我係趙sir, 上次終於約到 Ms Li 打邊爐, 然後…

有人話: 「大學畢業前要快啲出pool,如果出到黎做野就無咁易。」結果,我讀完個理科Degree出黎,都仲係一條單身狗,Status 都係A0。

啱啱畢業,見做老師多假又人工好,就做左個老師,教數學同IT,D老師同學生都叫我做趙Sir。但其實我知道我仲有個朵叫肥佬趙,無辦法,過往寒窗苦讀,疏於運動係咁。

做老師,唔係咁易架,葉師傅。成日俾學校捽成績,之後我又要捽學生,時不時又俾啲怪獸家長SM。我番工又好早7點到學校,但收工又6點7點,11點要訓。咩Tinder ,Coffee meets bagel,哪有時間?

俗語有語,邊度食唔好邊度痾。但係當大部分女老師都幾廿歲,學校有個同我年紀差唔多,樣又正,幾有氣質既女老師。見大家都困係呢間學校,學校又無競爭對手,機會嚟喇飛雲。

不過,Frd子教落,溝女切忌太𤠣擒。我鼓起勇氣約佢食飯。

我:Ms Li,後日不如收工去食餐飯。

Ms Li:  唔好意思呀,我呢排屋企要大掃除,要番屋企幫手執野

就咁拒絕完,好一段時間無下文。我都知我唔掂架啦。

阿文:最近無再聽你講Miss Li。

我: 無啦,約餐飯都俾人拒絕。

阿文: 唔係呀約餐飯都Say no。佢咁易覺得人地對佢有野呀。

結果,我同完阿文喺完間隱世酒吧Happy Hour 完,我第二日都諗緊搏唔搏。

掉哪媽,頂硬上!

我:「Miss Li,我係趙Sir呀,今晚得唔得閒食餐飯?」


「打邊爐任食好嘛?九點半後入座有特價,如果妳得既,九點三喺旺角地鐵站等丫?」

「好…好呀…一…一陣見……」


咦?約到?我有啲覺得意外,機會黎啦?

撰文: 小甜 IT 狗

原文:【悲情短篇】女老師的單身剩況  輔仁媒體

One thought on “我係趙sir, 上次終於約到 Ms Li 打邊爐, 然後…

Comments are closed.