[拍拖] 平安夜冇啪啪啪,是否正常?

如果你搵到一個人,做愛嘅時候令你好舒服,每次做完都好開心,無論咩姿勢方法你都好滿足,令你無時無刻都想親密,而佢又識得好好配合,性生活開心到以為去左天堂,咁筆者真係恭喜你。不過如果你伴侶想晚晚都要,但你想只係想搵周公呢?

如果你同佢只係啱啱開始,只係磨合期,筆者鼓勵你,應該好好同佢坦白傾下,可能係兩個人嘅期望唔同,以後唔使尷尷尬尬。但如果你已經佢同一齊左好耐,咁點開口好呢?

首先,你要睇下佢係唔係因為發生左咩事,所以比平時活躍/冷淡。香港人工作壓力大,成日加班,遇著變態老闆,放左工可能只係想靜下,抖下。如果唔係外在原因,筆者建議你,為著自己性生活健康著想,你要好好考慮下應該點做。就好似近日有篇台灣新聞,老公話老婆「是水瓶座,不需要性生活」,而婚後長期係內地工作,一年入面得兩個幾月時間係台灣屋企,搞到聚少離多,結婚近15年僅只係啪左5次,搞到要上法院申請離婚。

一段關係應該係雙向,唔係樣樣野都要向你嘅伴侶妥協。你都有權決定應唔應該,或者係點樣,去持續段關係。就正如,你伴侶夜晚打鼾好嘈好大聲,你會唔會唔同佢講,搞到自己晚晚都瞓唔到?性關係都係一樣。

好多人以為性生活係一段關係中唔係最緊要,少年你太年輕。當雙方期望唔一致,就會做成拉鋸,兩邊都好似得唔到合理回報一樣。倒不如攤出來傾,起碼唔洗好似對台灣夫婦咁,搞到上法庭。

唔知點同伴侶開口講你嘅諗法?留言話俾我地知,等我地一齊幫你諗!

撰文:男校女主筆

Leave a Reply

Your email address will not be published. Required fields are marked *