中出有價:焗你俾四皮?

早前小編H 睇新聞,話全世界嘅安全套都會因疫情而減產,杜蕾斯仲話只剩返幾個月存貨,小編真係鄧各位驚驚,真係萬一中左,宜家想想落仔都咁容易落到!   醫院管理局係上個月15日宣佈進一步減少非緊急及非必要服務,非緊急嘅手術都需延期,包括落仔(終止懷孕手術)。 你諗住可以去家計會?家計會只會為懷孕期在係十星期內(以終止懷孕當日計算)的就診者提供終止懷孕服務。如果懷孕期10週以上就要去私家醫院,現時香港只有四家私院可進行終止懷孕手術,有啲兩萬,有啲甚至四萬。如果經濟進一步下滑,避孕套生產量都冇咁快恢復,而你又返唔到大陸墮胎(邊個仲夠膽返去?),就算有錢都未必可以即刻落到仔。咁冇錢既,係唔係可以搵定陪月?   車~咁避孕方法唔淨係得套架嘛!冇錯,仲有口服避孕藥同埋打針。但同時新聞都有報導話,藥物供應因全球疫情同埋中國減低生產而會受影響,預視到未來會有唔少日常藥物的供應會短缺,除非你買定半年份量的避孕藥係屋企啦!再加上香港政府愈來愈控制市民出們,可能到時要去clinic打針都有困難!嘩,咁咪即係叫我唔好搞野?   咁又唔係~其實咁長時間係屋企WFH同埋停課,仲有好多野可以做架嘛~做下運動,睇下書,上下online course。小編們就建議大家,無論點都好,一定一定一定要做好安全性行為,入定貨,唔好咁衝動呀!

Read more

食咗避孕藥是否可以衝紅燈?

撰文:男校女主筆 網上好多文章都係分享避孕方法有好多種,但比較少有絲打親身分享食避孕藥嘅經歷。今次筆者就訪問左一位已經食咗幾年避孕藥既絲打,比大家認識多少少口服避孕藥。 絲打食緊嘅嗰種係24+4嘅口服避孕藥,食第一粒嘅時候一定要喺月經來嘅第一日,咁先會開始有藥效。24+4嘅意思係指一包藥裏面,有24粒係有藥效,有4粒係冇嘅,當你食完藥效嘅時候,月經就會嚟。同傳統避孕藥唔同嘅係,你唔需要等月經完先開始食新嘅一包藥,而係食完4粒之後就直接食新一包,接住食第一粒,咁你嘅月經周期就會跟住你28粒藥去改變。 咁避孕成份強唔強呢?絲打話自從佢食咗避孕藥之後,就冇帶個避孕套啦!!就算次次都中出,都冇試過懷孕!(嘩!)不過佢同佢伴侶都係得對方,所以唔擔心感染性病,但係絲打都想提醒大家,都係避孕套係最高保護嘅。除咗避孕功效顯著之外,絲打着滿意嘅就係呢隻避孕藥令佢嘅經血減少左好多,亦都冇再有強烈經痛,而且經期短左好多,通常你已經四日左右就會停。一嚟用少咗好多衛生巾,二來再唔需要擔心漏經,三來唔再需要係經期嘅第一日請食sick leave。絲打仲自爆,因為血流量少咗好多,係食緊冇藥效嘅藥嘅時候同老公衝紅燈,佢真係從來都冇諗過自己會做得出! 不過絲打都想提醒各位女讀者,係一開始食第一個月嘅時候,陰道會有少量出血,所以嗰個月要帶定多幾塊護墊出街替換。而且每日一定要差唔多時間食,例如絲打係每日黃昏6:00食,佢就會盡量準時,如果真係唔記得,都唔會前後超過一個鐘食。 雖然每個月要比多$200去買避孕藥,但係絲打最開心嘅係,除咗可以同老公再親密啲之外,就係減少左好多勁痛,同埋減少左好多血流量,令佢嘅行動力亦都大增,精神都好咗。不過絲帶都有分享過,佢有一位前同事,聽到絲帶嘅分享之後都去買佢同一隻避孕藥你食,但係頭一個禮拜有好多副作用出現,包括頭痛,嘔吐,經痛等等,辛苦到佢決定唔再食避孕藥!!所以大家最好都係去搵醫生問清楚啦~ 最後筆者提醒大家,雖然而家嘅避孕藥非常先進,基本上都唔會令到女士們增肥,但避孕藥都只能夠避孕,唔能夠抵擋性病嘅傳染㗎! #避孕藥 #我的朋友不是我 #衝紅燈 #性知識 #女性避孕 #

Read more

有白色液體在我裙子上,會唔會有BB?

擔心的sis:前2天與同男友親吻,他摸了乳房,我地2個有穿衣服,一直都有穿。壓在身上我發現他好像硬了。然後我地站起來,他說要解決,結果他打飛機。我不知道他有冇射了,可是有一點點白色的液體在我的裙子側面表面上。我衣服沒有脫,內褲也沒有脫,只是我有濕了,但沒有脫。我應該昨天來月經,可是到現在也沒有,我很怕懷孕了。可以告訴我這樣是懷孕了嗎? 原文:http://www.beautyexchange.com.hk/forum.php?mod=viewthread&tid=760127   涼子:首先,雙方既性器官無任何接觸之下(性行為),而且雙方既體液無接觸有BB既機會率係近乎無可能的。衣服(裙)有體液,女方內褲濕,中間大有距離(好多層衣物纖維),係衣服都吸收哂男方比精子游水既精液,游唔到去女性下體呢!只要唔經任何既意外令雙方體液互相係陰道口接觸到,係好難會有BB的。   其次,一直擔心有無BB係一種無形既壓力。月經有時好衰,你愈想佢黎佢就唔黎比你睇,原因身體係睇排卵期做人既。排卵本應就係為懷孕作好準備,當生活有壓力既時候,身體係會知咁既生理同心理質素對BB係有害,佢就會自動自覺唔比你有卵出,從而有唔到BB。呢一點,好多想有BB既夫婦都會理解,係香港搞極都無,個個變哂心急人上,但一去下旅行就兩人去三人返,都只因為壓力嘛,所以點解有咁多夫婦渡完個蜜月就中左獎。唔排卵,無卵子既死亡,啫係無由卵泡分泌既黃體,黃體唔死,M血前身既子宮內膜無甩,由頭到尾無任何野提示身體要黎M,咁姊妹妳黎唔出M亦係正常。然而再提提妳呢個case係精子同卵子係從來都無接觸過,即使好不幸果一刻處於排卵期,都會因為無體液上同性器官既接觸/插入,而唔能夠有BB。   涼子要提醒,月經唔一定100%準,生理同心理係最影響月經既間距長短,呢度有個台灣婦產科醫生寫既網頁,講左好多唔黎M原因,同基本既性知識,可作為參考:http://www.obsgyn.net/cgi-bin/newinfo/showquestion.asp?fldAuto=1601&fname=%B0%FC%AC%EC&furl=26   當然,如果真係依然好擔心,可以買驗孕棒去驗/去睇醫生,但如無意外,應該超過90%係無BB,既然如此,咁點解唔好好放鬆心情去排個真正既卵,迎接月經呢?學多D性知識,多D了解下自己既身體,留意下每次月經長短,好快就會知自己月經既習性到底係點,以及係可以及早發現一D婦科既疾病! 如果依然覺得安已不,又覺得好擔憂,歡迎比個message比我地,小編們會盡快解答大家既難題!https://elife-edu.org/易生活發問性愛qna/ 多點上Elife,學多D唔同既性知識,學下唔同既避孕方法,呢度有唔同既野係學校無教架! 撰:毒菇涼子

Read more

避孕定墮胎 – 想俾四十蚊定兩萬?

之前筆者係台灣的一個宗教網站上面見到一篇叫「尊重生命大聯盟 反對修法讓墮胎更開放」(文章來源:https://www.ct.org.tw/1312154#ixzz4uDPcHM5F),見到個題材仲以為佢係讓墮胎更開放,點知原來又係個堆野:墮胎就係十惡不赦。 文中個神父仲話任何的墮胎都係唔啱,墮胎無疑係殺害「一個人」的生命,而墮胎的後果就係少子化,仲有性氾濫……嘩,講到萬一為墮胎修法,就係令整個社會價值觀崩壞,簡直係將所有想墮胎的家庭打入18層地獄,永不超生。 究竟個胎算唔算係人?唔係人又點解唔可以落左佢?算係人的話佢又可以點樣表達自己意見話唔想俾人落?筆者認為係呢d問題真係拗到2046都唔會有結論。不如轉個角度問你:點解當初唔做好安全操施或者家庭計劃,要俾個伏自己中? 根據家計會的「香港家庭計劃知識、態度及實行調查(2012年)」,係女性受訪者的回答中,如意外懷孕但選擇唔會將孩子生落來都有超過4成人,最主要的原因係「已有足夠的孩子數目」!筆者心裡面即刻講左句粗口:我X!咁你當初又俾佢發生!?曾經接受人工流產手術的女性受訪者裡面,有接近7成係已婚喎!睇返香港人工流產手術所需要費用,如果去公立醫院,有需要的女性往往需要排期輪候,甚至要等懷左三個月後先輪到你,到時胎兒太大想落都落唔到;去私家醫院呢?手術費要成2 萬至3萬元不等,睇你懷孕期幾長。兩萬蚊可以買到幾多個安全套,幾多次避孕藥?唔使我幫你計埋條數啦下話。 帶返個頭盔先:嗱,我唔係贊成墮胎,亦唔係反對墮胎。「胎兒算唔算係人」我真係唔識答,但有個問題你一定識答:當激情來臨,你今次慳返四十蚊買安全套,定慳返兩萬蚊去醫院人工流產?如果你諗好,真係好想生,OK;如果你唔係好識計數,唔知生唔生好,有篇文可以俾你做參考:「11K可以養到仔?其實係咪真係要生?」https://elife-edu.org/11k%E5%8F%AF%E4%BB%A5%E9%A4%8A%E5%88%B0%E4%BB%94%EF%BC%9F%E5%85%B6%E5%AF%A6%E4%BF%82%E5%92%AA%E7%9C%9F%E4%BF%82%E8%A6%81%E7%94%9F/ 如果我地講出你嘅心聲,快啲share俾你身邊嘅人啦! 資料來源:香港家庭計劃知識、態度及實行調查 2012 (記者會簡報) http://www.famplan.org.hk/fpahk/zh/press/press/20130521-press-chi.pptx 撰文: 男校女主筆

Read more

授孕方法有好多種

近日,一網媒貼出讀者去信,提問如何可在不「中出」(體內射精)之下使其同居女友授孕。 授精方法多樣化 但絕非人人適用 筆者在多年前曾閱報獲悉有外國少女在公眾泳池游泳,因另有男泳客在池中遺精而使精子進入其體內,繼而令其懷孕。當然,這種意外可遇不可求,且精子能在含氯水中生存下來,實在極為精壯。除非閣下質素極佳,筆者不建議採用這方法;加上衛生問題,此舉並不可取。 另一種,則視乎大家的經濟能力——試管授孕。據筆者所知,現時有不少私營醫療基構提供相關服務,但動輒花費上萬元。因此,建議諸位在決定之先考慮清楚。 事實上,即使體外射精,若不戴安全套,在行魚水之歡時,雙方也會有體液交換,此時或會有少數精子流入女方體內而授孕。 授精方式有很多種,按自身能力和需要而選擇最佳方案,自然水到渠成。希望樓主能解決這個問題!   撰文:君不見黃河   原帖連結: https://www.facebook.com/groups/1472136323095774/permalink/1752011228441614/

Read more

避孕藥

避孕藥(俗稱避孕丸)與安全套一樣也是最常見的避孕方法,而且有效率可高達99.7%,但無法預防包括HIV在內的性傳播疾病。 避孕藥有不同的品牌和成份,可以前往診所咨詢,選擇適合你的避孕藥。大多數避孕藥均為混合避孕藥,含有雌激素和孕激素兩種成份。避孕藥所含的人造荷爾蒙能抑制卵巢排卵,亦能令子宮內膜產生變化,使受精卵無法形成。此外…

Read more

安全套

安全套又稱避孕套,這是最常見也最為人所知的避孕方法,在性交前套在勃起的陰莖上,阻止精液進入陰道。安全套有不同的質地、顏色、大小,甚至味道,通常用很薄的乳膠制成,一端開口,另一端呈突起的乳頭狀,用於收集精液。或許你以為安全套使用起來簡單方便,但其實未必人人都能正確使用安全套。選擇合適的安全套很重要,有些安全套上塗有潤滑劑,這是為了讓性交過程更為舒適。

Read more

女用安全套

女用安全套 (又稱避孕套) 放在陰道內壁,其避孕原理與男用安全套相同,同樣可以達到避孕和預防性傳播疾病的功效,但其構造有所不同,使用方法也不同。傳統的女用安全套的封閉的一端有內環,在使用時放入陰道內,而開口的另一端有外環,在性交過程中應一直置於陰道外,一些最新的女用安全套沒有內環只有外環。只要多加練習,任何女性都可以輕松地將女用安全套正確放置於陰道內,它也是女性自我保護的重要措施。

Read more

緊急避孕藥

在避孕失敗或遭遇性暴力的情況下,女性在72小時(三天)內服用緊急避孕藥(俗稱:事後丸),可有效降低懷孕可能。大多數緊急避孕藥內含大量單一孕激素,它可抑制排卵或干擾受精過程,但受精卵一旦著床,緊急避孕藥並無墮胎功效。請注意:緊急避孕藥只是一種彌補措施,絕不能作為常規避孕方法。

Read more