要是福山雅治就不算性騷擾: 你的樣子如何,你的下場也必如何?!

 

近日係日本有個熱爆議題,就係話用對眼望住女性(掃視?凝視?)/用物件掂到個女性而令對方感到不安既就會構成性騷擾。然而,日本有個女律師就話如果有福山雅治咁既級數既男性做以上既野就無問題,咁…點為止性騷擾?係咪用樣黎定義?咁唔怕性別歧視?我地點保護自己先好?

 

香港點定義性騷擾?

跟據香港大學法律系既網頁就解釋左性騷擾(Sexual Harassment)係香港既定義:

「如任何人作出不受歡迎並涉及性的行為,而這些行為具冒犯性、侮辱性及威嚇性的,便會構成性騷擾,當中包括作出不受歡而從性方面獲取好處的要求。性騷擾者可能要承擔法律責任,並且可能要向受害者作出賠償。

根據《性別歧視條例第2(5)條第2(8)條,任何人向一名男士或女士作出性騷擾行為,均屬違法,而有關性騷擾的條文亦適用於同性關係。舉例,如一名男士性騷擾其他男性,或一名女士性騷擾其他女性,兩者皆可被控告。

性騷擾可以直接或間接地透過身體動作或語言去進行,以下是部分例子:

  • 不受歡迎的身體接觸(例如擁抱、親吻或觸摸);
  • 盯著看或擠眉弄眼;
  • 摩擦別人的身體;
  • 不斷追問別人的私生活;
  • 做出使人反感並涉及性的手勢。

性騷擾亦包括作出不受歡迎並涉及性的行徑,以營造一個在性方面具敵意或具威嚇性的工作環境,例如:

  • 說出與性有關的言論或笑話;
  • 展示與性有關的不雅圖片或海報;
  • 對別人的性別作出侮辱或嘲笑;
  • 挑引性地吹口哨。」

來源:http://www.clic.org.hk/tc/topics/antiDiscrimination/sex_discrimination/q4.shtml

 

用感覺定罪?!

就咁睇,性騷擾的確有如果位女律師咁講「我覺得果個人對我OO/佢令我不安」而事主係認定「果個人」既行為係構成性騷擾,事就這樣成了!問題就黎啦!假設我生得樣衰,只要我流哂口水咁既樣(你覺得)望實個「福山雅治」,根據咁主觀既定義,我都係會被認定為「我用對眼性騷擾福山雅治」,當然前題係,「福山雅治」要感到不安/比我望係覺得唔好受/直頭覺得我視姦佢。講左咁耐,法律又出現灰色地帶,原來由頭到尾都係一D主觀感受為先,用樣黎行兇,正確而言當然係禁止!要定罪,都要講證據,無人因為佢係靚仔/女而唔告(造就更多受害者!),又或者生得樣衰望下你一眼就等於視姦人,仲成世界既?!

 

但係要記住一點,不論男女,都可以係性騷擾既受害者,只係社會(媒體)多數去報導男性去侵犯女性(的確華人/亞洲社會犯罪者係男性又真係多,社教化問題,要睇社會學既文章,呢度唔長講啦……)。係性面前,人人平等,係外國,男性同女性都會成為性騷擾案既施暴者。基本上,絕大部分性騷擾既施暴者都係利用身體優勢(例如男性強而有力身體/女性社會中被定義較易被施暴)、社經地位(例如有錢/上司)而去作惡既人,一定就係錯!以下就有D方法同現實問題比大家參考下。

 

保護自己,要識講「唔好」!

電視都有教,遇到事要識講唔好,同埋話比你信任既人聽!然而好多時提出左而無人信/群眾壓力下不了了之,又或者怕比人炒,正正就係係上文提到「社經地位」。又例如男性係去做某特定接觸人既工作,例如社工、老師、護士、醫生等等,佢地都要去警署申請無性罪行記錄既紙,但呢張紙可以保障D咩呢?可以保障既某程度上係老細個飯碗,而唔係申請呢張紙既打工仔。事實上,好多職場犯罪者大多都係有地位既,而打工仔好多係唔敢出聲。係2012年平機會係大中小學做左個統計(308間學校),多達136/162間有設立性騷擾政策既學校話自己學校係無收到性騷擾投訴,但事實係點?而且,137間學校根本無呢條條例去保障師生。而多數受害學生很少向老師求助,原因係害怕受到報復同埋認為老師不擅於處理令人尷尬的性騷擾個案。學校如此,職場如此。睇下搭港鐵時,又有幾多個受害人叫出聲?又有幾多勇士出黎幫手?

 

來源:http://www.edb.gov.hk/attachment/tc/teacher/student-guidance-discipline-services/lecture-notes/lecture-notes-201314/lecture-notes1314-preventing-sexual-harassment-in-schools-eoc.pdf

 

要學識為自己身體做主

正如上文講開,遇到性騷擾要識講唔好,就算施暴者幾靚仔/女,成件事就係自己都唔係自願,係有損失,精神上係受傷害既,咁點解要比呢D事發生呢?用個樣去行兇,唔係好可惡咩?

 

受到性騷擾,係不幸,但絕對唔會係自己既錯,所以,要大大聲咁叫,要講出黎!

  • 即時舉報並表明立場,向性騷擾者告之他 / 她的行為是不受歡迎和必須停止;
  • 記錄被性騷擾的日期、時間、地點、證人及性質(性騷擾者說過和做過甚麼),以及閣下的反應;
  • 告訴閣下信任的人;
  • 尋找支持者或輔導員,因為他們能夠給予安慰,及提供一些非正式或正式投訴程序的資料;
  • 寫信或字條給性騷擾者;
  • 向機構或學校中的高層職員提出正式投訴;
  • 向平等機會委員會投訴

網址:http://www.eoc.org.hk/EOC/GraphicsFolder/Complaint.aspx

傳真:2106 2324

地址:香港太古城太古灣道 14 號太古城中心三座19樓;

  • 聯絡警方及或提出法律訴訟
  • 如果係大學,請搵該大學既性騷擾投訴小組。

 

參考:http://www.clic.org.hk/tc/topics/antiDiscrimination/sex_discrimination/q5.shtml

 

撰:毒菇涼子