進擊の大姨媽之:男友想衝紅燈?

肉食男友:

涼子,我睇左你之前有個post講女仔經期前後都好大食,我聽到之後好開心,諗住同女友係經期果段時間嘿嘿嘿,唔會有bb又唔洗用套嘛,點知佢嬲左。乜唔係女仔會大食咩?細佬我表示理解唔到。
涼子:涼子都唔知話你心急好定係點…..某程度上係自找…….要知道女仔係經期時間身體好差,日日流咁多血,又痛又攰,仲點同你搞?
記住重點,係女仔月經前後都想搞既原因前者係因為子宮充血,準備養份比胎兒住夠10個月,而同時卵子成熟,等待精子來臨而受精;後者係因為月經後身體再次準備新週期,體內女性荷爾蒙又改變,令到身體有需求。
月經期間,係的確絕對唔會有BB,但係呢段時間性行為,除左好多血搞到好污糟之外,亦會增加女仔有陰道炎/尿道炎既機會,有D女仔因為月經既時間伴隨經痛,因為男方既性刺激而引起強烈子宮收縮,係變左劇痛,仲會因為收縮而增大左經血流量,容易變成血崩。因為一時快感搞到伴侶咁,真係唔知講咩好!點解唔等月經尾聲乾淨左先呢?
雖然,唔用套用自然方式避孕的確係可以既,但如果唔識睇女性體液狀況係一定1000%唔會準。其實自然避孕法某程度上都令女性知道幾時會易有BB既,係上一篇進擊の大姨媽涼子曾經講過,學識記錄月經週期,就會知道月經週期間距有幾長, 但唔係一時三刻既事, 要好似做研究咁記錄一段時間先會見到個月經習慣;早排亦出過文,當中講發過女性分泌物,如果係滑既拉到絲既時候搞野就一定會中招;但男仔唔好話人唔夠水,就係因為唔夠水先代表不孕期。都係果句, 自然避孕法係要男女雙方自己出去報課程學,呢個方法香港現今醫護人員都未必個個會識/拿捏得準,咁樣仲博得過唔用套?要開心係要付出既。
性行為除左你情我願,都要雙方互相尊重,姨媽到流咁多血都仲生存到,呢種生物叫女人。

 

撰:毒菇涼子