愛前試性? 與「羅伊說」的文章討論「試車」,兩性平權

By地方的Queen需要性平權 大家很久無見!這是elife重新開始後,Queen的第一篇文章,希望大家還記得Queen:) 今日好想和大家分享「 #羅伊說 」這專頁的文章,羅伊是台灣的作家,ta專頁(羅伊對自己的簡介中,說自己是中性,所以用「ta」好像是比較適合的代名詞)的文章和女生在社會面對的壓力, #兩性平權 有關。 Queen特別留意到ta近來寫的鼓勵女性在交往前,先和對方「#試車」的文章,這是一個女生也可重視自己的「#性保障」的概念,以免到真的交往後,才發現自己和對方在性愛上不合。連結是: https://www.facebook.com/2055250704687967/posts/2619602708252761/ 作為一個 #女性主義者 ,Queen覺得ta在分析性愛中,「男權陰影」,「#處女情結」,女性在男生「享有」她的初次性愛後(這其實也是另一個男權陰影)地位下降的情況,等議題有精確的分析。Queen也覺得為什麼女生之前難以要求「性保障」,甚至是 #性解放,是因為傳統社會中女生的價值建基在確保生出來的子女的確是丈夫的血統(而為什麼女生的價值只建基在這事?),這就是處女情結。 羅伊認為現在已進入兩性平權的時代,這些女生對要求「性保障」的擔心,父權攻擊女生「#性開放」,「性氾濫」背後的思維,也該停止。而Queen在這裡想和大家討論的是,我們是否真的完全擺脫 #父權社會,進入兩性平權時代,而這對女生要求或被要求性保障有什麼影響。 而Queen最大的擔心是,香港本質上還是父權社會,就算「有女性出任高官(噁)好似女性好大權」也只是一個假像,這問題在2019年6月開始的社會事件後,其實更為嚴重。 用最簡單的方法說,由2019年6月起有哪個女生出門後覺得在街上安全?當女生的身體被當成打擊目標鎖定,當強暴,性侵犯女生(有些例子甚至是男生)是恐嚇人們的「武器」,當說出一個地名會叫人不寒而慄,代表我們正急速往「女生在社會上有更大的權利和自主」的相反方向倒退。 當社會上有最大權力的機構帶頭作出這些影響,當執法者可以在社交媒體上公然說可以輪姦女生,整個社會的風氣很難不被影響。 而同時,其實本來羅伊所在的台灣,就是在性/性別議題上比香港進步。例如,台灣已立 #同性婚姻專法

Read more

中出有價:焗你俾四皮?

早前小編H 睇新聞,話全世界嘅安全套都會因疫情而減產,杜蕾斯仲話只剩返幾個月存貨,小編真係鄧各位驚驚,真係萬一中左,宜家想想落仔都咁容易落到!   醫院管理局係上個月15日宣佈進一步減少非緊急及非必要服務,非緊急嘅手術都需延期,包括落仔(終止懷孕手術)。 你諗住可以去家計會?家計會只會為懷孕期在係十星期內(以終止懷孕當日計算)的就診者提供終止懷孕服務。如果懷孕期10週以上就要去私家醫院,現時香港只有四家私院可進行終止懷孕手術,有啲兩萬,有啲甚至四萬。如果經濟進一步下滑,避孕套生產量都冇咁快恢復,而你又返唔到大陸墮胎(邊個仲夠膽返去?),就算有錢都未必可以即刻落到仔。咁冇錢既,係唔係可以搵定陪月?   車~咁避孕方法唔淨係得套架嘛!冇錯,仲有口服避孕藥同埋打針。但同時新聞都有報導話,藥物供應因全球疫情同埋中國減低生產而會受影響,預視到未來會有唔少日常藥物的供應會短缺,除非你買定半年份量的避孕藥係屋企啦!再加上香港政府愈來愈控制市民出們,可能到時要去clinic打針都有困難!嘩,咁咪即係叫我唔好搞野?   咁又唔係~其實咁長時間係屋企WFH同埋停課,仲有好多野可以做架嘛~做下運動,睇下書,上下online course。小編們就建議大家,無論點都好,一定一定一定要做好安全性行為,入定貨,唔好咁衝動呀!

Read more

Miss WoW 知少少系列:Tantric sexology譚崔性愛

撰文:Miss WoW 基本信念: 🔥能量有好多種呈現 🔥性能量都係能量嘅一種 而性不只是性交 是一種能量交流,擺脫以頭腦控制,追求高潮為目標,而是著重當下臨在(present ) 嘅身體感官感覺情緒能量流動。 一般性愛好多時候能量都集中在性器官嘅範圍, 高潮時就一下釋放了。 Tantra sex 嘅重要元素不只是性嘅本身 全身能量嘅暢通,兩個人嘅靈性同能量交流不以高潮為性愛目標,有些常見嘅情況如「幾耐好硬幾長幾持久」「對方係咪扮高潮」「我有冇潮吹」「做愛時透過其他性幻想去達高潮」等都是Tantra sex 希望人不要被「頭腦」所影響。即使頭腦常常會閃出不同嘅事,但有意識留意,並將注意力帶回當下身體呼吸感覺情緒,以及跟你做愛嘅人嘅一切身體感覺呼吸情緒才是Tantra 嘅重點。 做到Tantra sex

Read more

學術台:吞精算唔算食素?素食小編和肉食小編的思辯

[生物學] 究竟素食者,可唔可以吞精?好多人一直糾結於男性分泌物之一既精子(+精液)到底係屬於肉食定素食,其實,大家睇太多愛情動作片啦,以下就係係生物學角度黎分析一下精子係咩一回事。

Read more

基督徒與婚前性行為

早前有單強姦案。一位幼稚園女教師,三年前同友人去卡啦OK聯誼,之後被一個同為教師嘅男人帶返屋企,奪去初夜。女事主庭上表示,自2008年已受浸成為基督徒,跟住一直忠於信仰,謹守聖經教誨,不可有婚前性行為,卻於本案中遭人強姦。最後,陪審團5比2認為強姦不成立。…..到底有無強姦我地就唔知,但女事主話自己係基督徒唔會發生婚前性行為。基督教同婚前性行為,我覺得值得討論。 「你地拍左拖咁耐都無性行為?」「我地係基督徒,咪無囉」呢啲對話好common。 古時,不論邊一個種族,只要一踏入適婚年齡,大慨十幾歲,就會好快結婚。 而一個人大概亦都係咁上年紀就踏入青春期開始有性欲。咁都幾易忍呀。可能等一兩年就結婚。 但宜家要結婚,唔好話廿五歲,你三十歲結都分分鐘有人話你早,甚至好多人近四十先勉強去結婚,因為想趕停經前生小朋友。但係咁,由十一二歲,青春期開始,有性欲,痕啦,「唔得,唔可以婚前性行為。」「BB呀,唔好意思,我要去自慰先啦。」到你儲夠經濟條件,結婚了,有第一次既性行為。性欲一直係未完全解決,而長期抑壓住。 由等一兩年演變到等十幾廿年,服從原教旨嘅信徒長期性抑壓,亦都好少接觸性。到某個年紀,可以結婚,但已經缺乏年少具有嘅體力,即使可以發生性行為,過往既性抑壓亦不會完全消失。十幾年既性欲累積起來,但一直未被解決,而同時現代人越來越晚婚,信徒面對自己性抑壓的問題,亦不知如何入手。以佢地既睇法,早啲結婚就會少啲性抑壓。但係喺現今社會可唔可行呢? 撰:小甜 IT 狗 新聞來源:男師涉姦案 事主否認表現主動豪放 http://www.singpao.com.hk/index.php?fi=news1&id=51051

Read more

[學術台] 進擊的精子:同女友浸浴會不會有BB?

話說近日係cosplay界有幅whatsapp cap圖就話有個男仔環保地將個套用完一邊用另一邊,令女方懷孕。關於用套呢樣野,涼子同其他writers都講到出牙血,唔講啦。重點係,原來好多人唔知勇猛既「孝子賢孫」—精子可以生存幾耐,以前中學書本話係空氣底下幾分鐘會瓜哂,係真唔係?咁涼子就會係以下落黎介紹下呀精既存活條件!

Read more

要是福山雅治就不算性騷擾: 你的樣子如何,你的下場也必如何?!

  近日係日本有個熱爆議題,就係話用對眼望住女性(掃視?凝視?)/用物件掂到個女性而令對方感到不安既就會構成性騷擾。然而,日本有個女律師就話如果有福山雅治咁既級數既男性做以上既野就無問題,咁…點為止性騷擾?係咪用樣黎定義?咁唔怕性別歧視?我地點保護自己先好?   香港點定義性騷擾? 跟據香港大學法律系既網頁就解釋左性騷擾(Sexual Harassment)係香港既定義: 「如任何人作出不受歡迎並涉及性的行為,而這些行為具冒犯性、侮辱性及威嚇性的,便會構成性騷擾,當中包括作出不受歡而從性方面獲取好處的要求。性騷擾者可能要承擔法律責任,並且可能要向受害者作出賠償。 根據《性別歧視條例》第2(5)條和第2(8)條,任何人向一名男士或女士作出性騷擾行為,均屬違法,而有關性騷擾的條文亦適用於同性關係。舉例,如一名男士性騷擾其他男性,或一名女士性騷擾其他女性,兩者皆可被控告。 性騷擾可以直接或間接地透過身體動作或語言去進行,以下是部分例子: 不受歡迎的身體接觸(例如擁抱、親吻或觸摸); 盯著看或擠眉弄眼; 摩擦別人的身體; 不斷追問別人的私生活; 做出使人反感並涉及性的手勢。 性騷擾亦包括作出不受歡迎並涉及性的行徑,以營造一個在性方面具敵意或具威嚇性的工作環境,例如: 說出與性有關的言論或笑話; 展示與性有關的不雅圖片或海報; 對別人的性別作出侮辱或嘲笑; 挑引性地吹口哨。」 來源:http://www.clic.org.hk/tc/topics/antiDiscrimination/sex_discrimination/q4.shtml

Read more

[長文] 18+ Central 被家長投訴 民智大倒退?

最近鬧得滿城風雨既話題,莫過於「有家長投訴成人展」、「市民投訴成人台AV太真實」。「家長」/「市民」點黎,大家無從得知。但最起碼,我地可以分析下到底點解變成咁,有個反面教材,提高自己學術修養,唔好變成世界笑話嘛。   成人展由來 講成人展之前,係香港其實歷史耐少少既當然係成人台(唔計紙媒),而成人台賣咩野,唔洗講都知有咩睇,做得收費台,每家電視台都會提供一系列既保安系統,例如lock 台password,只限比左錢果位人士知黎開返節目睇,防止返屋企18歲以下既人士/唔想睇既人士誤開。當然,撞中密碼開得到,與人無關,可能想睇掛。   而成人展原先就係美國/日本等有成人電影業/產品既大國主力發展既,由2004年起,成人展到上海開展,講既唔止係色情野、商業野,係有相關既成人保健教育,例如點樣/點解用套、疾病防治、健康展覽/講座等,主力係為推廣性健康,減低由性感染疾病既數目(當然,中國咁大,要做有排做),一路都好成功。之後2014年後就去左澳門,做既都係相關主題,反應都好好,所以展覽商話因為聽到香港人有好多都唔想成日咁辛苦過大海睇,於是就黎左香港搞,順手試水溫。但點解到左香港,仲要只係第一次搞公眾展覽,就樣已經搞成咁呢? 法例不合時宜? 涼子唔係律師,無辦法好專業咁分析,純粹拎出可以投訴得入既法例黎睇。 先睇睇香港法例第390章 《淫褻及不雅物品管制條例》其中一條講拎牌展示色情野的條款: 「23. 禁止展示不雅事物 (1) 凡有公開展示的不雅事物,則作該項展示的人,或任何導致或准許作該項展示的人,不論是否知道該事物是不雅事物,均屬犯罪,首次定罪,可處罰款$400,000及監禁12個月,第二次或其後定罪,可處罰款$800,000及監禁12個月。 (由1995年第73號第7條修訂) (2) 本條不適用於 —— (a)

Read more

有白色液體在我裙子上,會唔會有BB?

擔心的sis:前2天與同男友親吻,他摸了乳房,我地2個有穿衣服,一直都有穿。壓在身上我發現他好像硬了。然後我地站起來,他說要解決,結果他打飛機。我不知道他有冇射了,可是有一點點白色的液體在我的裙子側面表面上。我衣服沒有脫,內褲也沒有脫,只是我有濕了,但沒有脫。我應該昨天來月經,可是到現在也沒有,我很怕懷孕了。可以告訴我這樣是懷孕了嗎? 原文:http://www.beautyexchange.com.hk/forum.php?mod=viewthread&tid=760127   涼子:首先,雙方既性器官無任何接觸之下(性行為),而且雙方既體液無接觸有BB既機會率係近乎無可能的。衣服(裙)有體液,女方內褲濕,中間大有距離(好多層衣物纖維),係衣服都吸收哂男方比精子游水既精液,游唔到去女性下體呢!只要唔經任何既意外令雙方體液互相係陰道口接觸到,係好難會有BB的。   其次,一直擔心有無BB係一種無形既壓力。月經有時好衰,你愈想佢黎佢就唔黎比你睇,原因身體係睇排卵期做人既。排卵本應就係為懷孕作好準備,當生活有壓力既時候,身體係會知咁既生理同心理質素對BB係有害,佢就會自動自覺唔比你有卵出,從而有唔到BB。呢一點,好多想有BB既夫婦都會理解,係香港搞極都無,個個變哂心急人上,但一去下旅行就兩人去三人返,都只因為壓力嘛,所以點解有咁多夫婦渡完個蜜月就中左獎。唔排卵,無卵子既死亡,啫係無由卵泡分泌既黃體,黃體唔死,M血前身既子宮內膜無甩,由頭到尾無任何野提示身體要黎M,咁姊妹妳黎唔出M亦係正常。然而再提提妳呢個case係精子同卵子係從來都無接觸過,即使好不幸果一刻處於排卵期,都會因為無體液上同性器官既接觸/插入,而唔能夠有BB。   涼子要提醒,月經唔一定100%準,生理同心理係最影響月經既間距長短,呢度有個台灣婦產科醫生寫既網頁,講左好多唔黎M原因,同基本既性知識,可作為參考:http://www.obsgyn.net/cgi-bin/newinfo/showquestion.asp?fldAuto=1601&fname=%B0%FC%AC%EC&furl=26   當然,如果真係依然好擔心,可以買驗孕棒去驗/去睇醫生,但如無意外,應該超過90%係無BB,既然如此,咁點解唔好好放鬆心情去排個真正既卵,迎接月經呢?學多D性知識,多D了解下自己既身體,留意下每次月經長短,好快就會知自己月經既習性到底係點,以及係可以及早發現一D婦科既疾病! 如果依然覺得安已不,又覺得好擔憂,歡迎比個message比我地,小編們會盡快解答大家既難題!https://elife-edu.org/易生活發問性愛qna/ 多點上Elife,學多D唔同既性知識,學下唔同既避孕方法,呢度有唔同既野係學校無教架! 撰:毒菇涼子

Read more

讀者回覆 – 女仔睇AV DIY是否正常?

讀者 #css5456 有冇女人中意睇av 自慰?女人成日睇av係咪唔正常? 但我性取向正常..   涼子:利申涼子係有睇開AV,GV間唔時都會睇(肌肉美男大愛)!有咩問題?

Read more