來到情人節,大既…總帶著愛~套套<3

一年之計在於春,但今年農曆新年之前有一個好重要既節日–情人節!單身狗既你/妳,又或者有伴既你/妳,有樣野不得不提既就係點樣用安全套!你知啦,節日氣氛咁濃厚,兩人獨處一室,飲杯茶,睇下片…而且女仔一定打扮得好好睇睇(某D內衣牌子的情人節Design 涼子覺得好GJ!想著比涼子家腦公仔睇),男仔喎,一定有套套要跟身既…

話說涼子經常收到年輕人既來信,就話戴左兩個套好辛苦,啜住左條丁拉唔到出黎,搞到變左拉長套套彈丁丁;又或者係吱唔到套套D空氣出黎,丁丁頭有氣泡,好似丁仔嘔氣咁…

以下係真人真事,切勿以身試法!

  1. 套套點樣用?

反轉套套無分年紀,係教育年輕人定係成年人既時候都會出既笑點黎。其實學校做demo又真係無咩點比學生玩過,所以到大個左做左人地父母都可以唔識用。有Client 同涼子講套套好難分前後,於是是但求其戴上細佬度就黎料。就係咁既時候為時已晚,一起身,就咁跌左出黎…

其實套套既面(接觸女仔陰道果面)係有潤滑油既,方便做運動,而且套套粒野會突出黎話你知;唔滑果面係接觸丁丁,為左令套套可以好安全咁擁抱住溫暖既小丁而唔會跌出黎。用套套既時候記得剪手甲,因為套套薄,易穿,能力只局限忍受活塞運動。有樣野一定要記住,要將套套內空氣排出,如果唔係真係會穿/爆(米青同空氣會爭位!)。記住完事要立即除套,丁仔會攰,會細返,漏左就真係要救命。如果巴打咁好力水再戰多三百回合,(前又好後又好口又好啦)記得每完一次換新套,用過既套唔可能再接受強而有力既衝擊。

同埋套套係有分size既,當然唔同牌子都細分好多種,視乎長度同圓周。粗幼長粗係天生既,過鬆/過緊既套套都會影響感覺/避孕機會,所以正視自己條丁,有D野扮唔到架。

重點,唔該唔好戴兩個套套,唔止穿咁簡單,條丁套得太緊會缺血呀!!!!!!

女仔都有套套可以用,但係相比起男仔用,會難D同埋唔太建議,因為難入同埋易戴得唔好,手甲長D都會吉穿。如果爛左係入面,仲麻煩,要去醫院/婦科診所度夾返出黎。陰部清潔得唔好,又會將表面細菌帶入陰道同子宮。最重要係,處女係戴唔到套。所以,避孕係雙向既,大家都有責任,都要識保護自己。

呢度就有個網教人點用(男用套套,文字版):

http://www.rrc.gov.hk/safer_sex/chinese/g_steps.htm

片係女用既套套(得英文版):https://www.youtube.com/watch?v=VlGzZZvml6s

  1. 環保套套

涼子要同各位講:唔好咁環保(用套套)!就當套套係醫療野,「一次性」既!有朋友同涼子講(都市傳說?)大陸有人執D用過既套,洗乾淨,換過條橡筋再收好個套當新既用……

第一點,如果套係自己用當然唔會話怕有性病啦(因為污糟而皮膚病另計),但問題係接觸過丁丁同妹妹一定有分泌啦,套套呢就乳膠做既,表面唔平滑,所以點洗都唔會乾淨到。

第二點,套套一但經過拉扯同埋運動,已經係翻唔到轉頭,做完一定要換,如果唔係就會「爸爸唔好唔要我」。

  1. 套套的收納方法

好多人都將拆左盒既套套放係銀包、袋(多係褲袋)等等不同位置。但又有幾多巴絲發覺到套套唔襟擺呢?套套怕熱,個包袋袋好易殘,涼子都唔想巴打拎出黎既時候又如何不失霸氣。所以,放套套係陰涼位,櫃筒呀,搵個靚既盒放好就最好喇。

  1. 戴得及時

插之前好戴定啦,因為丁丁有分泌,唔想有BB但好多時都係衰係呢D位。「接觸性懷孕」係指唔經丁丁插入/係陰道內射精都可以有左,前題係因為女仔每個月都會有排卵期(香港絕大部分女仔經期唔準),排卵期同平時既分泌係有分別,特別歡迎呀精,最重要係丁丁分泌會帶有精子,雙方分泌物會令粒精安全地向上游。掂過呀丁,要洗手;呀丁唔好赤裸裸咁掂呀妹。

  1. 出入平安

有D夫婦/情侶因為工作壓力,係情人節呢D時間當然搞搞新意思。想出入平安(前定後都好啦),自然會諗起潤滑劑。涼子知道有好多巴打會拎BB油、hand cream呀果D打丁,但原來對套套係一種傷害。市面上既套套超過80%都係乳膠/PU製,性玩具/飛機杯好多都係用醫用矽膠。因此,如果巴絲咁好興致黎cosplay 下Fifty ____ of ____,油性同矽既潤滑劑都係禁止!

潤滑劑有油溶性,水溶性,矽(矽靈),甚至係石蠟類,甘油類,凡士林等,但油溶性/水溶性/矽先可以係愛愛時用。正所謂負負得正,同樣物料自然有處理同自己一樣既弱點。套套係好敏感,油性潤滑劑會令套套唔滑,傷害個接觸面,然後就係穿。性玩具好多都係矽膠做,同套套受傷原理一樣。跟手你地會問點解套套本身既油會無事?咁係因為佢多數係由二甲基矽油整出黎,唔傷身,唔傷套。同埋整得係套套上面既,唔止出入平安用,而且可以催情。

如果真係好想/需要用到潤滑劑,涼子推介用K-Y Jelly(或叫水溶性啫喱/K-Y Jelly Lubricant,唔係網上成日見既KY,佢有甘油成份),又平又大支,抵用!基本上入到藥房買唔洗難為情,因為K-Y功用好多,就醫用而言,探入式檢查都會用到。K-Y係水溶性,油溶性/矽性都會有敏感問題/增加陰道發炎機會,屬低敏感,無色無味又無臭,同套套完全係Perfect Match!

如果要玩玩具落菊花又用套,有名既eros、pjur、SuperSlyde就唔用得了,因為呢D都係矽性的。另外,怕身體有味就去沖涼,事前事後既衛生黎,唔好話有香味既野/香水/香精之類既傷害身體,對套套/玩具就更加啦!

有關於潤滑劑,可以睇呢個網:http://www.inmediahk.net/node/1036354

記住唔好學迷片咁用口水當潤滑劑,好多菌呀!

套套唔止用黎避孕,仲可以避大部分(唔係全部)既性病,當然,涼子絕對唔鼓勵多P/唔同Partner既性活動,傷身又易中招。

有樣野涼子要提醒,套套始終用乳膠整出黎,如果巴絲有唔舒舒服:紅/腫/熱/痛,記住唔好怕去睇醫生,有機會係對乳膠敏感。人生出黎大把野敏感,PI物料(Polyisoprene),係最新用黎做套套既物料,醫學用多(多用係醫生觸診),適合對乳膠或PU物料過敏的人士。就算唔用套都有其他避孕方法,想知既就留言比涼子啦。

撰:毒菇涼子