人人都想高潮,唔通人人都識高潮咩!

好多人成日問點先有性高潮,咁你知唔知自己幾時高左潮,個高潮位係邊,感覺又係點先?

唔係個個人都識分辨性高潮。性高潮係一樣好難定義嘅感覺,因為人人高潮嘅感覺,timing,全部都唔同。有啲人形容高潮好似全身打一個冷震,有啲人感受到肌肉收縮,然後突然放鬆,好似衝上太空咁。之所以叫高潮做「性快感」,係因為性高潮個下嘅感覺,除左性之外,其他情況都好難帶來一樣感覺。

而女仔就唔同男仔,醫學係好近代先「發現」女性有陰蒂,即係女性可以係冇插入式性行為情況下都可以有性快感,比起以前所有人都覺得,性高潮係要插先有,陰蒂嘅「出現」令唔少女性唔使靠人都可以食自己,又俗稱「磨豆腐」。不過唔係個個女仔都一樣,淨係磨就可以有高潮喎!唔少人嘅高潮都要配合愛撫,特別係個人感敏部位,例如頸背、大腿內側、腰部、乳頭等等,唔一定靠隻手指就可以滿足晒自己。

筆者唔係度介紹有幾多種女性自慰嘅方法,反而想提醒絲打們,你地知唔知自己個陰蒂係邊,同埋你高潮緊嘅時候,知唔知自己就係高潮緊?筆者曾經睇過一個表演,叫《陰道讀白》,其中一個故事,講述一位女士搵自己個陰蒂嘅經過,由緊張到興趣,好似發現新大陸咁,最後好開心咁享受高潮。

如果你仲未睇過自己嘅陰部,快啲搵鏡照下,認識下自己啦!

文:男校女主筆