如何讓我更加美麗;我知道在啪啪啪時如何讓我看起來更性感;我學會了上百種挑逗丁丁的方式,不管我自己是不是喜歡、性,聽起來充滿誘惑力,但不知道為什麼,我也猖獗的恐懼。 後來,我現在明白了。性讓我變成了另一個自己,我好像是一件物品一樣,當我進入到一個男人的房間裡,我就把真實的自己關在了門外,變成了對方所喜歡的樣子。 不論男女,好像都會認為,女性就應該滿足男性的需求。男人總是應該在談論女性的,我從各個歌手中學到他們都把自己的性伴侶稱作“婊子”、“妓女”;我從電視節目中學到男人可以任意把自己淫欲的目光投射在裸體女人身上;我從男人身上學到他們把強X行為當做聊天講笑話的樂趣。 幸運的是,在大學期間和之後的時間裡,我學到了關於性和女性角色的其他概念。希望分享給所有人。 1、做你渴望做的事情,而不是你“可以接受”的事情 在成人戀愛關係的學習裡,慾望總是莫名地被忽略掉了,或者說,除了男人的慾望外,其他人的慾望都被忽略了。 我學到一切都在告訴我,男人是有慾望的,是被社會認定為慾望強烈地,我知道男人的慾望是無法控制的,因此他們會嘗試一切方式讓我去滿足他們,並且我有“強大的力量”去決定要不要滿足他們的慾望(如果他是“NICE GUY”不會企圖通過強X來滿足自己的話) 在這樣的體系當中,女性的需求和慾望被忽視了,她們總是在妥協,做一些自己並不渴望的事情。 所以,當我意識我自己的慾望也是非常重要的,性,變得更加自然,並且不再恐怖。 當我剛進入大學的時候,我參加了一個關於性的講座。跟其他我參加的性話題講座不同,這裡不再將女性歸類為一個“受害者”:“做你渴望做的事情,而不是你“可以接受”的事情”。演講者告訴我們。 在此之前,我對於性的期望並不高,我覺能夠接受的狀態就是最好的狀態了,常常將就別人的要求,我以前認為如果一個男生在性上對你有一些要求,而且你也是OK的,(雖然不是渴望,但是可以接受),那拒絕他是一個很不好的事情。 但是,就像這次演講說的,這樣的情況會讓女性陷入一個不平等的“交換”,並且讓真心的同意變得很模糊。因此,他建議,如果你並不為此感到興奮,那麼就大膽說no,並且你是可以隨心改變你的主意的。 之後,我也聽到過其他人提出這個想法:如果你並不能很開心的答應,那麼就是拒絕! 通過讓人們有權利去說真的同意,我們能讓更多人在不情願的情況下大膽說no;通過讓人們有能力說NO,我們可以讓性愛變得更有安全性。讓女性的慾望更有安全性。 2、表達你想要的東西,並且詢問你的伴侶需要什麼 女性雜誌常常說,在床上去談心是這世界最性感的事情,但是他們卻很少提到我們要如何表達自己的想法,並且也沒教我們如何知道伴侶的想法。在床上的交流往往都會變成一種表演,變成表現對方期許的樣子。 在床上的交流應該是表達你真實的想法,哪怕會讓你或者你伴侶不高興。 在此之前,我並不知道我是可以告訴你,我想要啪啪,更多的愛愛,更多不同的性愛方式;我不知道我可以告訴你,其實剛剛的行為,我並沒有任何感覺;我不知道我可以告訴你,我現在感覺有點疼…… 畢竟,這些都不是可以讓他變得很興奮的話。

Read more

為何我們無法容忍隔壁的叫床聲,卻對爭吵聲坐視不理?

一、 凌晨一點多,我家門被鄰居劇烈的拍響。 “嘭!嘭!嘭!嘭!”,我在心裡默默數了四下,深夜巨大的敲門聲彷彿平地驚雷,好像朝鮮又發射了新的導彈。我的叫聲戛然而止,轉頭和男友面面相覷,還保持著某個姿勢。 見我們沒反應,敲門的那個人急了,再次用砸門的架勢拍了無數下: “砰!砰!砰!砰!砰!砰!砰!砰!” 我當時有點嚇傻了,不敢吱聲,門口的人見砸門沒用,開始試圖拉我們的門把手,一下、兩下、三下……想要把門拉開。門框發出來回撕扯的聲響,好像表達著自己的無助。 像過了一個世紀那麼久,他/她終於放棄了。他/她打開自己家的房門,為了表達自己的憤怒,他/她還用力地摔了自己家的門。伴隨著一陣巨大的關門轟鳴聲,世界終於歸於平靜。 我跟男友平躺在床上,經歷著劇烈的情緒變動:從愉悅的巔峰,到巨大的恐懼,再到由衷的憤怒……他是誰? 他憑什麼這麼無禮地砸我們家的門? 二、 我承認,我在床上是宣洩型人格,有時候自己發出的聲音會讓自己都驚訝;以前不懂事兒的時候,把自己的叫聲跟島國動作片做比較,覺得自己叫聲太狂野了,後來才知道,真正嗨的時候,誰還能管自己的叫聲是不是某種腔調啊。 平時跟朋友們聊天的時候,經常聽到他們的抱怨。出去旅遊,隔壁的人太嗨,吵得他們一個晚上都睡不著覺啦;一個人住酒店,聽到一些聲音實在難以入睡啦;還有人故意貓著耳朵去聽,發朋友圈說抱怨單身多年啦…… 也有人直接去敲門的,讓對方小點聲。不用想,對方一定敗了一半興致。 我們對隔壁的叫床聲其實並不陌生。但是關於它的​​描述,基本都是負面的,或難堪、或抱怨、或焦慮、或戰戰兢兢。被砸了門之後,我趟在床上跟男友聊天,想起以前住的某處,有戶人家深夜經常吵架,孩子哭母親嚎爸爸摔,每個星期幾乎都有兩次,聲音非常轟鳴壯觀,但從來沒有人上前敲門,所有人都在默默忍受。 我問男友:如果今天是咱們吵架,他們還會來敲門嗎? 因為長期關注婦女權益,我又設想:如果今天是我被打了,在房間裡求救求饒,還會有人來敲門嗎? 當然不會,起碼機率會小得多。如果大家都會的話,一些公益機構也不會花費人力物力,拍攝“上前敲敲門,人人止家暴”的公益宣傳片了。我們對於這些更值得被制止的叫喊,容忍度似乎高得出奇。我們常常對待家暴以“這都是人家家務事”的冷漠,但是涉及到更為私人領域的叫床聲,似乎所有人都有權利上前喝止你,讓你停止這“不該發出的聲音”? 三、 後來我對於“不該發出的聲音”的觀察更廣闊了。某一天下午我路過隔壁臨街小區,五樓在排練樂曲,發出敲鼓和電吉他的聲音,很有節奏感。 樂曲的聲音不錯,絕不能稱作噪音,我甚至邊走路邊用腳敲起了節拍。迎面走來的大爺卻一臉苦不堪言和指指點點:“這小區的人可遭罪嘍”、“怎麼還不停下啊”。

Read more

「第一次」家長談性大法 “a special dance”

好多家長一講起性教育就頭都大埋,到底應該主動講,定係被動答?應該單人匹馬,定係雙親同場?呢條片就記錄咗一啲父母同仔女初次談性嘅場面嘞,啲細路嘅反應都幾純真可愛㗎! 我自己就覺得性教育同其他教育一樣,都應該循序漸進,逐步教識小朋友一啲基本概念,唔好一下子就將太複雜嘅野灌輸畀佢哋,否則佢哋好難接受同諗得通,就容易採取逃避或者訕笑嘅態度。可以學下片入面一位爸爸咁,適當嘅時候利用下修辭手法,第一次講嘅時候將性行爲嘅詳情比喻爲「a special dance」,等小朋友明白個大概,以後再慢慢講解,都不失爲一個好方法。 同一時間,大家都應該觀察到,有啲小朋友會覺得尷尬、噁心,甚至揞住耳仔大叫唔聽!如果仔女反應好大,其實可能代表佢哋仲未準備好接受爸爸媽媽想表達嘅特定訊息(例如性行爲),咁我覺得家長都應該尊重佢哋意願,暫時擱置話題;但咁並唔代表要完全唔講嘅,可以換個角度講啲無咁hardcore嘅野囉,畢竟性教育有好多層面,唔係下下都要急住講性交嘅。 最後都想提提大家,應該教識小朋友,即使性教育嘅內容係好正常嘅事,但性器官、性行爲等等始終係私人嘅,請佢哋唔好得意洋洋咁喺學校周圍講,咁既可以教識佢哋性嘅意義同埋提醒佢哋尊重別人,又可以避免佢哋講多錯多,或者同學校或者其他家長嘅性教育計劃衝突,引起不必要嘅不安同麻煩。 你覺得最好嘅性教育係幾時做、點樣做?各位家長又有咩搞笑時刻或者性教育心得可以同大家分享下呢?快啲留言話畀大家知! p.s. 嗰兩個亞洲/混血細路超醒超精靈呀!勁鍾意(心心眼) 水源:https://www.youtube.com/watch?v=a3MyLt6l5n0 文:一起拉丁舞

Read more

泰國家庭大旅行 精液黐屁股:算唔算強姦?

日前睇到篇新聞,竟然係關於已婚嘅26歲堂舅父,涉嫌係家庭大旅行遊泰國嘅時候,非禮及強姦正值月事嘅15歲女事主。【案件編號:HCCC138/17】(新聞來源: https://m.mingpao.com/pns/dailynews/web_tc/article/20171011/s00002/1507659214619) 雖然女事主表示佢曾經反抗話「唔好再搞啦」,但係堂舅父仍然「霸王硬上弓」,仲郁左大約15秒,並發現屁股上有「黐黐立立」又溫暖嘅液體(諗起都驚)。由於感事態嚴重,女事主父母已決定即時報警,可疑其他親友阻止,只係舉行左家庭會議。 根據香港《刑事罪行條例》(香港法例第200章)第118(3)條列明,如任何男子「(a)與一名女子非法性交,而性交時該女子對此並不同意;及(b)當時他知道該女子並不同意性交,或罔顧該女子是否對此同意」,便干犯強姦罪,最高刑罰是終身監禁。不過強姦係*必須*包括陰莖插入陰道。只要陰莖插入陰道少少,即使冇射精完成性交,亦足以構成強姦罪;但如果陰莖並非插入受害人嘅陰道,而係進入身體其他部位,例如口腔或肛門,就唔能夠構成強姦罪。同時,如果插入受害人陰道嘅並唔係陰莖,而係其他物件或其他身體部位(例如手),亦唔夠落強姦罪,最多係非禮罪(猥褻侵犯罪)。 雖然事後堂舅父曾發WhatsApp俾女事主道歉,但筆者認為,如果你係個個女仔,遇到強姦、非禮,或其他性暴力事情發生係自己身上,可以參考以下建議: 1. 即刻話俾信任嘅人聽:雖然當時你情緒應該好波動,根本唔知發生左咩事,但首先要搵你信得過嘅人,包括家人,朋友及老師,千祈唔好覺得「第一次發生,好想快啲過咗去」就算。 2. 聆聽自己心聲,千祈唔好怪自己:有d所謂「專業人士」聽你講完,可能會覺得你多一事不如少一事,尤其涉及到熟人,更加唔好報警,以免人地講三講四。甚至會有人將個責任推係你度,問你個時「係唔係唔檢點」,「著得太性感」等等,但你明明就知道自己冇做錯,自己亦冇同意該次性行為,咁就應該報警,或者尋求協助。 3. 去診所檢查:如果你曾經掙扎過,或身體上仲有對方的皮屑或分泌物,應該要即刻去醫院,或者搵醫生做檢查,留返個record,確保你有證據證明有冇發生插入式性行為,或者係其他性暴力行為。 4. 報警唔怕遲,一定要堅持:正如呢篇新聞的日期,係尋日嘅新聞,但奸案件發生係上年農曆年!而且仲繼續審緊!你就想像到司法制度都係要時間的。其間,可能有唔少人,甚至係警方,會多次搵你問話,仲係唔係想上庭呀之類,仲可能會無心之失咁批評你「做乜咁耐先報警」,令你覺得好攰。不過千祈唔好放棄!一日你知道你係受害人,一日你都要為自己平反!。 5. 喊,盡情喊,但唔好自虐:情緒係需要發洩出來,千祈唔好收收埋埋。如果你怕自己做傻事,就搵朋友二十四小時同你一齊,睇實自己。 6. 如果你身邊冇人幫到你,或者你信唔過家人朋友會唔會周圍同人講,你可以同我地網頁或 Facebook 聯絡: 私信我地「隨心問性」:https://www.facebook.com/elife.edu/

Read more