個個都話性教育,你估個個都識性教育?  

講開呢味野D人成日又話咸濕呀,唔應該由女仔把口講呀之類。今日,涼子就同你講咩叫做愛做的事!

 

1。「可能有些老師未拍過拖,或者無經驗,又點去教呢?」

呢句野涼子係一個民字頭的議員聽返黎,真係好有趣!點解?是咁的,無拍拖唔洗零分重作既,事關涼子當初係小學學性教育(都成五、六年級先叫認真有野學)果陣,有D miss係實習既,羞羞澀澀咁;但大部分老師係專業,係有教學經驗既。佢地係會備課,會搵資料教學生(如果香港教育局有多d資料既話),咁點解要咁問呢?再者,唔係老師開左呢個topic,大家先覺得唔夠喉要上網搵資料咩?

 

講咁多,無非想帶出一句:教育係教導知識,同你點實踐係兩回事!跟據返議員們話有關性教育既指引已經21年前……21年前大家都好細,甚至未出世!以前老豆年代係睇咸書呀,龍虎豹呀,再唔係就睇水著女優寫真果D打個靚丁,但無計喎,當年落後嘛。近呢十年廿年,好多的性知識好多同學都係來自AV(重點),又或者係來自同學仔之間互相吹水,睇下ATX深夜檔既H動漫、賣肉番之類,呢D都唔係我地上一代有既seed/ mother黎。多左咁多資訊,但似乎教育局份文件依然純情der。

 

有報導訪問過學生話其實學校用既教學用安全套係用完又用,都係老師用假丁丁著比佢地睇,但似乎同涼子細個上生物堂果陣有D似,係無咩機會係課堂上自己用一次個套套同果條假丁。呢樣都未算,男仔條J同女仔個妹大家都知有咩用處啦,但發現左原來好多人係實戰既時候會「last night, woooo~~~」,_錯洞呀!(呢,sex sercret果D問題呀,入左菊花會唔會有BB,都唔洗涼子quote reference喇)錯洞、反轉安全套…呢D咁基本既野都未知既時候,敢問教得夠嗎?幾多個蒼老師都唔夠啦!(早十年都未有Elife比你睇啦係咪)

 

2。拍拖肯肯定會搞野?

涼子想講,男人同女人相愛無情慾係做唔到人(啫係生仔),除非你/妳無feel或唔得。人類最原始時代果陣係為生仔先會打生打死搶人女人果D,因為你係唔知幾時死左而令到家族絕後,作為最強人類當然要搵個好男人/女人搞下野先啦!佛洛依德(Freud)都話,人係有libido (性衝動)去使到人去求生(仔)既(生存同生仔幾乎相等,想知點解就留言/自己搵佛洛依德既精神分析學理論睇下),無論你聽到有個男人/女人係你面前「嗯啊~」,抑或見到有副靚body係自己面前,我唔信你/妳唔會心動。

人禽之別,有別於前者有接受教育,你妳唔會因為土地問題而通街啪啪啪先,又或者明知對方唔肯而去老強等等;但動物世界唔會有咩道德教育,心動就黎執一劑唔會有咩問題。特別係呢個香港社會,網絡咁發達,只要一片在手,就會引黎好多道德批評,未必個個夠膽玩真人show。加上,你妳愛對方/有宗教信仰既話,比一般人少D機會因為忍唔住而搞野,作為有責任同有D知識既人都知搞野背後有好多野要諗既(當然要搞野果陣唔會諗到),基本上正常人要滿足性慾,唔一定搞,打下飛機/打下碟都夠。

回歸原點,性行為個個都知咩黎,但性接觸就個個都以為係得搞野。性接觸(sexual contact)係好廣泛,打車輪、擁抱、拖手、啪啪啪等等通通都關事。性行為都包左係入面,但教育上真係無特別咁去介別。性行為係一定要有條丁插左入個陰道先自成立。當然,肛交呀口交呀果d都叫性行為(活塞運動),但唔正宗,錯洞當然唔會有BB。

 

3。咁性教育要包d咩?

講起呢個話題,其實好多國家標準都唔同。西方國家主張公平公開,亞洲國家廣為人知都受儒家思想影響都幾保守(有D例外,你明既)。涼子係咁依搵左三個國家:日本、德國、美國的性教育既資料(官方)。呢三個國家都係發達國家,人均知識水平高,而且都係廣為人知係(性)教育方面都係幾出色既。共通點在於,佢地都係由好細個(小學一年級)左右就由生理結構開始教。香港人點解咁易錯洞,咁係因為一直以黎唔明白女人有三個洞(由正面上而下:尿道、陰道、肛門),男人只有兩個洞:尿道、肛門。相信大家有共鳴的位就係:一打開黎睇個個都差唔多位!係呀,所以點解咁多人要參考A片!要等到中學生物堂得果一、兩節學,都太遲鳥。

 

除左生理結構,愛情動作係要教既。傳教士(男上女下)式都唔係咁易,插錯左已經係failed。點樣郁,有咩動作舒服,A片好多都係假,但真既野學校又無教到。然而德國性教育入面包括左:點樣舒服、體位、點樣刺激、互相尊重等等細分左好多野。然而呢D知識實戰係上黎既時候係用到兼會令partner好滿意。除此之外,三個網頁都有講酒精毒品同意外懷孕問題,而唔會好似香港咁一係生一係落,無其他。從用家角度黎講,比人既感覺係貼心同埋係寫呢個page既人明白當時人有幾煩惱。而日本個網喎,就緊係有野睇,都唔洗涼子去講啦(連環H圖,畫功係男女都岩睇!)

 

LGBT,呢個話題講左好耐,但好似咩都無講過無教過。係美國個網頁上,直頭有搵D學生/青少年拍埋片去講解係咩黎。Gay/Les唔係罪,只係性取向唔同,大家做起上黎用既位置又唔同。係生活係呢個地球上(係呀,因為度度地方都有係反對嘛),佢地生理同心理上壓力好大,性教育最特別既位係要教育關懷性小眾,接納同埋幫助。(有埋d centre呀,求助熱線呀咁,唔止一般青少年用,LGBT朋友都好適用)

 

性教育唔係得個講字,我毒菇涼子做左咁多年人都直認唔會識好多野,都係得閒睇下書睇下片上下網咁。但有幾多個中小學生有時間好似涼子咁?定係早就比屋企人當上咸網咁Block哂?涼子想講既係,呢個topic好有趣,唔悶唔沉重,唔好強迫去學,而係當見識下咁就OK!大家鍾意既topic可以話比涼子知,第日講過你知!

想學正經野,不妨認真同自己伴侶/五姑娘睇下呢三個性教育網,包你話正!

德國性教育網頁: https://www.zanzu.be/en

美國青少年性教育網頁:https://sexetc.org/

日本性教育網頁:http://sexlife.jp/blog-entry-266.html

*佛洛依德:精神分析學派 (p.35-41): http://www.eyebook.com.tw/books/2BF27/2BF27-CON.pdf

 

撰:毒菇涼子