扑嘢工具人的留言信箱︰會噴水才是常識?(上)

我係一個做性教育,但係又好憎社工口吻嘅同志。
由於我做得依行幾年,朋友扑嘢有咩困難都唔知點解要搵我,
我名正言順係一個「扑嘢工具人」。

依排我識咗個女仔朋友,可能隔離得太悶啦。
佢同男朋友好想試下肛交,所以事前問咗我超多問題。
其實我真係好樂意回答佢所有問題,但佢哋幾乎激死我。
(BTW 識咗唔係好耐,咁樣講好似好衰咁)

是咁的,前幾日凌晨2點,朕我啱啱瞓著咗,突然電話一響就見到個女仔打電話嚟。
佢第一次打嚟就問:「點解我男朋友搵唔到我個窿?」
我心諗WLTF,你想我點幫你啊小姐,開個google map 定位俾你好冇

仁慈嘅我梗係答:「你個屁屁唔會失蹤嘅。你夾得太實都可能搵唔到喎~
你試下抬高隻腳,放上佢膊頭,俾佢用手由你個閪,摸落去個屁屁到。」
當時佢慌張地回應我,我即刻問佢發生咩事。
原來佢同男朋友搞到入戲肉個陣,好驚自己會噴屎。
成個人都好緊張,即刻沖入廁所打電話俾我求救。
然後佢就九秒九收咗我收線去扑嘢。
個刻我好想應佢,「唔見到你平時踩單車驚會噴屎喎~」

夜媽媽2點鐘俾你搞醒我,勢估唔到仲要俾你搞多我一次。
凌晨3點幾,佢再打電話嚟。今次我真係好燥。
「喂~點解我個窿唔識噴水嘅?我明明落咗KY啦喎」
我明明提咗佢十萬千次,個隻KY係醫藥用嘅,唔係俾你扑嘢用㗎!
叫佢正正經經去性玩具店買水性潤滑液,個男朋友怕醜唔肯去。
激撚到我扯曬…..火,我已經教過曬,唔識都算啦!
你居然3點鐘幾走嚟問我,點解你唔識噴水?
屎眼唔suppose 識噴水,你係咪想噴屎水啊?
為咗維護我專業形象,我忍住道火再教一次。
結果,第二日就好笑啦~

今次到佢男朋友打俾我,佢哋打算去咗家計會。
佢哋話琴晚落唔夠KY,結果個安全套穿咗……