同女朋友一齊去旅行,係咪代表可以hav sex?

各位新年快樂~涼子既「第一次」回覆將會送比呢兩位朋友仔! 讀者 #css5467 “同女朋友一齊去旅行,係咪代表可以hav sex?咁我係咪應該帶定condom去?點先知佢嘅意願?好驚佢reject我之後會好尷尬。 利申 青頭仔”   涼子:你識咁問涼子好欣賞,證明你係一個負責任既男人。女仔呢,想要既時候可以如狼似虎,但要睇男仔有幾多關心幾多愛比佢感受到。首先要問下自己,同女朋友拍左拖幾耐呢?大家清唔清楚呢場戀愛係想要咩結果呢?女仔其實都幾討厭無目標既愛情,唔係為錢,唔係為咩,而係驚交出身心比人趙完鬆。(當然男仔都會驚架)   若果要搞,套套一定要帶定去啦,咁想搞果日,不妨整多D驚喜,出少少創意令到個氣氛好浪漫,香薰呀lotion呀可以準備比女仔,香香滑滑會令佢地自信心滿滿。(拿鼻敏感既要了解左人地有咩唔用得先)(呢D只係例子,因為佢鍾意咩只有你自知)   重點黎喇,想就要講,直接講!女仔係心情好好又自覺浪漫又幸福呢,點都易少少傾,當然你要show到對佢負責任呀唔係玩呀果D,佢唔放心又點做呢?If ok, let’s get wet啦!接觸呀妹前係佢面前戴套套,幾man呀!   Touchwood,如果佢reject你唔好嬲嬲豬,始終sex唔係出完火就無責任既,對佢坦白感受,亦表示明白佢會有顧忌,OK既,成世人留留長呢D野慢慢黎啦~ 撰:毒菇涼子

Read more

我係趙sir, 上次終於約到 Ms Li 打邊爐, 然後…

有人話: 「大學畢業前要快啲出pool,如果出到黎做野就無咁易。」結果,我讀完個理科Degree出黎,都仲係一條單身狗,Status 都係A0。 啱啱畢業,見做老師多假又人工好,就做左個老師,教數學同IT,D老師同學生都叫我做趙Sir。但其實我知道我仲有個朵叫肥佬趙,無辦法,過往寒窗苦讀,疏於運動係咁。 做老師,唔係咁易架,葉師傅。成日俾學校捽成績,之後我又要捽學生,時不時又俾啲怪獸家長SM。我番工又好早7點到學校,但收工又6點7點,11點要訓。咩Tinder ,Coffee meets bagel,哪有時間? 俗語有語,邊度食唔好邊度痾。但係當大部分女老師都幾廿歲,學校有個同我年紀差唔多,樣又正,幾有氣質既女老師。見大家都困係呢間學校,學校又無競爭對手,機會嚟喇飛雲。 不過,Frd子教落,溝女切忌太𤠣擒。我鼓起勇氣約佢食飯。 我:Ms Li,後日不如收工去食餐飯。 Ms Li:  唔好意思呀,我呢排屋企要大掃除,要番屋企幫手執野 就咁拒絕完,好一段時間無下文。我都知我唔掂架啦。 阿文:最近無再聽你講Miss Li。 我: 無啦,約餐飯都俾人拒絕。

Read more

【AV Q&A】AV女優有銀用?行情探究(二)

上回講到拍AV嘅片酬,好似唔錯咁,但係AV行業因爲網上免費鹹片流通而大大萎縮,主要市場基本上只係剩返仍然買碟嘅大叔,而呢個市場又明顯會越嚟越細,片商掙扎求存,爲咗減省製作費,都會偷工減料,以減少「本番」(打真軍)次數嚟同女優講價,片酬可能大降一半,甚至得返三幾萬。更加唔好講,呢種供過於求嘅市道之下,女優根本就唔係日日有工開。最近有一篇社會學文章提到,「日本社會恐怕將迎向,人類史上首次年輕女性想出賣肉體卻賣不出去的時代」,我好相信AV業正正就係見證緊呢個時代。 上次講緊嘅日本AV產業系列文章,都提到一啲女優嘅生活慘況。由於片酬越嚟越少,而且多達50-70%要分畀事務所、經理人,竟然有業界排名前15%嘅企劃單體女優要喺「貧窮極限」生活,以15至20萬日圓(約10,600至14,100港元)、幾乎同兼職看護睇齊嘅月入,竭力維持外表同尊嚴,每個月用五六萬日圓(約3,500至4,200港元)置裝(只係二手衫)、做頭髮、整指甲,但就要住冇浴室嘅爛屋,停水停電停電話不特止,連飯都食唔起。呢個月入數字,換算成年收入就係200萬日圓(約14萬港元)左右,但睇返資料,做寫字樓清潔,平均年薪都有234.7萬(約16.6萬港元),收銀就唔夠250萬(約17.6萬港元),咁其實做個正正常常、唔算大紅大紫嘅AV女優,都唔係好好搵㗎咋喎。我哋成日鍾意話日本AV從業員唔係好受歧視,好似其他明星咁可以大搖大擺出街,但講到尾,賺錢都係最緊要。AV業全盛時期嘅風光不再,大家睇到嘅富貴榮華、fan屎滿堂,都只係最紅最紅嗰幾個survivor嘅表象,其他喺裸海載浮載沉嗰幾千人,有啲其實可能苦過dee dee,你都咪話唔慘。 文:一起拉丁舞   【日本AV產業崩壞】海外「無碼片」流竄 女優收入少全盛期85%(https://www.mirrormedia.mg/story/20171020int002/) 王向華、邱愷欣《日本AV女優:女性的物化與默化》 【日本AV產業崩壞】住沒浴室的破公寓 女優貧困超乎想像(https://www.mirrormedia.mg/story/20171020int001/) 日本社會恐怕將迎向,人類史上首次年輕女性想出賣肉體卻賣不出去的時代(https://www.thenewslens.com/article/84123) Average Annual Salary by Occupation, in Japan, 2014(http://nbakki.hatenablog.com/entry/Annual_Salary_by_Occupation)

Read more

#Metoo ,但是有誰不被包括在內?•一

如果大家有留意外國的性平權運動,應該會知道早前在外國有一個鼓勵被性侵犯者公開自己的經歷的#Metoo 運動,讓Queen 大約整理一下整件事的脈絡。根據香港01的報導(*1),事件的最初是女星Ashley Judd 公開指控著名製作人Harvey Weinstein 對她進行性侵犯,然後多位一線女星,包括Angelina Jolie 也對其進行指控,在愈來愈多人指控下,Harvey Weinstein 隨即身敗名裂。十月十五日,女演員Alyssa Milano以#metoo 號召所有女性發聲,並得到其他女星的支持,連一般人也受號召而在社交平台而#metoo 發文,表示自己也曾是性暴力受害者,或公開自己受性暴力的經驗。兩日間,在twitter 出此標籤50萬次,facebook 有60萬人使用此標籤。因此浪潮被指控曾施性暴力而倒下的高地位者不只Harvey Weinstein ,還有《紙牌屋》男星奇雲史柏西,英國國防大臣房應麟。 對女性平權來說,這是大衛戰勝巨人歌利亞式的勝利;一些本來不可能被擊倒,(有可能)犯過性暴力的巨人,因為很多很多平凡但勇敢的女生製造出來的浪潮而倒下。但,Queen 作為少數中的少數,必須指出:

Read more

拜年親戚 煩膠問題 標準答案

筆者好明白,各位巴絲打對於新年又愛又恨:愛,係你有利是收,恨,係你要賣笑。上年年初,上海彩虹室內合唱團出左一首歌叫《春節自救指南》,將內地返老家拜年嘅對話創作成歌,仲要由合唱團唱出,真係應到入心入肺。今日筆者就住熱問煩膠問題,足一教你擊破!吼! 幾時帶多個人返來拜年呀? 呢條問題就等同於拍拖未?有對象未?結婚未?如果你係有伴侶,不過未ready見家長,你可以答「快架啦,快架啦,到結婚人個日你就見到佢架啦。」呢個答案俾長輩覺得有禮貌又有計劃,俾人覺得你拍拖係以結婚為前題,但你諗真少少:超!到結婚個日一定請長輩,你咪實見到囉!到時同邊個結婚,你鬼知咩!不過如果你係單身,你就可以話:有呀有呀,不過佢未出世喎!然後即刻轉話題,咁佢就唔明你個似明非明嘅邏輯——我係單身呀仲問。 返緊咩工呀?打算幾時買樓呀? 呢個問題老是常出現,每年見到都問一次,係因為你d親戚都係一年見你一次,成日見個堆就自然唔會問。一年先問得一次,唔通佢真係擔心你前途咩?問你錢途喳!來來去去咪又係想知你賺幾多錢,返到屋企可以同三姑六婆一齊笑7你!筆者就認為,與其俾花生人地食,不如食人地花生。你可以答:今年經濟好似多波動喎!再講,啱啱個市大跌,邊個仲入市就真係水魚啦……下,呀邊個啱啱買咗,留返結婚用?Oh Sorry真係唔好意思啦,我真係恭喜佢,祝佢好運。哈哈哈。 幾時結婚呀?做咩唔生仔呀? 呢個時候,仲唔係你表演歌喉嘅時候!?「姨媽姑姐!我最近聽到首拜年歌,好新潮架!想唔想聽?」跟住,你仲唔播《春節自救指南》,然後到rap個段,就一齊唱: 「我應該 畢業一個月內 就任總裁 閃電相親立馬結婚生小孩最好是 龍鳳胎」 其實邊有親戚想聽你唱歌呀!筆者都係想提供多幾個輕鬆又搞笑嘅答案大家參考下,到時臨場發揮,就睇你啦!祝大家新年快樂,狗年進步,做個開心的單身/失身/雙身狗! 來源:春節自救指南 撰文: 男校女主筆

Read more

來到情人節,大既…總帶著愛~套套<3

一年之計在於春,但今年農曆新年之前有一個好重要既節日–情人節!單身狗既你/妳,又或者有伴既你/妳,有樣野不得不提既就係點樣用安全套!你知啦,節日氣氛咁濃厚,兩人獨處一室,飲杯茶,睇下片…而且女仔一定打扮得好好睇睇(某D內衣牌子的情人節Design 涼子覺得好GJ!想著比涼子家腦公仔睇),男仔喎,一定有套套要跟身既… 話說涼子經常收到年輕人既來信,就話戴左兩個套好辛苦,啜住左條丁拉唔到出黎,搞到變左拉長套套彈丁丁;又或者係吱唔到套套D空氣出黎,丁丁頭有氣泡,好似丁仔嘔氣咁… 以下係真人真事,切勿以身試法! 套套點樣用? 反轉套套無分年紀,係教育年輕人定係成年人既時候都會出既笑點黎。其實學校做demo又真係無咩點比學生玩過,所以到大個左做左人地父母都可以唔識用。有Client 同涼子講套套好難分前後,於是是但求其戴上細佬度就黎料。就係咁既時候為時已晚,一起身,就咁跌左出黎… 其實套套既面(接觸女仔陰道果面)係有潤滑油既,方便做運動,而且套套粒野會突出黎話你知;唔滑果面係接觸丁丁,為左令套套可以好安全咁擁抱住溫暖既小丁而唔會跌出黎。用套套既時候記得剪手甲,因為套套薄,易穿,能力只局限忍受活塞運動。有樣野一定要記住,要將套套內空氣排出,如果唔係真係會穿/爆(米青同空氣會爭位!)。記住完事要立即除套,丁仔會攰,會細返,漏左就真係要救命。如果巴打咁好力水再戰多三百回合,(前又好後又好口又好啦)記得每完一次換新套,用過既套唔可能再接受強而有力既衝擊。 同埋套套係有分size既,當然唔同牌子都細分好多種,視乎長度同圓周。粗幼長粗係天生既,過鬆/過緊既套套都會影響感覺/避孕機會,所以正視自己條丁,有D野扮唔到架。 重點,唔該唔好戴兩個套套,唔止穿咁簡單,條丁套得太緊會缺血呀!!!!!! 女仔都有套套可以用,但係相比起男仔用,會難D同埋唔太建議,因為難入同埋易戴得唔好,手甲長D都會吉穿。如果爛左係入面,仲麻煩,要去醫院/婦科診所度夾返出黎。陰部清潔得唔好,又會將表面細菌帶入陰道同子宮。最重要係,處女係戴唔到套。所以,避孕係雙向既,大家都有責任,都要識保護自己。 呢度就有個網教人點用(男用套套,文字版): http://www.rrc.gov.hk/safer_sex/chinese/g_steps.htm 片係女用既套套(得英文版):https://www.youtube.com/watch?v=VlGzZZvml6s 環保套套 涼子要同各位講:唔好咁環保(用套套)!就當套套係醫療野,「一次性」既!有朋友同涼子講(都市傳說?)大陸有人執D用過既套,洗乾淨,換過條橡筋再收好個套當新既用…… 第一點,如果套係自己用當然唔會話怕有性病啦(因為污糟而皮膚病另計),但問題係接觸過丁丁同妹妹一定有分泌啦,套套呢就乳膠做既,表面唔平滑,所以點洗都唔會乾淨到。 第二點,套套一但經過拉扯同埋運動,已經係翻唔到轉頭,做完一定要換,如果唔係就會「爸爸唔好唔要我」。 套套的收納方法 好多人都將拆左盒既套套放係銀包、袋(多係褲袋)等等不同位置。但又有幾多巴絲發覺到套套唔襟擺呢?套套怕熱,個包袋袋好易殘,涼子都唔想巴打拎出黎既時候又如何不失霸氣。所以,放套套係陰涼位,櫃筒呀,搵個靚既盒放好就最好喇。

Read more

情人節小貼士:多啲讚你伴侶呀!

早前筆者係面書見到一個驚為天人嘅截圖,係指出做愛時候要不斷感謝神,讚美神嘅恩典,做愛前後都要祈禱,冇信仰嘅話就可以感謝天地創造……筆者睇到頭都側埋。與其感謝上主,不如感謝下你嘅伴侶,個body keep得咁索咁正,令你慾火焚身啦!情人節又就快來,筆者醒幾個溫馨提示俾你,換個角度引誘佢!         「你真係好sexy」 唔好誤會,sexy唔係話佢著得好少布,或者好大隻,反而佢當你地係床上玉帛相見,除晒衫嘅時候都仲係好sexy,咁你就可以順勢讚佢好靚好sexy。尤其係女朋友,對於佢地來講sexy係種韻味,而唔只係外表!         「你皮膚好滑」 通常男女朋友係大時大節都要盛裝打扮自己,由內到外都要預備好。雖然呢個讚未必人人用到,但你咁講,即係代表你有俾心機留意你嘅伴侶,欣賞佢嘅付出,特別係床上面,雖然你地已經準備水乳交融,但你讚一讚,佢即刻開心幾倍,特別係女人,真係好受呢一套架!         「你今晚好特別」 「咁即係你話我平時唔特別姐(嬲)」當然唔係啦。其實呢句讚美同第二個貼士一樣,就係欣賞佢。特別,唔係指特別靚,特別索,係因為佢係你伴侶,所以佢就係特別個個。   正所謂語言就係藝術。其實讚美嘅說話邊個嫌多?耶L們有佢地需要讚美嘅對象,而你嘅對象,咪就係同你做愛個個囉!筆者祝你情人節快樂!   來源:性可以很神聖   文:男校女主筆  

Read more

除左要灌腸,你仲知唔知要做咩?

講起後庭,大部分人都覺得只係男同性戀者先會做嘅野,但其實根據非官方統計,唔少男女都有呢個喜好架!不過你知唔知爆菊前除左要濰腸,仲有咩要做? 正所謂「一日之計在於晨」,想向後庭進攻,你就要由一起身開始預備。首先你要好努力咁盡量係早上就排晒便,冇錯,係所有。好多人唔記得左菊花除左可以插,亦都係用來排便的。所以由第一餐開始,就唔可以食太多野,唔好食滑腸胃嘅食物。 唔少有經驗嘅受方人士,佢地嘅午餐都係流質食物,或者只係飲liquid food,目的都係令自己唔好有「便意」。晚餐?你唔係覺得仲有得食呀!以為咁就可以「無障礙」啪啪啪?NO! 最後一個step就係灌腸!但呢個亦係最難捉摸嘅step – 幾時灌呢? 如果你上到佢屋企,一係一來就即刻沖涼,如果唔係,睇睇下電視,就開始錫……到面紅耳赤嘅時候,你突然講一句:唔好意思,我未灌腸!好啦,灌好晒腸,準備來料,點知呢個時候你控制唔到肌肉,忍唔住放左個屁……或者你可以考慮今晚休息下。 其實有幾多人為左入後面嘅一時快感,真係會起身個刻就預備?如果啪啪啪真係咁理性,全人類就應該時時刻刻都帶套係身,以防萬一啦!所以筆者都係提醒各位巴絲打,如果真係想試,唔該個幾日唔好打邊爐,唔好鋸扒,食多幾餐素,咁你應該可以出入平安啦! 文:男校女主筆

Read more

[有樓有高潮] 其實女仔所謂拜金,都只係想計劃生育姐……

新年前後,筆者嘅面書上幾乎日日都有朋友求婚成功嘅post,或者係婚紗相,我忍唔住諗:佢地結左婚住邊呢? 香港樓貴就係人都知,不過筆者嘅朋友大部份都唔係工作左好耐,除非一年365日,唔玩唔出街唔食,佢地應該都未儲夠錢俾首期。租?又唔捱得幾耐。最後方法,就係同其中一方父母住住先,儲夠錢先搬出去。問題來啦:萬一同對方父母火星撞地球,我咪GG? 婆媳、爺夫糾紛就不在話下,日常生活習慣唔夾,食完飯要唔要即時洗碗,都可以嗌交。如果係奉子成婚呢?可能淨係個B 要點樣湊,俾邊個湊,都已經可以第三四五六次世界大戰!正所謂手心又係肉,手背又係肉,除非你有父幹,即時上車,如果唔係,筆者真係想像唔到新婚之後會有幾幸福。 想有樓就先要有錢,要有錢就先要入搵到錢嘅行業,要入到行就首先要努力過人……其實香港女仔成日俾人話拜金,眼角高又要求多多,有樓先有高潮,佢地都係想到第時結左婚,有兩口子嘅私人空間,慢慢組織下小家庭姐。如果係結婚前呢堆問題都未解決,筆者真係奉勸你,停一停,諗一諗,唔好衝動,搞到家變。 文:男校女主筆

Read more

【AV Q&A】拍咸片搵快錢?行情探究(一)

AV Q&A 一直都係我哋嘅重點主題,所以小妹遇到同色情電影行業有關嘅文章都絕對唔會放過。我最近就見到幾篇以「AV產業崩壞」爲主題嘅文章,又睇緊一本實地研究日本AV女優嘅社會科學文集,可以幫大家總結下近年女優界嘅行情。 要知道女優賺幾多錢,首先要知道女優嘅分類 —— 「單體」、「企劃單體」同「企劃」女優,簡單嚟講,以上正好係以片酬遞減排序。 – 單體女優通常特別樣靚身材正,專屬特定片商,以偶像手法包裝,獨立演出齋賣色相、唔使劇情嘅AV,演出費可以過百萬日圓(即超過七萬港元),一啲由藝人轉爲AV女優嘅靚女,更曾經以千萬片酬製造話題。 – 企劃單體女優冇同特定片商簽約,可以接拍任何片商嘅AV。呢啲女優雖然都靚,但通常未去到偶像級,所以需要加入唔同AV主題或劇情去吸引觀眾。佢哋一日酬勞係 25至40萬日圓(約1.7至2.8萬港元),片商好多時捉緊機會大拍特拍,薄利多銷,唔少比較知名嘅女優都係咁樣出頭。 – 企劃女優通常姿色平平,幾個一齊演出一部AV,有時唔出真名,簡單以「素人」身份出現,甚至面部打格仔演出,正常片酬係十零萬(即港幣萬幾蚊)左右。呢啲片通常着重故事構想,女優反而唔係主角。 好可惜,以上嘅金額只係理想檯面叫價,真正行情同女優慘況留待下回分解。 文:一起拉丁舞 參考資料: 【日本AV產業崩壞】海外「無碼片」流竄 女優收入少全盛期85%(https://www.mirrormedia.mg/story/20171020int002/) 王向華、邱愷欣《日本AV女優:女性的物化與默化》 【日本AV產業崩壞】住沒浴室的破公寓 女優貧困超乎想像(https://www.mirrormedia.mg/story/20171020int001/)

Read more