學術台:吞精算唔算食素?素食小編和肉食小編的思辯

[生物學] 究竟素食者,可唔可以吞精?好多人一直糾結於男性分泌物之一既精子(+精液)到底係屬於肉食定素食,其實,大家睇太多愛情動作片啦,以下就係係生物學角度黎分析一下精子係咩一回事。

Read more

[學術台] 進擊的精子:同女友浸浴會不會有BB?

話說近日係cosplay界有幅whatsapp cap圖就話有個男仔環保地將個套用完一邊用另一邊,令女方懷孕。關於用套呢樣野,涼子同其他writers都講到出牙血,唔講啦。重點係,原來好多人唔知勇猛既「孝子賢孫」—精子可以生存幾耐,以前中學書本話係空氣底下幾分鐘會瓜哂,係真唔係?咁涼子就會係以下落黎介紹下呀精既存活條件!

Read more

《三難2》第一集:不吃魚的貓

我叫Ann,今年23歲,又一城市大學學生,主修英文系。很多人說我們這間大學的女生都很美(我自己完全沒感覺),特別讀英文系的女生(起碼我不是,我只是毒毒黑長直眼鏡娘),更會容易認識到好男生。 嘛,或者吧。 「Ann? 在聽嗎? 又發白日夢了,傻瓜!」男友呀俊摸摸我的頭傻笑著。 確實,別人眼中的好男生,就像呀俊一樣,同齡的陽光型少年,180 cm高,爆肌身材,五官端正之餘有一顆小酒窩,學界劍擊隊隊長,同時是港隊中的一員,對女友滿滿的溫柔,懂得「社交禮節」,對平輩長輩都有禮,即是「識做人」、「世界仔」。無他的,本身作為香港島大學學生,在同區某貴族男校畢業,只是家底和這個成功靠父幹/校幹,又有家人給的一個小單位自住,應該令好多女生投懷送抱,男生們葡萄吧。 我倆是聯校Christmas Ball認識,不過,愛情就是這樣,你不找它,他會找上你。  

Read more

[長文] 18+ Central 被家長投訴 民智大倒退?

最近鬧得滿城風雨既話題,莫過於「有家長投訴成人展」、「市民投訴成人台AV太真實」。「家長」/「市民」點黎,大家無從得知。但最起碼,我地可以分析下到底點解變成咁,有個反面教材,提高自己學術修養,唔好變成世界笑話嘛。   成人展由來 講成人展之前,係香港其實歷史耐少少既當然係成人台(唔計紙媒),而成人台賣咩野,唔洗講都知有咩睇,做得收費台,每家電視台都會提供一系列既保安系統,例如lock 台password,只限比左錢果位人士知黎開返節目睇,防止返屋企18歲以下既人士/唔想睇既人士誤開。當然,撞中密碼開得到,與人無關,可能想睇掛。   而成人展原先就係美國/日本等有成人電影業/產品既大國主力發展既,由2004年起,成人展到上海開展,講既唔止係色情野、商業野,係有相關既成人保健教育,例如點樣/點解用套、疾病防治、健康展覽/講座等,主力係為推廣性健康,減低由性感染疾病既數目(當然,中國咁大,要做有排做),一路都好成功。之後2014年後就去左澳門,做既都係相關主題,反應都好好,所以展覽商話因為聽到香港人有好多都唔想成日咁辛苦過大海睇,於是就黎左香港搞,順手試水溫。但點解到左香港,仲要只係第一次搞公眾展覽,就樣已經搞成咁呢? 法例不合時宜? 涼子唔係律師,無辦法好專業咁分析,純粹拎出可以投訴得入既法例黎睇。 先睇睇香港法例第390章 《淫褻及不雅物品管制條例》其中一條講拎牌展示色情野的條款: 「23. 禁止展示不雅事物 (1) 凡有公開展示的不雅事物,則作該項展示的人,或任何導致或准許作該項展示的人,不論是否知道該事物是不雅事物,均屬犯罪,首次定罪,可處罰款$400,000及監禁12個月,第二次或其後定罪,可處罰款$800,000及監禁12個月。 (由1995年第73號第7條修訂) (2) 本條不適用於 —— (a)

Read more

讀者回覆 – 女仔睇AV DIY是否正常?

讀者 #css5456 有冇女人中意睇av 自慰?女人成日睇av係咪唔正常? 但我性取向正常..   涼子:利申涼子係有睇開AV,GV間唔時都會睇(肌肉美男大愛)!有咩問題?

Read more

【AV Q&A】AV女優有銀用?行情探究(二)

上回講到拍AV嘅片酬,好似唔錯咁,但係AV行業因爲網上免費鹹片流通而大大萎縮,主要市場基本上只係剩返仍然買碟嘅大叔,而呢個市場又明顯會越嚟越細,片商掙扎求存,爲咗減省製作費,都會偷工減料,以減少「本番」(打真軍)次數嚟同女優講價,片酬可能大降一半,甚至得返三幾萬。更加唔好講,呢種供過於求嘅市道之下,女優根本就唔係日日有工開。最近有一篇社會學文章提到,「日本社會恐怕將迎向,人類史上首次年輕女性想出賣肉體卻賣不出去的時代」,我好相信AV業正正就係見證緊呢個時代。 上次講緊嘅日本AV產業系列文章,都提到一啲女優嘅生活慘況。由於片酬越嚟越少,而且多達50-70%要分畀事務所、經理人,竟然有業界排名前15%嘅企劃單體女優要喺「貧窮極限」生活,以15至20萬日圓(約10,600至14,100港元)、幾乎同兼職看護睇齊嘅月入,竭力維持外表同尊嚴,每個月用五六萬日圓(約3,500至4,200港元)置裝(只係二手衫)、做頭髮、整指甲,但就要住冇浴室嘅爛屋,停水停電停電話不特止,連飯都食唔起。呢個月入數字,換算成年收入就係200萬日圓(約14萬港元)左右,但睇返資料,做寫字樓清潔,平均年薪都有234.7萬(約16.6萬港元),收銀就唔夠250萬(約17.6萬港元),咁其實做個正正常常、唔算大紅大紫嘅AV女優,都唔係好好搵㗎咋喎。我哋成日鍾意話日本AV從業員唔係好受歧視,好似其他明星咁可以大搖大擺出街,但講到尾,賺錢都係最緊要。AV業全盛時期嘅風光不再,大家睇到嘅富貴榮華、fan屎滿堂,都只係最紅最紅嗰幾個survivor嘅表象,其他喺裸海載浮載沉嗰幾千人,有啲其實可能苦過dee dee,你都咪話唔慘。 文:一起拉丁舞   【日本AV產業崩壞】海外「無碼片」流竄 女優收入少全盛期85%(https://www.mirrormedia.mg/story/20171020int002/) 王向華、邱愷欣《日本AV女優:女性的物化與默化》 【日本AV產業崩壞】住沒浴室的破公寓 女優貧困超乎想像(https://www.mirrormedia.mg/story/20171020int001/) 日本社會恐怕將迎向,人類史上首次年輕女性想出賣肉體卻賣不出去的時代(https://www.thenewslens.com/article/84123) Average Annual Salary by Occupation, in Japan, 2014(http://nbakki.hatenablog.com/entry/Annual_Salary_by_Occupation)

Read more

【AV Q&A】拍咸片搵快錢?行情探究(一)

AV Q&A 一直都係我哋嘅重點主題,所以小妹遇到同色情電影行業有關嘅文章都絕對唔會放過。我最近就見到幾篇以「AV產業崩壞」爲主題嘅文章,又睇緊一本實地研究日本AV女優嘅社會科學文集,可以幫大家總結下近年女優界嘅行情。 要知道女優賺幾多錢,首先要知道女優嘅分類 —— 「單體」、「企劃單體」同「企劃」女優,簡單嚟講,以上正好係以片酬遞減排序。 – 單體女優通常特別樣靚身材正,專屬特定片商,以偶像手法包裝,獨立演出齋賣色相、唔使劇情嘅AV,演出費可以過百萬日圓(即超過七萬港元),一啲由藝人轉爲AV女優嘅靚女,更曾經以千萬片酬製造話題。 – 企劃單體女優冇同特定片商簽約,可以接拍任何片商嘅AV。呢啲女優雖然都靚,但通常未去到偶像級,所以需要加入唔同AV主題或劇情去吸引觀眾。佢哋一日酬勞係 25至40萬日圓(約1.7至2.8萬港元),片商好多時捉緊機會大拍特拍,薄利多銷,唔少比較知名嘅女優都係咁樣出頭。 – 企劃女優通常姿色平平,幾個一齊演出一部AV,有時唔出真名,簡單以「素人」身份出現,甚至面部打格仔演出,正常片酬係十零萬(即港幣萬幾蚊)左右。呢啲片通常着重故事構想,女優反而唔係主角。 好可惜,以上嘅金額只係理想檯面叫價,真正行情同女優慘況留待下回分解。 文:一起拉丁舞 參考資料: 【日本AV產業崩壞】海外「無碼片」流竄 女優收入少全盛期85%(https://www.mirrormedia.mg/story/20171020int002/) 王向華、邱愷欣《日本AV女優:女性的物化與默化》 【日本AV產業崩壞】住沒浴室的破公寓 女優貧困超乎想像(https://www.mirrormedia.mg/story/20171020int001/)

Read more

【AV Q&A】點解日本AV男優咁多體位,但我一個都做唔到?

相信唔少巴打都幻想過,如果可以好似清水健咁持久,咁大隻就好啦!肯定啲女排到過海,等住俾我…!但點解十個男人,有十個都做唔到AV嘅所有體位呢?究竟係對方有問題,定係我有問題? 筆者睇過一個清水健嘅訪問,先發現原來佢日常生活係咁刻苦!佢每日八點就起身,第一件事就係飲一杯寶礦力、維他命B粉同埋其他補充劑,一路睇電視,一路進行20分鐘左右嘅肌肉訓練。以後早餐會好豐富?佢只係食啲納豆、番茄、香蕉補充一下體力,然後再飲好多藥物。唔講佢係AV男優,真係以為呢個係健身教練嘅早餐! 係拍攝片場預備期間,佢每次上場前都要肯定指甲唔會太長,只要生長左少少都要即刻剪左佢,以免傷到女優。雖然唔少女仔都覺得呢個行為非常暖男,但你又係唔係會日日留意你每一隻手指腳指甲嘅長度? 拍完片,佢都不忘鯨吞精胺酸藥粉同埋鋅粉,再去做返至少兩個鐘gym,確保自己舊舊肌肉都係結實。佢仲提醒,做AV男優一定要每日打飛機,令身體記得個種刺激感覺,如果唔經常射精,身體就會退化。筆者作為一個絲打,對於呢個咁專業嘅男優,真係心感敬配。 唔知各位巴打了解完清水健嘅節制生活之後,仲會唔會幻想自己成為清水健,日日夜夜巴黎鐵塔反轉再反轉?如果你真係想有男優咁嘅勁度,你又有冇恆心,滴酒不沾,日日狂食補充劑,做返兩三個鐘gym,就係為左可以做曬AV裡面嘅體位?筆者建議巴打絲打們都係FF 少陣,做返個普通人,唔好FF自己係清水健或者三上悠亞,滿足到自己之餘又滿足到對方,咪皆大歡喜囉。 文:男校女主筆 資料來源:AV男優清水健不藏私的6種日常性愛姿勢,AV男優清水健的一日生活

Read more

AV Q&A 睇AV與審美觀

其實有邊個廿幾歲未睇過AV,A片V可以話陪伴每個人成長。但究竟係A片影響我地既審美觀定我地既審美觀定義左A片既發展? 根據pornhub 2016 既統計,男性用戶主要傾向MILF,義母,義姐題材,而pornhub大多用戶來自美國。原來好多美國人係有step relatives。42% 美國成年人有step relatives。好多人有step relatives,又好多人睇以step relatives為材既A片。 https://www.stepmommag.com/stepfamily-statistics/ 咁即係點?你想像下,你有個仔睇完義母A片,之後同你講,「老豆,我想要一個好正嘅義母,之後再俾綠帽你帶。」 明顯呢個情況係無咩可能,擺明係因為對義母有幻想而選擇A片。 A片係滿足人幻想既產物,製片商就係了解人既幻想而製片。 燦神話:「百貨應百客」AV種類多,都亦因爲唔同人有唔同口味。 不過,一個人有幾可現實見過咁多異性既胴體,反而係A片既多樣性令一個人了解自己既口味。 互聯網發達,人接觸AV多左。以前,人通常都係聽電台睇電視,邊有咁多視覺沖擊?可能佢只會對歌手影星有幻想。要俾錢買既AV,邊會成日有得睇?宜家AV女星都有佢既名氣,多左好多人對AV女優有幻想。AV 裏面既情節比起一首歌或者一套戲少量既鏡頭更易令人幻想,所以歌星影星相對難成為幻想對象。 但係幻想還幻想,現實還現實。幻想現實要分清楚。

Read more

性教育裡所沒有教的性侵

性侵一詞成為香港今期討論熱話,好像每個人都變成了法律專家,對事件指指點點。日前連麥明詩也忍不住在她的面書post一些法律知識,扮演庭上對話,可是很多人無視了事件其中一點,就是「兒童被性侵」。今天筆者來談一下大家所忽視的重點:性教育與性侵的緊密關係。 來問問大家,你到什麼歲數才知道什麼是性騷擾、性暴力、性侵犯呢?小學?中學?大學?還是到現在也不知道?相信大家對於性騷擾、性暴力、性侵犯的集體記憶,莫過於陳年電視廣告的一些耳熟能詳的對白,除此以外,就是大台的電視劇性侵情節。不過有多少中、小學生在性侵犯發生的時候,知道自己是正在被性侵犯呢? 香港的性教育普遍態度都是「唔好掂,唔好搞,唔好理,唔好問」,總之長大了就自然會識,性交、性侵等也只會出現在成年女士身上,性徵還不明顯的中小學生是不需要發問有關性的問題,更不用說性自主這些「深奧」的字眼。「兒童是沒有機會獨自面對性危機」的態度是十分危險,這是對於兒童過份「無性」的幻想,而運動員性侵事件就證明了,香港教育系統內並沒有認真看待兒童的性危機,亦沒有為兒童提供相應的法律教育,令不愉快事情發生的時候,學生們不但沒有醒覺「我正在被人性侵犯」,而且不懂得向誰求助。 筆者在小學五年級時也遇到不愉快經歷:當時筆者剛發育,性徵愈趨明顯,為了著校服不飛釘,要由普遍內衣轉成女性內衣,要帶bra top了。當時班上一位男同學說了一句「超,學咩人帶bra姐,又冇波」,令我非常生氣,但又不知道可以向誰求助,恍惚每位女孩子的青春都要遭男同學的白眼。不過當時的我對於「性騷擾」完全沒有概念,生活中沒有這個字眼出現,認為性交的性只是大人才談得上,小學生或初中就是學怎樣貼好一條姨媽巾,以防漏血。因為沒有性騷擾或性的概念,所以我並沒有向老師告發。不是因為我沒膽,想要大事化小,而是因為我並不知道原來我可以為自己不舒服、不高興的(性)經歷伸冤採取行動,向不受歡迎的性交流說不(其實沒有交談),唯有自己強忍,遠離男同學。 香港有不少的性教育資源,其中亦有提供性騷擾、性暴力、性侵犯的教材,但還是輕看了學生被性侵犯的前因後果。筆者日前上了一個關於性教育的講座,其中一位席上嘉賓說,「如果你在生活其他方面都沒有什麼自信,不怎有自覺,不懂怎說不,你在性上面都會一樣唯唯諾諾,在危機發生時也不知道如何反應」。這正正是香港性教育的缺陷:愈打壓性好奇,愈激發學生從其他渠道發掘。愈不敢大膽地、正面地、公開地討論性及性行為,愈多性迷思,令學生誤會性騷擾、性暴力、性侵犯只會出現某個時間地點,例如酒吧,不會發生在家裡、校園,甚至不會出現在熟人當中出現。因為在校園沒有談性的習慣,所以當中小學生被熟人拍拍腰背,即使幾不願意,他們亦沒有當此成為性騷擾或性侵犯,因為在教育裡「性」一直被否定:性笑話只會被看成無心的小學雞話題,從不當下糾正;性比較由AV 產生,但從沒老師跟中小學生公平地討論色情作品的真實性。 筆者不是說性教育一定要校園內。但是,否定學生需要學習什麼是性侵犯,即是否定性存在在中小學生當中。而性往往就在我們的生常生活中。如果學生不明白什麼是性,不明白什麼是不歡迎的性、沒有自己准許的性,在性侵發生的時候就不知道該怎樣反應,甚至於不知道自己是在被性侵,而非一般的不愉快經歷。性教育不只是教開心、愉快的性,也要教不關心、不愉快的性。要中小學生在青春期之前就有保護自己的性自覺,不是長大成人才懂保護身體,筆者認為這是運動員事件中非常重要而被忽視的一點。 文:男校女主筆       2017-12-04

Read more