學術台:吞精算唔算食素?素食小編和肉食小編的思辯

[生物學] 究竟素食者,可唔可以吞精?好多人一直糾結於男性分泌物之一既精子(+精液)到底係屬於肉食定素食,其實,大家睇太多愛情動作片啦,以下就係係生物學角度黎分析一下精子係咩一回事。

Read more

基督徒與婚前性行為

早前有單強姦案。一位幼稚園女教師,三年前同友人去卡啦OK聯誼,之後被一個同為教師嘅男人帶返屋企,奪去初夜。女事主庭上表示,自2008年已受浸成為基督徒,跟住一直忠於信仰,謹守聖經教誨,不可有婚前性行為,卻於本案中遭人強姦。最後,陪審團5比2認為強姦不成立。…..到底有無強姦我地就唔知,但女事主話自己係基督徒唔會發生婚前性行為。基督教同婚前性行為,我覺得值得討論。 「你地拍左拖咁耐都無性行為?」「我地係基督徒,咪無囉」呢啲對話好common。 古時,不論邊一個種族,只要一踏入適婚年齡,大慨十幾歲,就會好快結婚。 而一個人大概亦都係咁上年紀就踏入青春期開始有性欲。咁都幾易忍呀。可能等一兩年就結婚。 但宜家要結婚,唔好話廿五歲,你三十歲結都分分鐘有人話你早,甚至好多人近四十先勉強去結婚,因為想趕停經前生小朋友。但係咁,由十一二歲,青春期開始,有性欲,痕啦,「唔得,唔可以婚前性行為。」「BB呀,唔好意思,我要去自慰先啦。」到你儲夠經濟條件,結婚了,有第一次既性行為。性欲一直係未完全解決,而長期抑壓住。 由等一兩年演變到等十幾廿年,服從原教旨嘅信徒長期性抑壓,亦都好少接觸性。到某個年紀,可以結婚,但已經缺乏年少具有嘅體力,即使可以發生性行為,過往既性抑壓亦不會完全消失。十幾年既性欲累積起來,但一直未被解決,而同時現代人越來越晚婚,信徒面對自己性抑壓的問題,亦不知如何入手。以佢地既睇法,早啲結婚就會少啲性抑壓。但係喺現今社會可唔可行呢? 撰:小甜 IT 狗 新聞來源:男師涉姦案 事主否認表現主動豪放 http://www.singpao.com.hk/index.php?fi=news1&id=51051

Read more

《三難2》第二集:裡人格覺醒

那一夜,沒有發生理應發生的事,俊洗澡後如常抱著我睡著。 第二天,學校cafe 我把昨晚的經歷向閨密們交代著… 「嚇得我噴水,想不到你如此大膽,你才是真正的綠茶婊!」Marine向我說。 「袋著它,看他的樣子,應該不會準備這個,他沒想過要做耶!」Queen是一位很會保護自己,保護閨密的女生,她就是這樣,把一盒安全套(家庭裝嘛….lol)放在我的手袋裡。「萬一要做,沒安全套,你的人生就完蛋了,甚麼造人計劃,孩子教育,一一泡湯!」 (其實他的銀包內有幾個安全套,不過我相信他是為了我才放…看來不止呀俊,大家都很保護我呢…) 「我們不是不相信你和俊不能守身至婚後,但有些事情我想要向你交代……做女人不要太天真呀sis。」Marine喝著茶,輕輕的望著我。「其實,你知道當初為何俊會找上我幫忙去認識你,是因為他的好友正正是我的男人,跟嫂子搭線比自己亂碰更好吧….」

Read more

[學術台] 進擊的精子:同女友浸浴會不會有BB?

話說近日係cosplay界有幅whatsapp cap圖就話有個男仔環保地將個套用完一邊用另一邊,令女方懷孕。關於用套呢樣野,涼子同其他writers都講到出牙血,唔講啦。重點係,原來好多人唔知勇猛既「孝子賢孫」—精子可以生存幾耐,以前中學書本話係空氣底下幾分鐘會瓜哂,係真唔係?咁涼子就會係以下落黎介紹下呀精既存活條件!

Read more

《三難2》第一集:不吃魚的貓

我叫Ann,今年23歲,又一城市大學學生,主修英文系。很多人說我們這間大學的女生都很美(我自己完全沒感覺),特別讀英文系的女生(起碼我不是,我只是毒毒黑長直眼鏡娘),更會容易認識到好男生。 嘛,或者吧。 「Ann? 在聽嗎? 又發白日夢了,傻瓜!」男友呀俊摸摸我的頭傻笑著。 確實,別人眼中的好男生,就像呀俊一樣,同齡的陽光型少年,180 cm高,爆肌身材,五官端正之餘有一顆小酒窩,學界劍擊隊隊長,同時是港隊中的一員,對女友滿滿的溫柔,懂得「社交禮節」,對平輩長輩都有禮,即是「識做人」、「世界仔」。無他的,本身作為香港島大學學生,在同區某貴族男校畢業,只是家底和這個成功靠父幹/校幹,又有家人給的一個小單位自住,應該令好多女生投懷送抱,男生們葡萄吧。 我倆是聯校Christmas Ball認識,不過,愛情就是這樣,你不找它,他會找上你。  

Read more

《 讀書時不要做的事 》第一回

我叫家欣,是這個城市的一個普通大學生。 這所大學是在市區中的,不是頂尖的那批,相信大家也大約知道哪些大學有可能是。這裡就不指出是哪間了。 對於讀大學,我有個很期待的感覺,但不是對課程期待,而是對男同學很期待,因為我在讀大學前一直也是讀女校的,對「年輕男性」沒什麼認識。到大學,終於有男同學。而我對男性的,呃,「性」… 滿有興趣。當你人生有12年也是和其他女生相處時,你也會這樣有興趣的。 而我在大學認識的男友,剛好就是對性,非常,非常認識。 「你也許對男生的身體有相當誤會喔…」,有一次談電話,他壞笑說,「所以你認為男生只能一次射一次?才不是喔。讓我之後試給你看。」 我聽就濕了。 他從中學時就已經有性經驗了,我則不是,而是在大學認識他後,才被他「破了」,而這樣說好像很淫蕩,他到現在還是在「教育」我。 即是,在大堂和細堂中,我跟lecturers 和 tutors 在學我個programme 的事,回到宿舍,我就跟男朋友在學… 別的事。 宿舍對大部份大學生而言,應該是一個複雜而充滿誘惑的地方-那個誘惑是指對日後作為「成年人」在社會上獨立自主生活,而這個「成年人獨自主生活」,當然也包括性方面的生活。 看到這裡,比較傳統的讀者可能會鄒眉,但希望你可以正視這事實:我們的「支持」或「反對」,不會影響到年輕人會或不會對性好奇和期盼,他們在這段生命的時間就是會這樣(呃,其實上很多成熟的男生,還是會「這樣」)。我們只能做些事來令這種好奇和期盼朝健康的方向,而不會做些危險的事。 如果年輕人不「這樣」的話,大家才更需要擔心。 而我就是做了就危險的事,希望大家不要學。 總之,我跟男朋友「學」東西,有時是「親身」學,但其實這機會有限,因為在大學宿舍同房的,必然是同性,我們要找緊同房不在宿舍的時間來「親身教學」,不「親身教學」的話,我們就用電話「教學」。 基本上我們的資源緊拙程度,和本地整個大學制度聲稱的資源緊拙程度,沒有什麼分別啦。

Read more

俾耶穌帶綠帽?

早幾日有新聞報導關於教會女校用「萬年」安全套教學,生物堂上教師只係攞教學用嘅過期安全套示範,筆者表示,你有得見到個套咪算好囉,性教育呢家野真係天外有天。 筆者入男校前,係讀傳統教會女校。同樣都係教會女校,校方就搵左個牧師來講貞潔運動,鼓勵我地買貞潔指環。貞潔指環嘅意思係:因聖靈的感動與光照,願意立志重新與基督連結,作貞潔的童女等候基督。人話為:因為我信教,所以我願意嫁俾耶穌,一日未結婚,我一日都唔會做愛,絕對唔會有婚前非配偶性行為。 筆者細個聽嘅時候都覺得好神聖,部份同學認為痴X線。我宜家先明,帶上貞潔指環,即係你預備帶耶穌綠帽:你又要嫁俾耶穌,佢又同唔到你啪啪啪(神交?),但你日後又要同第二個世人結婚,係咪明玩佢先!除非你非耶穌不嫁啦。教徒肯定會話:我配偶係耶穌鍚俾我架!咁我反問:你同你伴侶講,你已經嫁左俾耶穌,為免重婚,不如唔好結婚? 「禮物理論」係教會論述入面唔係新野,一講到戀愛及性話題,啲青少年導師就會同你講:性就好似一份禮物,應該包到靚靚咁送俾人,如果提前有性行為,你就一份已經俾人拆左嘅禮物,收到個個見到已經拆左,都唔會開心啦!筆者真係諗極都唔明,送得份禮物俾人,就係想人鐘意入面份真•禮物,仲留返個包裝紙同個盒來做咩?你咪又係掉左佢?(黑人問號) 筆者仲記得個牧師嘅貞潔邏輯:如果唔想發生意外,就唔好俾自己跌入引誘;如果擁抱係引誘,就唔好擁抱;如果錫錫係引誘,就唔好錫錫;如果拖手係引誘,就唔好拖手……嗱!唔係唔俾你拍拖,不過就唔好有引誘囉! 全港一共有千幾間中小學,呢位牧師已經去左近200間教會學校傳揚佢嘅福音。筆者宜家終於都明,「老師冇性經驗點性教育」並唔係指責老師,錯唔在於老師,呢個係社會嘅錯,時代嘅錯,教育嘅錯。 來源:教會女校用「萬年」安全套教學;貞潔指環 文:男校女主筆

Read more

拜年親戚 煩膠問題 標準答案

筆者好明白,各位巴絲打對於新年又愛又恨:愛,係你有利是收,恨,係你要賣笑。上年年初,上海彩虹室內合唱團出左一首歌叫《春節自救指南》,將內地返老家拜年嘅對話創作成歌,仲要由合唱團唱出,真係應到入心入肺。今日筆者就住熱問煩膠問題,足一教你擊破!吼! 幾時帶多個人返來拜年呀? 呢條問題就等同於拍拖未?有對象未?結婚未?如果你係有伴侶,不過未ready見家長,你可以答「快架啦,快架啦,到結婚人個日你就見到佢架啦。」呢個答案俾長輩覺得有禮貌又有計劃,俾人覺得你拍拖係以結婚為前題,但你諗真少少:超!到結婚個日一定請長輩,你咪實見到囉!到時同邊個結婚,你鬼知咩!不過如果你係單身,你就可以話:有呀有呀,不過佢未出世喎!然後即刻轉話題,咁佢就唔明你個似明非明嘅邏輯——我係單身呀仲問。 返緊咩工呀?打算幾時買樓呀? 呢個問題老是常出現,每年見到都問一次,係因為你d親戚都係一年見你一次,成日見個堆就自然唔會問。一年先問得一次,唔通佢真係擔心你前途咩?問你錢途喳!來來去去咪又係想知你賺幾多錢,返到屋企可以同三姑六婆一齊笑7你!筆者就認為,與其俾花生人地食,不如食人地花生。你可以答:今年經濟好似多波動喎!再講,啱啱個市大跌,邊個仲入市就真係水魚啦……下,呀邊個啱啱買咗,留返結婚用?Oh Sorry真係唔好意思啦,我真係恭喜佢,祝佢好運。哈哈哈。 幾時結婚呀?做咩唔生仔呀? 呢個時候,仲唔係你表演歌喉嘅時候!?「姨媽姑姐!我最近聽到首拜年歌,好新潮架!想唔想聽?」跟住,你仲唔播《春節自救指南》,然後到rap個段,就一齊唱: 「我應該 畢業一個月內 就任總裁 閃電相親立馬結婚生小孩最好是 龍鳳胎」 其實邊有親戚想聽你唱歌呀!筆者都係想提供多幾個輕鬆又搞笑嘅答案大家參考下,到時臨場發揮,就睇你啦!祝大家新年快樂,狗年進步,做個開心的單身/失身/雙身狗! 來源:春節自救指南 撰文: 男校女主筆

Read more

來到情人節,大既…總帶著愛~套套<3

一年之計在於春,但今年農曆新年之前有一個好重要既節日–情人節!單身狗既你/妳,又或者有伴既你/妳,有樣野不得不提既就係點樣用安全套!你知啦,節日氣氛咁濃厚,兩人獨處一室,飲杯茶,睇下片…而且女仔一定打扮得好好睇睇(某D內衣牌子的情人節Design 涼子覺得好GJ!想著比涼子家腦公仔睇),男仔喎,一定有套套要跟身既… 話說涼子經常收到年輕人既來信,就話戴左兩個套好辛苦,啜住左條丁拉唔到出黎,搞到變左拉長套套彈丁丁;又或者係吱唔到套套D空氣出黎,丁丁頭有氣泡,好似丁仔嘔氣咁… 以下係真人真事,切勿以身試法! 套套點樣用? 反轉套套無分年紀,係教育年輕人定係成年人既時候都會出既笑點黎。其實學校做demo又真係無咩點比學生玩過,所以到大個左做左人地父母都可以唔識用。有Client 同涼子講套套好難分前後,於是是但求其戴上細佬度就黎料。就係咁既時候為時已晚,一起身,就咁跌左出黎… 其實套套既面(接觸女仔陰道果面)係有潤滑油既,方便做運動,而且套套粒野會突出黎話你知;唔滑果面係接觸丁丁,為左令套套可以好安全咁擁抱住溫暖既小丁而唔會跌出黎。用套套既時候記得剪手甲,因為套套薄,易穿,能力只局限忍受活塞運動。有樣野一定要記住,要將套套內空氣排出,如果唔係真係會穿/爆(米青同空氣會爭位!)。記住完事要立即除套,丁仔會攰,會細返,漏左就真係要救命。如果巴打咁好力水再戰多三百回合,(前又好後又好口又好啦)記得每完一次換新套,用過既套唔可能再接受強而有力既衝擊。 同埋套套係有分size既,當然唔同牌子都細分好多種,視乎長度同圓周。粗幼長粗係天生既,過鬆/過緊既套套都會影響感覺/避孕機會,所以正視自己條丁,有D野扮唔到架。 重點,唔該唔好戴兩個套套,唔止穿咁簡單,條丁套得太緊會缺血呀!!!!!! 女仔都有套套可以用,但係相比起男仔用,會難D同埋唔太建議,因為難入同埋易戴得唔好,手甲長D都會吉穿。如果爛左係入面,仲麻煩,要去醫院/婦科診所度夾返出黎。陰部清潔得唔好,又會將表面細菌帶入陰道同子宮。最重要係,處女係戴唔到套。所以,避孕係雙向既,大家都有責任,都要識保護自己。 呢度就有個網教人點用(男用套套,文字版): http://www.rrc.gov.hk/safer_sex/chinese/g_steps.htm 片係女用既套套(得英文版):https://www.youtube.com/watch?v=VlGzZZvml6s 環保套套 涼子要同各位講:唔好咁環保(用套套)!就當套套係醫療野,「一次性」既!有朋友同涼子講(都市傳說?)大陸有人執D用過既套,洗乾淨,換過條橡筋再收好個套當新既用…… 第一點,如果套係自己用當然唔會話怕有性病啦(因為污糟而皮膚病另計),但問題係接觸過丁丁同妹妹一定有分泌啦,套套呢就乳膠做既,表面唔平滑,所以點洗都唔會乾淨到。 第二點,套套一但經過拉扯同埋運動,已經係翻唔到轉頭,做完一定要換,如果唔係就會「爸爸唔好唔要我」。 套套的收納方法 好多人都將拆左盒既套套放係銀包、袋(多係褲袋)等等不同位置。但又有幾多巴絲發覺到套套唔襟擺呢?套套怕熱,個包袋袋好易殘,涼子都唔想巴打拎出黎既時候又如何不失霸氣。所以,放套套係陰涼位,櫃筒呀,搵個靚既盒放好就最好喇。

Read more

情人節小貼士:多啲讚你伴侶呀!

早前筆者係面書見到一個驚為天人嘅截圖,係指出做愛時候要不斷感謝神,讚美神嘅恩典,做愛前後都要祈禱,冇信仰嘅話就可以感謝天地創造……筆者睇到頭都側埋。與其感謝上主,不如感謝下你嘅伴侶,個body keep得咁索咁正,令你慾火焚身啦!情人節又就快來,筆者醒幾個溫馨提示俾你,換個角度引誘佢!         「你真係好sexy」 唔好誤會,sexy唔係話佢著得好少布,或者好大隻,反而佢當你地係床上玉帛相見,除晒衫嘅時候都仲係好sexy,咁你就可以順勢讚佢好靚好sexy。尤其係女朋友,對於佢地來講sexy係種韻味,而唔只係外表!         「你皮膚好滑」 通常男女朋友係大時大節都要盛裝打扮自己,由內到外都要預備好。雖然呢個讚未必人人用到,但你咁講,即係代表你有俾心機留意你嘅伴侶,欣賞佢嘅付出,特別係床上面,雖然你地已經準備水乳交融,但你讚一讚,佢即刻開心幾倍,特別係女人,真係好受呢一套架!         「你今晚好特別」 「咁即係你話我平時唔特別姐(嬲)」當然唔係啦。其實呢句讚美同第二個貼士一樣,就係欣賞佢。特別,唔係指特別靚,特別索,係因為佢係你伴侶,所以佢就係特別個個。   正所謂語言就係藝術。其實讚美嘅說話邊個嫌多?耶L們有佢地需要讚美嘅對象,而你嘅對象,咪就係同你做愛個個囉!筆者祝你情人節快樂!   來源:性可以很神聖   文:男校女主筆  

Read more